Luke 4:6 - Setswana 1970

⁶ Diabolo a mo raya a re: “Ke tla go naya borena jotlhe jo, le kgalalelo ya jona; gonne ke bo filwe, mme ke bo naya yo ke ratang go bo mo naya.

Lefoko: La Botshelo Kgolagano e Ntsha

^6-7 mme Satane a mo raya a re, “Ke tlaa go naya magosi a mantle a otlhe le kgalalelo ya one gonne ke a me ke a naya mongwe yo ke eletsang go a mo naya fa o ka khubama ka mangole wa nkobamela.”

Bibela ea Boitsépho 1890 (Sechuana Tlhaping - Moffatt Bible)

⁶ Mi diabolo a mo raea, Ki tla gu naea thata eotle e, le khalalelo ea aona; gone ki li necoe, mi ki ka li naea eo ki ratañ go mo naea.

BAEBELE e e Boitshepo

⁶ Diabolo a mo raya a re: “Ke tlaa go naya thata yotlhe e, le kgalalelo ya magosi a, gonne mo go neetswe nna, mme ke ka go naya yo ke ratang go go mo naya.

Luke 4:6 Iomraidhean Croise

Esetere 5:11

Hamane a ba a ba bolelela ka ga kgalalelo ya khumo ya gagwe le bontsi jwa bomorwawe le tsotlhe tse kgosi e mo godisitseng ka tsona le ka fa e mo dirileng yo mogolo ka teng bogolo go dikgosana le batlhanka ba kgosi.

Yesaye 23:9

Morena wa masomosomo o di ikaeletse gore a itshepolole boikgodiso jwa bontle jotlhe, a tlotlolole batlotlegi botlhe ba lefatshe.

Yesaye 5:14

Ka ntlha ya moo felo ga baswi go atlhamolositse legano la gona; go atlhamisitse molomo wa gona go feta tekanyo gore go wele teng batlotlegi ba Jerusalema le ba e leng batho fela ba teng, ba ba tlhodiang gona le ba ba duduetsang teng.

Luke 4:7

Jaanong, fa o ka nkobamela, e tla nna jwa gago jotlhe.”

Johane 12:31

Ka nako e lefatshe leno le a atlholwa; molaodi wa lefatshe leno o tla lelekelwa kwa ntle ka nako e.

Johane 14:30

Ga nkitla ke tlhola ke bua tse dintsi le lona; gonne molaodi wa lefatshe leno o e tla, mme ga a na thata epe mo go nna;

Johane 8:44

Lona lo tswa mo go rraeno Diabolo, lo bile lo rata go dira dikeletso tsa ga rraeno. Ene e ne e le mmolai wa batho go tswa tshimologong, ga a a ka a tlhomama mo boammaaruring; ka gonne ga go na boammaaruri bope mo go ene. Fa a bua maaka, o bua se ene a leng sona; gonne ke ene moaki le rraa-maaka.

2 Bakorinta 11:14

Mme ga se kgakgamatso; gonne ene Satane ka esi o a tle a iphetole go nna moengele wa lesedi e se ene.

Baefeso 2:2

a lo kileng lwa bo lo tsamaya mo go ona ka fa mokgweng wa lefatshe leno, jaaka mong wa loapi a laola, e bong mowa o le jaanong o dirang mo bathong ba ba sa utlweng,

1 Petero 1:24

Gonne: “Nama yotlhe e ntse jaaka bojang, kgalalelo yotlhe ya motho e ntse jaaka sethunya sa bojang. Bojang bo a swaba le sethunya se tlhotlhorege,

1 Yohane 5:19

Re itse gore re ba Modimo; mme lefatshe lotlhe le mo thateng ya yo-o-bosula.

Tshenolo 12:9

Kgwanyape e kgolo ya digwa, e bong noga ya bogologolo e e bidiwang Diabolo le Satane, e e timetsang lefatshe lotlhe, ya digelwa mo lefatsheng, le baengele ba yona ba digwa nayo.

Tshenolo 13:2

Sebata se ke se bonyeng sa bo se tshwana le nkwe, maroo a sona a le jaaka a senonnori, molomo wa sona o le jaaka wa tau. Mme kgwanyape ya se naya nonofo ya yona le sedulo sa yona le thata e kgolo.

Tshenolo 13:7

Sa ba sa newa go lwa le baitshepi le go ba fenya; sa newa thata mo ditsong tsotlhe le mo ditšhabeng le mo dipuong le mo merafeng.