Luke 4:18 - Setswana 1970

¹⁸ “Mowa wa Morena o mo go nna, ka gonne o ntloleditse go rerela bahumanegi Efangele; a ba a nthoma go fodisa ba ba pelo di phatlogileng, go bolelela batshwarwi kgololo, le difofu go baa di bona, le ba ba ketekilweng go ba naya tsela ba golotswe,

Lefoko: La Botshelo Kgolagano e Ntsha

^18-19 “Mowa wa Modimo o mo go nna. O ntaoletse go rerela bahumanegi Mafoko a a Molemo; o nthometse go fodisa dipelo tse di phatlogileng le go bolela gore magolegwa a tla gololwa, le difofu di tlaa bona, bapatikegi ba tlaa gololwa mo bagateleding ba bone le gore Modimo o ipaakanyeditse go naya letlhogonolo botlhe ba ba tlang mo go one.”

Bibela ea Boitsépho 1890 (Sechuana Tlhaping - Moffatt Bible)

¹⁸ Moea oa ga Yehova o go ’na, gone o ’ntloleritse go rerela bahumanegi evañgelio; o ’nthomile go horisa ba ba pelu li thubegileñ,

BAEBELE e e Boitshepo

¹⁸ “Mowa wa Morena o mo go nna, gonne o ntloleditse go rerela bahumanegi Mafoko a a Molemo; o nthomile (go fodisa ba ba pelo di phatlogileng), go rerela bagolegwi kgololo, le phoufologo ya ba ba foufetseng, go golola ba ba teketilweng,

Luke 4:18 Iomraidhean Croise

Genese 3:15

Le gona ke tla baya letlhoo fa gare ga gago le mosadi le fa gare ga losika lwa gago le losika lwa gagwe; lone lo tla go tšhwetla tlhogo, mme wena o tla lo loma serethe.”

2 Litihalo 34:27

E re ka pelo ya gago e le boleta, mme o ikokobeditse fa pele ga Modimo, fa o utlwa mafoko a ona ka ga felo fano le ka ga baagi ba gona, le ka o ikokobeditse fa pele ga me, wa ikgagola diaparo, wa lela fa pele ga me, le nna ke go utlwile. Morena a re jalo.

Lipesalema 102:20

Gonne o lebile kwa tlase a le kwa bogodimong jo bo boitshepo jwa gagwe; Morena o lebile lefatshe a le mo legodimong

Lipesalema 147:3

O fodisa ba ba dipelo di phatlogileng, o fapa dintho tsa bona.

Lipesalema 2:2

Dikgosi tsa lefatshe di a ikemisa le babusi ba nnela go logisanya maano a go lwa le Morena le Motlodiwa wa gagwe ba re:

Lipesalema 2:6

“Mme nna, kana ke tlhomile kgosi ya me mo Sione, mo thabeng ya me e e boitshepo!”

Lipesalema 34:18

Basiami ba biditse, mme Morena a utlwa, a ba golola mo ditlalelong tsotlhe tsa bona.

Lipesalema 45:7

Sedulo sa bogosi sa gago, Modimo, ke sa ka gale le sa bosakhutleng. Thobane ya bogosi jwa gago ke thobane ya tshiamo.

Lipesalema 51:17

Morena, bula molomo wa me gore o bolele tumiso ya gago.

Yesaye 32:3

Matlho a baboni ga a kitla a tlhola a fatlhega. Ditsebe tsa bautlwi di tla utlwelela.

Yesaye 35:5

Foo matlho a difofu a tla foufologa, ditsebe tsa disusu di tla kabologa.

Yesaye 42:7

gore o budulole matlho a difofu, o ntshe batshwarwi mo botshwarong, le ba ba ntseng mo lefifing mo ntlong ya kgolegelo.

