Luke 17:25 - Setswana 1970

²⁵ Mme pele o tshwanetse go boga di le dintsi le go latlhwa ke ba metlha eno.

Lefoko: La Botshelo Kgolagano e Ntsha

²⁵ Mme pele ke tshwanetse go sotlega thata le go ganwa ke sechaba se sotlhe.

Bibela ea Boitsépho 1890 (Sechuana Tlhaping - Moffatt Bible)

²⁵ Mi o cuanetse go bogisioa bogolu pele, le go nyarioa ki losika lo.

BAEBELE e e Boitshepo

²⁵ Pele o na le go boga dilo di le dintsi, le go ganwa ke losika lo.

Luke 17:25 Iomraidhean Croise

Yesaye 53:3

O ne a nyatsega, a tlogelwa ke batho; e le monna wa matlhoko, a tlwaetse bolwetse; e le yo ba mo fitlhelang difatlhego; a nyatsega, mme ra se ka ra mo kaya sepe.

Mataio 16:21

Go tloga foo Jesu Keresete a simolola go sedimosetsa barutwa ba gagwe gore o tshwanetse go ya kwa Jerusalema, le go bogisiwa ka tse dintsi ke bagolo ba morafe le baperesiti ba bagolo le Baitsedikwalo, le go bolawa, le go tsosiwa ka letsatsi la boraro.

Mataio 21:42

Jesu a ba raya a re: “A ga lo ise lo ke lo buise mo Dikwalong fa go tweng: “ ‘Lentswe le baagi ba le latlhileng ke lone le le dirilweng letlapa la sekhutlo. Seo se dirilwe ke Morena, se bile se gakgamatsa mo matlhong a rona.’

Mareko 10:33

a re: “Bonang, re tlhatlogela kwa Jerusalema; mme Morwa-Motho o tla neelwa baperesiti ba bagolo le Baitsedikwalo, ba tla mo atlholela loso, ba be ba mo neela baheitane.

Mareko 12:10

A ga lo a buisa Lokwalo lo lo reng: “ ‘Lentswe le baagi ba le latlhileng ke lone le le dirilweng letlapa la sekhutlo;

Mareko 8:31

Jaanong a simolola go ba ruta gore Morwa-Motho o tshwanetse go boga dilo tse dintsi, le go latlhwa ke bagolo ba morafe le baperesiti ba bagolo le Baitsedikwalo, le go bolawa, le go tsoga morago ga malatsi a mararo.

Mareko 9:31

Gonne o ne a ruta barutwa ba gagwe, a ba raya a re: “Morwa-Motho o tla neelwa mo diatleng tsa batho, mme ba tla mmolaya; mme e tla re a sena go bolawa, a tsoge morago ga malatsi a le mararo.”

Luke 18:31

Jaanong a itseela ba ba 12, a ba raya a re: “Bonang, re tlhatlogela kwa Jerusalema, mme tsotlhe tse di kwadilweng ka ga Morwa-Motho ke baporofeti, di tla dirafala;

Luke 18:33

Ba tla mo seola, ba mmolaya. Mme o tla tsoga ka letsatsi la boraro.”

Luke 24:46

A ba raya a re: “Go kwadilwe jalo, mme go ne go tshwanetse gore Keresete a boge, a be a tsoge mo baswing ka letsatsi la boraro,

Luke 9:22

a re: “Morwa-Motho o tshwanetse go boga dilo tse dintsi, le go ganwa ke bagolo ba morafe le baperesiti ba bagolo le Baitsedikwalo le go bolawa le go tsosiwa ka letsatsi la boraro.”

Johane 1:11

O ne a tla kwa ga gagwe, mme ba gagwe ba se ka ba mo tshola.

Johane 12:38

gore go dirafale lefoko la moporofeti Jesaya le a le buileng a re: “Morena, ke mang yo o dumetseng thero ya rona, letsogo la Morena le senoletswe mang?”

1 Samuele 10:19

Mme lona lo latlhile Modimo wa lona kajeno o o lo thusitseng mo ditlalelong tsotlhe tsa lona le mo dipitlaganyong tsa lona, lwa o raya lwa re: ‘Re tlhomele kgosi!’ Jaanong he, emang fa pele ga Morena ka fa ditsong tsa lona le ka fa diketeng tsa lona!”

1 Samuele 8:7

Mme Morena a raya Samuele a re: “Utlwa lentswe la morafe mo go tsotlhe tse ba di buileng nao; gonne ga ba latlhe wena, mme ba latlha nna gore ke se ka ka nna kgosi ya bone.