Luke 24:44 - Setswana 1970

⁴⁴ A ba a ba raya a re: “Mafoko a me a ke a buileng le lona, fa ke sa na le lona, ke a go re: Tsotlhe tse di kwadilweng ka ga me mo molaong wa ga Moše le mo baporofeting le mo dipesalomeng di tshwanetse go dirafala.”

Lefoko: La Botshelo Kgolagano e Ntsha

⁴⁴ Mme a ba raya a re, “Mafoko a, ke ona a ke kileng ka a bua le lona ke santse ke na le lona fa dilo tsotlhe di na le go diragala, ebong tse di kwadilweng mo molaong wa ga Moshe, le mo baporofiting le mo dipesalemeng, kaga me.”

Bibela ea Boitsépho 1890 (Sechuana Tlhaping - Moffatt Bible)

⁴⁴ Mi a ba raea, Mahuku a, ki aona a, ki leñ ka a bua le lona, ka ki sa na le lona, ha cotle li cuanetse go rihahala tse ri kuariloeñ ga me, mo molaoñ oa ga Moshe, le mo baperofetiñ, le mo lipesalemeñ.

BAEBELE e e Boitshepo

⁴⁴ A ba raya a re: “Mafoko a, ke one a nkileng ka a bua le lona fa ke sa na le lona, fa dilo tsotlhe di na le go dirafala, e bong tse di kwadilweng mo molaong wa ga Moše, le mo baperofeting, le mo dipesalemeng, ka ga me.”

Luke 24:44 Iomraidhean Croise

Genese 14:18

Melegi-Seteke, kgosi ya Saleme, a tlisa senkgwe le weine; ene e ne e le moperesiti wa Modimo o o godimodimo.

Genese 22:18

Ditšhaba tsotlhe tsa lefatshe di tla tshegofadiwa ka losika lwa gago, ka ntlha ya gore o utlwile lentswe la me.”

Genese 3:15

Le gona ke tla baya letlhoo fa gare ga gago le mosadi le fa gare ga losika lwa gago le losika lwa gagwe; lone lo tla go tšhwetla tlhogo, mme wena o tla lo loma serethe.”

Genese 49:10

Thobane ya bogosi ga e kitla e tloga mo go Juta le e seng lore lwa mmusi fa gare ga dinao tsa gagwe go fitlhelela go be go tle Silo. Ene merafe e tla mo utlwa.

Lipesalema 118:22

Lentswe le le latlhilweng ke baagi le diregile letlapa la sekhutlo.

Yesaye 28:16

Ka ntlha ya moo Morena Modimo o bua jaana a re: “Bonang, ke thaya lentswe mo Sione, lentswe le le lekilweng, le le tlhwatlhwa e kgolo la sekhutlo, la motheo o o tlhomameng. ‘Yo o dumelang ga a tshabe.’

Yesaye 52:13

“Bonang, motlhanka wa me, o tla tlhogonolofala; o tla tsholediwa, a godisiwa, a nna mogolo thata.

Yesaye 7:14

Ka ntlha ya moo Morena ka esi o tla lo naya sesupo: Bonang, lekgarebe le tla nna moimana, le belega ngwana wa mosimane, le mo taya leina la Imanuele .

Yesaye 9:6

Gonne ngwana re mo tsaletswe, morwa re mo neilwe, mme puso e tla nna mo legetleng la gagwe, mme o tla bidiwa “Mogakolodi yo o gakgamatsang, Modimo o o thata, Rara yo o sa khutleng, Kgosi ya kagiso;”

Yeremie 23:5

“Bonang, malatsi a e tla,” go bua Morena, “a ke tla tsosetsang Dafita letlhogela le le siameng ka ona. E tla nna kgosi e e busang ka botlhale, e e dirafatsang tshiamo le molao mo lefatsheng.

Yeremie 33:14

“ ‘Bonang, malatsi a e tla,’ ” go bua Morena, “ ‘a ka ona ke tla dirafatsang tsholofetso e e molemo e ke e solofeditseng Baiseraele le Bajuta.

Esekiele 17:22

“ ‘Morena Modimo o bua jaana o a re: “ ‘Foo ke tla kgaola kalana ka nosi mo ntlheng ya mosetere o o godileng, ke e tlhoma; ke tla kgetla letlhogela le le boleta mo dintlheng tsa matlhogela a ona, ke le tlhoma ka nosi mo thabeng e kgolo e e godileng.

Esekiele 34:23

Ke tla di tsosetsa Modisa a le mongwe, o tla di fudisa, e bong Dafita, motlhanka wa me; ene o tla di disa, o tla nna Modisa wa tsona.

