Luke 2:25 - Setswana 1970

²⁵ Go ne go le motho mo Jerusalema yo leina la gagwe e leng Simeone; motho yoo a bo a siame, e le mmoifa-Modimo, a lebeletse kgomotso ya Iseraele, mme Mowa o o Boitshepo o le mo go ene.

Lefoko: La Botshelo Kgolagano e Ntsha

²⁵ Ka letsatsi leo monna yo o bidiwang Simione moagi wa Jerusalema, o na a le mo tempeleng. E ne e le monna yo o siameng, morapedi yo mogolo, a tletse Mowa o o Boitshepo ebile ka metlha yotlhe a solofetse Mesia go tla ka bonako.

Bibela ea Boitsépho 1890 (Sechuana Tlhaping - Moffatt Bible)

²⁵ Mi, bonañ, gabo gole monona mo Yerusalema, leina ya gague e le le Simeone; mi monona eouo a bo a siame, e le moihi Morimo, a lebeletse khomoco ea Yeserela; mi Moea oa Boitsepho o lo le go ena.

BAEBELE e e Boitshepo

²⁵ Ga bo go le monna mongwe mo Jerusalema, leina la gagwe go twe, Simeone; monna yo a bo a siame, a le morapedi wa Modimo, a lebeletse kgomotso ya Iseraele; mme Mowa o o Boitshepo wa bo o le mo go ene.

Luke 2:25 Iomraidhean Croise

Genese 6:9

Tsa bophelo jwa ga Noa ke tse: Noa e ne e le monna yo o siameng, a se na molato mo bathong ba metlha ya gagwe; Noa o ne a sepela le Modimo.

Yobe 1:1

Go ne go le monna mo lefatsheng la Use, leina la gagwe e le Jobe. Monna yoo o ne a siame, a se na molato, a boifa Modimo, a tshaba bosula.

Yobe 1:8

Morena a ba a botsa Satane a re: “Jobe motlhanka wa me, a ò etse tlhoko? Gonne ga go na monna ope yo o tshwanang nae mo lefatsheng. O siame, ga a na molato, o boifa Modimo, o tshaba bosula.”

Yesaye 25:9

Mo metlheng eo ba tla re: “Bonang, Modimo wa rona ke oo, o re neng re solofela mo go ona gore o re pholose. Morena ke yoo, yo re neng re mo lebeletse. Jaanong a re duduetseng, re itumelele thuso ya gagwe!”

Yesaye 40:1

“Gomotsang, gomotsang morafe wa me!” Modimo wa lona o buile jalo.

Mike 6:8

Wena motho, Morena o go itsisitse tse di leng molemo le tse a di batlang mo go wena: O batla gore ò dire tse di siameng, ò rate bopelotlhomogi, o tsamaya le Modimo wa gago ka boikokobetso!

Lipalo 11:25

Ya baa gona Morena a fologang a le mo lerung a bua nae, a ba a tsaya mowa o o tshwanang le o o mo go ene, a o baya mo banna-bagolong ba le 70. Jaanong ya re ba sena go tsenwa ke Mowa, ba bua jaaka baporofeti, mme ba se ka ba dira gape.

Lipalo 11:29

Mme Moše a mo raya a re: “A o ntwela ka lefufa? E kete morafe otlhe wa Morena e ka bo e le baporofeti, Morena a bo a tsentse Mowa wa gagwe mo go bone!”

Mareko 15:43

ga tla Josefa wa Arimathea, e le mongwe yo o tlotlegang wa lekgotla, yo le ene o ne a lebeletse puso ya Modimo; a tsena ka bopelokgale kwa go Pilato, a kopa serepa sa ga Jesu.

Luke 1:41

Ya re Elisabete a utlwa tumediso ya ga Maria, ngwana a tlola mo mpeng ya gagwe. Mme Elisabete a tlala Mowa o o Boitshepo,

Luke 1:6

Ba bo ba siame fa pele ga Modimo ka bobedi jwa bone, ba tsamaya mo ditaolong tsotlhe le mo ditaong tsa Morena, ba se na molato.

Luke 1:67

Jaanong Sagaria rraagwe a tlala Mowa o o Boitshepo, a bua ka ona a re:

Luke 2:38

Yoo a tla ka yona nako eo, a leboga Modimo, a bua ka ga gagwe le botlhe ba ba lebeletseng kgololo ya Jerusalema.

Luke 23:51

– ene o ne a sa dumelana le katlholo ya bona le tiro ya bona – e le wa Arimathea, motse wa Bajuta, yo o neng a letetse puso ya Modimo.

Ditiro 10:2

e le morapedi yo o boifang Modimo, ene le botlhe ba ntlo ya gagwe, yo o atswang batho thata, a rapela Modimo ka metlha.

Ditiro 10:22

Ba re: “Koronelio, molaodi-wa-lekgolo, monna yo o siameng yo o boifang Modimo, yo o bolelwang ka molemo ke setšhaba sotlhe sa Bajuta, o laetswe ke moengele yo o boitshepo gore a go biletse kwa ntlong ya gagwe, a utlwe mafoko mo go wena.”

Ditiro 2:5

Jaanong ga bo go agile Bajuta mo Jerusalema, e le banna ba ba boifang Modimo, ba tswa morafeng mongwe le mongwe o o fa tlase ga legodimo.

Ditiro 24:16

Ke bile ke ntse ke itlwaetsa go nna le segakolodi se se se nang molato ka gale mo Modimong le mo bathong.

Deuteronome 18:15

“Mme Morena, Modimo wa gago, o tla go tsosetsa moporofeti mo gare ga gago wa ba ga eno yo o tshwanang le nna; lo reetse ene fela,

2 Petero 1:21

gonne ga go ise go ke go tle polelelopele ka go rata ga motho, mme batho ba ba boitshepo ba Modimo ba buile, ba tlhotlheleditswe ke Mowa o o Boitshepo.