Yesaye 45:13

Ke nna yo ke tsositseng Korese ka tshegofatso; ke tla baakanya ditsela tsotlhe tsa gagwe. Ene o tla aga motse wa me, a golola batshwarwi ba me kwa ntle ga serekololo le kwa ntle ga dimpho.” Morena wa masomosomo o buile jalo.

Yesaye 49:9

le go raya bagolegwi: ‘Tswayang!’ le go raya ba ba mo lefifing: ‘Tswelang mo leseding!’ Ba tla fudisa fa thoko ga ditsela tsotlhe. Mafulo a bone a mo mebotong yotlhe e e iphotlhereng.

Yesaye 50:4

Morena Modimo o mphile loleme lwa yo o rutegileng gore ke itse go lapolosa yo o lapileng ka mafoko; o ntsosa mo mosong mongwe le mongwe, o nthibolola tsebe gore ke utlwe jaaka barutwa.

Yesaye 57:15

Gonne go bua jaana yo o tlotlometseng yo o godimodimo, yo o agileng mo bosakhutleng, yo leina la gagwe e leng Yo-o-Boitshepo, a re: “Ke agile kwa godimodimo le mo felong ga boitshepo. Le gona ke ntse ke na le yo o mowa o ngomogileng, o o kokobeditsweng, gore ke lapolose mewa ya ba ba kokobeditsweng, ke rudise pelo tsa ba ba bogisegileng.

Yesaye 59:21

“Mme nna, go bua Morena, ke dira kgolagano nabo ke e: Mowa wa me o o mo go wena le mafoko a me a ke a tsentseng mo molomong wa gago ga di na go tloga mo molomong wa gago le mo melomong ya bana ba gago le mo melomong ya bana ba bana ba gago go tloga fano go ya bosakhutleng.” Morena o buile jalo.

Yesaye 61:1

Mowa wa Morena Modimo o mo go nna, ka gonne Morena o ntloditse, a nthoma go rerela babogisegi mafoko a boitumelo le go alafa ba ba pelo-di-phatlogileng le go itsise batshwarwi kgololo le ba ba golegilweng go bulwa ga kgolegelo,

Yesaye 66:2

Ke seatla sa me se se dirileng dilo tsotlhe tse; dilo tsotlhe tsa tlholega jalo, go bua Morena. Mme yo ke tla mo lebang, ke yo o bogisegang, yo o mowa o sugegileng, yo o boifang lefoko la me.

Esekiele 9:4

a mo raya a re: “Ralala motse wa Jerusalema ka mo gare, o bee letshwao mo diphatleng tsa banna ba ba fegelwang, ba ba lelang ka ntlha ya makgapha otlhe a a dirwang mo go ona.”

Daniele 9:24

“Morafe wa ga eno le motse o o boitshepo wa ga eno di beetswe bosupa jwa dinyaga ga 70 tsa go budusa boikepo le go tlatsa selekanyo sa boleo le go ruanya molato le go tlisa tshiamo e e sa khutleng le go kana polelelopele le moporofeti, le go kgakola Boitshepo jwa Maitshepo.

Sefanya 3:12

Ke tla sadisa morafe o o patikegileng, o o tlhomolang pelo mo go wena; bone ba tla ikanya leina la Morena.

Sekarie 11:11

Ya senyega jalo ka letsatsi leo; mme dinku tsa letsomane tse di tlhomolang pelo, tse di neng di ntse di nkutlwa, tsa lemoga ka mokgwa o, fa e le Lefoko la Morena.

Malakie 4:2

“Mme lona ba lo boifang leina la me, letsatsi la tshiamo le tla lo tlhabela, le na le kalafo mo diphukeng tsa lone, mme lo tla bolola, lo tlolaka jaaka dinamane tse di tswang mo sakeng.

Mataio 11:5

Difofu di a bona, batlhotsi ba a tsamaya, balepero ba a phepafadiwa, disusu di a utlwa, baswi ba a tsosiwa, bahumanegi ba rerelwa Efangele.