Daniele 2:44

Mme e tla re ka malatsi a dikgosi tseo, Modimo wa legodimo o tlhome bogosi jo bo sa nyeleleng ka bosakhutleng. Bogosi joo ga bo nke bo amogwa ke morafe o mongwe. Bo tla pšhwetlakanya, bo fedisa magosi aotlhe ao, mme jona bo tla tlhomama ka bosakhutleng,

Daniele 7:13

“Ka nna ka leba mo diponong tsa bosigo, ka bona yo o tshwanang le Morwa-Motho a tla ka maru a legodimo, a fitlha kwa go Rra-metlha-yotlhe, a atamediwa fa pele ga gagwe.

Hoshee 3:5

Morago ga moo Baiseraele ba tla tlhabologa, ba batla Morena, Modimo wa bone, le Dafita, kgosi ya bone; mo sebakeng sa bofelo ba tla atamela Morena le molemo wa gagwe ka thoromo.

Amose 9:11

“Ka sebaka seo ke tla tsosa ntlo ya ga Dafita e e weleng, ke thiba diphatlha tsa yona, ke tsosa marope a yona, ke e aga gape jaaka metlheng ya pele,

Sekarie 12:10

Mme Mowa wa kutlwelo-botlhoko le wa go rapelela boitshwarelo ke tla o tshela mo go ba ntlo ya ga Dafita le mo baaging ba Jerusalema, mme ba tla nteba ke le yo ba mo tlhabileng; ba tla mo hutsafalela jaaka go hutsafalelwa loso lwa ngwana yo o esi; ba tla mo lelela ka bogalaka jaaka ngwana yo o tsetsweng pele a lelelwa.

Sekarie 13:7

“Tšhaka, tsogela modisa wa me, le monna yo o nang le nna,” go bua Morena wa masomosomo; “itaya modisa gore dinku di phatlalale; mme ke tla busetsa letsogo la me kwa go tse dipotlana.”

Sekarie 14:4

Ka letsatsi leo maoto a gagwe a tla bo a eme mo Thabeng ya Diolefa e e lebaganyeng le Jerusalema, mo ntlheng ya botlhabatsatsi; mme Thaba ya Diolefa e tla phatloga go tloga bogareng jwa yona go ya kwa botlhabatsatsi le go ya kwa bophirimatsatsi, go be go tswa mokgatsha o mogolo thata; ntlha nngwe ya thaba e tla sutela kwa bokone, ntlha e nngwe ya yona kwa borwa.

Sekarie 6:12

o mo ree o re: ‘Morena wa masomosomo o bua jaana a re: Bona, go tla monna yo leina la gagwe e leng Letlhogela, o tla tlhoga mo bonnong jwa gagwe, a aga Tempele ya Morena.

Sekarie 9:9

Itumele thata, morwadia Sione, o duduetse, morwadia Jerusalema; bona, kgosi ya gago e e tla kwa go wena, e siame, e tletse pholoso, e pelonolo, e palame esele, e leng eselana, ngwana wa esele.

Lipalo 21:8

Morena a raya Moše a re: “Dira noga, o e pege mo koteng; foo mongwe le mongwe yo o lomilweng, fa a e leba, o tla tshela.”

Lipalo 35:25

A phuthego e pholose mmolai yo o ntseng jalo mo diatleng tsa mmusolosi wa madi; phuthego e be e mmusetse kwa motseng wa ga gabo wa botshabelo kwa o neng a tshabetse teng, a nne mo go ona go ya losong lwa moperesiti yo mogolo yo o tloditsweng ka lookwane lo lo boitshepo.

Mataio 1:22

Gotlhe moo go dirafetse gore go dirafale se se builweng ke Morena ka moporofeti a re:

Mataio 16:21

Go tloga foo Jesu Keresete a simolola go sedimosetsa barutwa ba gagwe gore o tshwanetse go ya kwa Jerusalema, le go bogisiwa ka tse dintsi ke bagolo ba morafe le baperesiti ba bagolo le Baitsedikwalo, le go bolawa, le go tsosiwa ka letsatsi la boraro.

Mataio 26:54

Kana Dikwalo di ne di ka dirafala jang tse di reng, go tshwanetse ga nna jalo?”

Mataio 26:56

Mme tsotlhe tse, di dirafetse gore Dikwalo tsa baporofeti di dirafale.” Ke fa barutwa botlhe ba mo tlogela, ba tshaba.

