Luke 21:25 - Setswana 1970

²⁵ “Foo go tla nna ditshupo mo letsatsing le mo ngweding le mo dinaleding; le mo lefatsheng go tla nna tlalelo ya merafe e le mo tharaanong, go le mesumo ya lewatle le makhubu a lone.

Lefoko: La Botshelo Kgolagano e Ntsha

²⁵ “Mme go tlaa nna le ditiragalo tse di sa tlwaelesegang mo loaping, ditlhagiso le botlhodi jo bo maswe mo letsatsing, ngwedi le dinaledi, le mono lefatsheng dichaba di tlaa nna mo pheretlhegong le mo tlalelong e kgolo ka ntlha ya modumo wa mawatle le makhubu a a sa tlwaelesegang.

Bibela ea Boitsépho 1890 (Sechuana Tlhaping - Moffatt Bible)

²⁵ ¶ Mi licupo li tla na mo tsatsiñ, le mo khueriñ, le mo linaleriñ; mi tlalelo ea merahe e ne mo lehatsiñ, le pelaelo ea poiho; leoatle le lintelo li guasa ka khuasho e kholu.

BAEBELE e e Boitshepo

²⁵ “Mme go tlaa nna ditshupo mo letsatsing, le mo kgweding, le mo dinaleding; le mo lefatsheng pitlagano ya merafe, e raraanngwa ke lewatle le dintelo go suma ka kgwaso e kgolo;

Luke 21:25 Iomraidhean Croise

Lipesalema 46:3

Ke gona ka moo re sa boifeng, le fa lefatshe le ka roroma, le fa dithaba di ka kgokgoetsegela mo botennye jwa lewatle;

Yesaye 13:10

Gonne dinaledi tsa legodimo le Dikolobe tsa lone ga di nke di phatsimisa lesedi la tsona; letsatsi le tlhaba le fifetse; ngwedi ga o nke o ntsha lesedi la ona.

Yesaye 17:12

A modumo wa merafe e mentsi e e dumang jaaka go suma lewatle! A loratla lwa ditšhaba tse dikgolo tse di gwasang jaaka go gwasa metsi a magolo!

Yesaye 24:23

Foo ngwedi o tla tlhajwa ke kgala, letsatsi le tlhajwa ke ditlhong; gonne Morena wa masomosomo o tla nna kgosi mo thabeng ya Sione le mo Jerusalema, mme go na la kgalalelo fa pele ga bagolo ba gagwe.

Yesaye 5:30

Ba tla rora godimo ga Iseraele ka letsatsi leo jaaka go suma ga lewatle; mme motho o tla leba lefatshe, a fitlhela lefifi le tlalelo fela; lesedi le fifaditswe ke maru a lefatshe.

Yesaye 51:15

“Mme nna ke Morena, Modimo wa gago, yo o huduang lewatle gore makhubu a lone a sume. Morena wa masomosomo, ke lone leina la me.

Yeremie 4:23

Ke ne ka leba lefatshe, ka fitlhela le tobekanye, le se na sepe; le legodimo le se na lesedi la lone.

Daniele 12:1

“Ka sebaka seo go tla nanoga Migaele, kgosana e kgolo ele, go sireletsa bana ba morafe wa gago. E tla nna sebaka sa tlalelo se se iseng se ke se nne teng go tloga ka tlholego ya batho go fitlha nakong eo. Ka sebaka seo go tla pholosiwa morafe wa gago, e bong botlhe ba ba fitlhelwang ba kwadilwe mo lokwalong.

Mike 7:4

Yo o molemo bogolo o tshwana le setlhatshana se se mitlwa; yo o siameng o bosula bogolo go logora. Letsatsi le batlhodi ba gago ba le boleletseng pele la go go otla le e tla; foo ba tla tlhakana tlhogo.

Mataio 24:29

“Ka bonako morago ga pitlagano ya malatsi ao, letsatsi le tla fifala, le ngwedi ga o kitla o ntsha lesedi la ona, le dinaledi di tla wa mo legodimong, le dithata tsa magodimo di tla reketlisiwa.

Mataio 27:45

Go tloga ka nako ya motshegare ga nna lefifi mo lefatsheng lotlhe go ya nakong ya boraro ya thapama.

Mareko 13:24

“Mo malatsing ao, morago ga pitlagano eo, letsatsi le tla fifala, le ngwedi ga o nke o ntsha lesedi la ona.

Mareko 13:26

Ke gona ba tla bonang Morwa-Motho a tla mo marung ka thata e kgolo le ka kgalalelo.

Mareko 15:33

Ya re ka nako ya motshegare ga nna lefifi mo lefatsheng lotlhe go ya nakong ya boraro thapama.

Luke 21:24

Ba tla wa ka bogale jwa tšhaka, ba isiwa botshwarong kwa merafeng yotlhe; Jerusalema o tla gatakwa ke baheitane go tle go tsamae metlha ya baheitane e tlale.

Luke 21:26

Batho ba tla idibadiwa ke poifo le tebelelo ya dilo tse di tlang mo lefatsheng; gonne dithata tsa magodimo di tla reketlisiwa.

Ditiro 2:19

Ke tla dira dikgakgamatso kwa godimo mo legodimong le ditshupo kwa tlase mo lefatsheng, e bong madi le molelo le dipinagare tsa musi.

Tshenolo 20:11

Jaanong ka bona sedulo sa bogosi se segolo se sesweu le yo o ntseng mo go sona, yo legodimo le lefatshe di tshabileng sefatlhego sa gagwe, mme tsa se ka tsa bonelwa bonno.