Mataio 12:18

“Bonang Motlhanka wa me yo ke mo itlhaoletseng; moratwi wa me, yo pelo ya me e natefelwang ke ene. Ke tla baya Mowa wa me mo go ene, mme o tla bolelela merafe tshiamo.

Mataio 12:20

Lotlhaka lo lo phitsegileng ga a kitla a lo roba, le mogala wa lobone o o takatakang ga a kitla a o tima, go ya a be a neele tshiamo phenyo.

Mataio 4:16

morafe o o ntseng mo lefifing o bonye lesedi le legolo; ba ba dutseng mo lefatsheng la loso le mo moriting wa loso, lesedi le ba tlhabetse.”

Mataio 5:3

“Go sego ba ba humanegileng mo moweng; gonne puso ya magodimo ke ya bone.

Luke 4:17

Foo a neelwa lokwalo lwa moporofeti Jesaya. Ya re a phutholola lokwalo, a bona felo fa go kwadilweng teng ga twe:

Luke 6:20

Jaanong a tlhatlosa matlho, a leba barutwa ba gagwe a re: “Go sego lona bahumanegi; gonne puso ya Modimo ke ya lona.

Luke 7:22

Mme a ba araba a re: “Tsamayang, lo bolelele Johane tse lo di bonyeng le tse lo di utlwileng: Difofu di a bona, digole di a tsamaya, balepero ba a phepafadiwa, disusu di a utlwa, baswi ba a tsosiwa, bahumanegi ba rerelwa Efangele.

Johane 1:41

Yo a bona Simone morwa-rraagwe pele, a mo raya a re: “Re bonye Mesia,” mo phetolelong ke go re: Motlodiwa (Keresete).

Johane 12:46

Nna lesedi, ke tlile mo lefatsheng gore mongwe le mongwe yo o dumelang mo go nna a se ka a nna mo lefifing.

Johane 3:34

Gonne yo Modimo o mo romileng o bua mafoko a Modimo; gonne o aba Mowa kwa ntle ga selekanyo.

Ditiro 10:38

e bong sa ga Jesu wa Nasaretha, jaaka Modimo o mo tloditse ka Mowa o o Boitshepo le ka nonofo; yo o ne a dikologa a dira molemo, a fodisa botlhe ba ba gatelelwang ke Diabolo; gonne Modimo o ne o na nae.

Ditiro 26:18

go ba budulola matlho gore ba sokologe, ba tswe mo lefifing, ba tsene leseding, ba tswe mo thateng ya ga Satane, ba ineele Modimo, gore ba amogele boitshwarelo jwa dibe le boswa mmogo le ba ba itshepisitsweng ka go dumela mo go nna.’

Ditiro 4:26

Dikgosi tsa lefatshe di ikemisitse, balaodi ba phuthegetse go lwantsha Morena le Motlodiwa wa gagwe.’

Ditiro 4:27

“Gonne ruri, mo motseng o, Herote le Pontio Pilato mmogo le baheitane le ditso tsa Iseraele, ba ikopantse go lwantsha Jesu, Motlhanka wa gago yo o boitshepo, yo ò mo tloditseng,

Bakolosa 1:13

a re golola mo thateng ya lefifi, a re tsenya mo pusong ya Morwaa-ona wa lorato

Jakobe 2:5

Reetsang, ba ga etsho ba ba rategang: A Modimo ga o a itlhophela ba e leng bahumanegi mo lefatsheng go nna bahumi mo tumelong le barua-boswa ba puso e o e solofeditseng ba ba o ratang?

1 Petero 2:9

Mme lona lo losika lo lo tlhaotsweng, lo boperesiti jwa bogosi le morafe o o boitshepo le baruiwa ba Modimo, gore lo tumise ditiro tse dikgolo tsa yo o lo biditseng go tswa mo lefifing, go tsena mo leseding la gagwe le le gakgamatsang,