Mareko 9:31

Gonne o ne a ruta barutwa ba gagwe, a ba raya a re: “Morwa-Motho o tla neelwa mo diatleng tsa batho, mme ba tla mmolaya; mme e tla re a sena go bolawa, a tsoge morago ga malatsi a le mararo.”

Luke 21:22

Gonne ‘ao ke Malatsi a Pusoloso’ gore tsotlhe tse di kwadilweng di dirafale.

Luke 22:37

Gonne ke lo raya ke re: Se se kwadilweng se se reng: ‘O baletswe le baikepi’ se sa ntse se tshwanetse go wediwa mo go nna. Gonne tse di kwadilweng ka ga me di a dirafala.”

Luke 24:46

A ba raya a re: “Go kwadilwe jalo, mme go ne go tshwanetse gore Keresete a boge, a be a tsoge mo baswing ka letsatsi la boraro,

Luke 9:22

a re: “Morwa-Motho o tshwanetse go boga dilo tse dintsi, le go ganwa ke bagolo ba morafe le baperesiti ba bagolo le Baitsedikwalo le go bolawa le go tsosiwa ka letsatsi la boraro.”

Luke 9:44

“Tsenyang mafoko a mo ditsebeng tsa lona: Morwa-Motho o tla neelwa mo diatleng tsa batho.”

Johane 3:14

“Mme Morwa-Motho o tshwanetse go tlhatlosiwa, jaaka Moše a kile a tlhatlosa noga kwa sekakeng,

Johane 5:39

Lo batlisisa Dikwalo; gonne lo itlhoma lo ka nna le botshelo jo bo sa khutleng ka tsona, e tswe e le tsona tse di supang ka ga me.

Johane 5:46

Gonne fa lo ka bo lo dumetse Moše, le nna lo ka bo lo ntumetse; gonne ene o kwadile ka ga me.

Ditiro 13:33

ka Modimo o e dirafaditse mo go rona, ba re leng bana ba bone, ka go tsosa Jesu, jaaka go kwadilwe mo Pesalomeng ya bobedi ga twe: “ ‘O morwaake, ke go tsetse kajeno.’

Ditiro 13:40

Jaanong itiseng, e se re gongwe lwa dirafalelwa ke se se builweng ke baporofeti se re:

Ditiro 2:27

gonne ga o kitla o tlogelela felo ga baswi mowa wa me, le gona ga o nke o leseletsa Moitshepi wa gago a senngwa ke go bola.

Ditiro 3:18

Mme tse Modimo o di boleletseng pele ka melomo ya baporofeti botlhe gore Keresete wa ona o tla bogisega, o di dirafaditse jalo.

Ditiro 7:37

Moše ke ene yo o reileng Baiseraele a re: ‘Modimo o tla lo tsosetsa moporofeti mo go bomorwa-rraalona jaaka nna; ene lo mo utlweng.’

Bahebera 10:1

Gonne e re ka molao o na le moriti fela wa dilo tse di molemo tse di tla tlang, e seng tsona tota, ga o ka ke wa dira ka gope, gore ba ba atamelang ba nne ba ba tletseng ka ditlhabelo tse di tshwanang tsa ngwaga le ngwaga tse ba ntseng ba di isa ka gale.

Bahebera 3:5

Le gale Moše o ne a le boikanyo mo ntlong yotlhe ya ona jaaka modiredi, gore a supe ka ga dilo tse di tla bolelwang,

Bahebera 7:1

Gonne Melegi-Seteke yoo e ne e le kgosi ya Salema le moperesiti wa Modimo o o godimodimo; o kile a kgatlhantsha Aborahame, jale fa a boa a tswa go fenya dikgosi, a mo tshegofatsa.

Bahebera 9:8

Ka tseo Mowa o o Boitshepo o ne o supa gore tsela e e yang kwa Felong-ga-Boitshepo e ne e ise e bonatsege, fa Taberenakele ya ntlha e sa ntse e le teng,

1 Petero 1:11

ba tlhotlhomisa gore Mowa wa ga Keresete o o neng o le mo go bone o senola nako efe le e e ntseng jang, fa o supela pele dipogo tse di tla tlelang Keresete le tsa kgalalelo tse di tla di latelang.

Tshenolo 19:10

Jaanong ka wela fa dinaong tsa gagwe go mo obamela. Mme a nthaya a re: “Nnyaya, se dire jalo! Ke motlhanka-ka-wena le bomorwa-rraago ba ba nang le tshupo ya ga Jesu; obamela Modimo.” Kana tshupo ya ga Jesu ke mowa wa boporofeti.