Luke 5:21 - Setswana 1970

²¹ Jaanong Baitsedikwalo le Bafarisai ba simolola go akanya ba re: “Ke mang yo, yo o buang dikgalo? Ke mang yo o ka itshwarelang dibe, fa e se Modimo fela?”

Lefoko: La Botshelo Kgolagano e Ntsha

²¹ Mme Bafarasai le baruti ba molao ba botsanya ba re, “Motho yo o ikgopola a le eng?” O a tlhapatsa! E mang fa e se Modimo yo o ka itshwarelang dibe.

Bibela ea Boitsépho 1890 (Sechuana Tlhaping - Moffatt Bible)

²¹ Mi bakuari le Bafarisai ba simolola go gakololana, ba re, Emañ eo, eo o buañ likhalo? Mañ eo o ka icuarelañ libe, ha e si Morimo osi?

BAEBELE e e Boitshepo

²¹ Bakwadi le Bafarisai ba simolola go akanya go re: “E mang yo, yo o buang ditlhapatso? E mang yo o ka itshwarelang dibe fa e se Modimo osi fela?”

Luke 5:21 Iomraidhean Croise

Lipesalema 103:3

O itshwarela maleo a gago otlhe, o fodisa makoa a gago otlhe.

Lipesalema 130:4

Mme boitshwarelo bo fa go wena gore o tle o boifiwe.

Lipesalema 32:5

Ke ne ka go ipobolela boleo jwa me, mme ka se ka ka fitlha tshiamololo ya me. Ke rile: “Ke tla ipobolela Morena ditlolo tsa me,” mme wa tlosa molato wa boleo jwa me. Sela.

Lipesalema 35:5

A ba nne jaaka moko mo phefong, a moengele wa Morena a tle a ba kgophole.

Yesaye 1:18

“Tlayang he, a re sekisanyeng,” go bua Morena: “Le fa dibe tsa lona di hubitse jaaka madi, di tla sweufala jaaka semathana; le fa e le tse dikhibidu jaaka letsoku, di tla nna jaaka boboa jwa nku.

Yesaye 43:25

Ke nna, ke nna yo ke phimolang dibe tsa gago; ke ka ntlha ya me, fa ke sa tsotelele maleo a gago.

Yesaye 44:22

Ke phimotse maleo a gago jaaka maru le dibe tsa gago jaaka mouwane. Boela kwa go nna, gonne ke go golotse!”

Daniele 9:19

Ao, Morena, utlwa! Morena, itshwarele! Morena, ela tlhoko, o dire jalo; se diege ka ntlha ya gago, Modimo wa me. Gonne motse wa gago le morafe wa gago di bidiwa ka leina la gago.”

Daniele 9:9

Mme go na le bopelotlhomogi le boitshwarelo mo Moreneng, Modimo wa rona; le fa re mo tsogetse

Levitiko 24:16

Yo o kgalang leina la Morena o tshwanetse go bolawa. A phuthego yotlhe e mo kgobotletse ka majwe. Le fa e le moeng gongwe yo o tsaletsweng mo gae, fa a kgala leina la Morena a a bolawe.

Mike 7:19

O tla boa o re tlhomogela pelo gape, o gataka maleo a rona; o tla latlhela dibe tsotlhe tsa rona mo botennye jwa lewatle.

Mataio 26:65

Ke fa moperesiti yo mogolo a ikgagola diaparo a re: “O kgadile Modimo; re sa batlelang basupi? Kana lo utlwile kgalo ya gagwe jaanong; lo gopola eng?”

Mataio 9:3

Ke fa bangwe ba Baitsedikwalo ba ithaya ba re: “Yo, o kgala Modimo.”

Luke 3:8

Ka moo, ntshang maungo a a tshwanetseng tlhabologo. Lo se ka lwa simolola go ithaya lo re: ‘Re bana ba ga Aborahame’; gonne ke lo raya ke re: Modimo o nonofile go tsosetsa Aborahame bana ka majwe a.

Luke 5:17

Ka lengwe la malatsi ao a bo a ruta. Bafarisai le Baruta-molao ba bo ba ntse fa fatshe, e le ba ba tswang mo motseng mongwe le mongwe wa Galelea le Jutea le kwa Jerusalema; thata ya Morena ya go fodisa e ne e na nae.

Luke 5:22

Ya re Jesu a lemoga dikakanyo tsa bone, a ba fetola a re: “Lo akanyang mo dipelong tsa lona?

Luke 7:49

Ba ba ntseng nae fa dijong ba simolola go akanya ba re: “Ke mang yo, yo e bileng a itshwarela dibe?”

Johane 10:33

Bajuta ba mo araba ba re: “Ga re go kgobotleletse tiro e e molemo; mme ke ka ntlha ya kgalo, ka e re ò le motho, ò itshema Modimo.”

Baroma 8:33

Ke mang yo o ka bayang batlhaolwi ba Modimo molato? Modimo ke ona o o siamisang.