Luke 20:16 - Setswana 1970

¹⁶ O tla tla, a bolaya balemi bao; mme tshimo ya moweine o tla e neela ba sele.” Ya re ba utlwa, ba re: “A go se nne jalo!”

Lefoko: La Botshelo Kgolagano e Ntsha

¹⁶ Ke a lo bolelela, o tlaa tla go ba bolaya a bo a hirisetsa ba sele tshimo ya mofine.” Mme bareetsi ba ganela ba re, “Ga ba ke ba dira selo se se ntseng jalo.”

Bibela ea Boitsépho 1890 (Sechuana Tlhaping - Moffatt Bible)

¹⁶ O tla tla, mi a senya barihi‐tsimo ba, mi o tla nela tsimo ea movine ba sele. Mi ka ba utlua yalo, ba re, A go si ne yalo.

BAEBELE e e Boitshepo

¹⁶ O tlaa tla a senya badiri bao ba tshimo; mme tshimo ya mafine o tlaa e neela ba sele.” Ba re ba utlwa jalo ba re: “A go se nne jalo.”

Luke 20:16 Iomraidhean Croise

Mataio 21:34

Ya re sebaka sa maungo se atamela, a roma batlhanka ba gagwe kwa baleming gore ba ye go amogela maungo a gagwe.

Mataio 21:41

Ba mo araba ba re: “Ba ba bosula bao o tla ba bolaya setlhogo, mme tshimo ya moweine o tla e neela balemi ba sele, ba ba tla neng ba mo neela maungo ka dinako tsa ona.”

Mataio 22:7

Foo kgosi ya galefa, ya bolotsa mephato ya yona, ya bolaya babolai bao, ya tshuba motse wa bone.

Mareko 12:9

“Jaanong, morena wa tshimo o tla dirang? O tla tla, a bolaya balemi, tshimo ya moweine o tla e neela ba sele.

Luke 19:27

Fa e le baba bao ba me ba ba ganneng ke ba busa, ba tsiseng kwano, lo ba bolaele fa pele ga me.’ ”

Luke 20:15

Mme ba mo kgarameletsa kwa ntle ga tshimo ya moweine, ba mmolaya. “Jaanong mong wa tshimo ya moweine o tla ba dirang?

Ditiro 13:46

Mme Paulo le Baranaba ba bua ka bopelokgale ba re: “Go ne go tshwanetse gore Lefoko la Modimo le bolelelwe lona pele. Mme e re ka lo le gana, lo ikatlhola gore ga lo a tshwanelwa ke botshelo jo bo sa khutleng, bonang, jaanong re ya kwa baheitaneng.

Baroma 11:1

Jaanong ka re: A ke go re, Modimo o latlhile morafe wa ona? Le go ka! Kana le nna ke Moiseraele wa losika lwa ga Aborahame, wa lotso lwa ga Benyamene.

Baroma 11:11

Jaanong ka re: A ba kgopilwe gore ba tle ba we? Nnyaya! Ka go wa ga bone pholoso e tletse baheitane gore lefufa le tsoge mo Bajuteng.

Baroma 3:31

Jaanong a ke go re, re dirolola molao ka tumelo? Le go ka; tota re tlhomamisa molao.

Baroma 3:4

Le go ka! Mme go tshwanetse ga nna jaana: Modimo o boammaaruri, mme motho mongwe le mongwe ke moaki, jaaka go kwadilwe ga twe: “Gore o tle o fitlhelwe o siame mo mafokong a gago, o fenye, fa o bewa molato.”

Baroma 3:6

Le go ka! Gonne fa go ka bo go ntse jalo, Modimo o ka atlhola lefatshe jang?

Baroma 6:15

Jaanong re tla reng? A re tla leofa, ka re se fa tlase ga molao, mme re le fa tlase ga bopelotlhomogi? Le go ka!

Baroma 6:2

Le go ka! Rona ba re suleng ntlheng ya boleo, re sa ntse re ka phela jang mo go jona?

Baroma 7:13

Jaanong a ke go re, se se molemo se mphetogetse loso? A go se tualo! Ke boleo jo bo ntsiseditseng loso ka se se molemo gore bo bonale e le boleo tota, gore boleo e nne jo bo bobe bogolo ka taolo.

Baroma 7:7

Jaanong re tla reng? A ke go re, molao ke boleo? Ga go a nna jalo; mme nka bo ke sa itse boleo, fa e ne e se ka molao. Le yona keletso nka bo ke sa e lemoge, fa molao o ka bo o sa re: “O se ka wa eletsa!”

Baroma 9:14

Jaanong re tla reng? A go na le tshiamololo mo Modimong? Le go ka!

1 Bakorinta 6:15

A ga lo itse gore mebele ya lona ke ditokololo tsa ga Keresete? A jaanong nka tsaya ditokololo tsa ga Keresete, ka di dira ditokololo tsa seaka? Le go ka!

Bagalatia 2:17

Mme fa rona ka rosi, ba re batlang go siamisiwa mo go Keresete, re kaiwa ba ba leofang ka go re jalo, a ke go re, Keresete ke moetleetsi wa boleo ne? Le go ka!

Bagalatia 3:21

A jaanong ke go re, molao o thulana le ditsholofetso tsa Modimo? A go se tualo! Gonne fa go ka bo go neilwe molao o o nonofileng go phedisa, foo ruri tshiamo e ka bo e tswa molaong.

Bagalatia 6:14

Mme a go nne kgakala le nna go ipoka, fa e se fela ka sefapaano sa Morena wa rona Jesu Keresete, se lefatshe le mpapoletsweng ka sona, le nna ke bapoletswe lefatshe ka sona.