Luke 16:15 - Setswana 1970

¹⁵ Mme Jesu a ba raya a re: “Ke lona ba lo itshiamisang fa pele ga batho, mme Modimo o itse dipelo tsa lona; gonne se se tlotlomaditsweng ke batho, ke makgapha fa pele ga Modimo.

Lefoko: La Botshelo Kgolagano e Ntsha

¹⁵ Mme a ba raya a re, “Lo apara tshiamo ya lona mo pepeneneng, mme Modimo o itse bosula jwa dipelo tsa lona. Go ipaya ga lona jaaka ekete lo siame go lo tlisetsa tlotlo mo bathong, mme ke makgapha fa pele ga Modimo.

Bibela ea Boitsépho 1890 (Sechuana Tlhaping - Moffatt Bible)

¹⁵ Mi a ba raea, Ki lona ba lo itsiamisañ ha pele ga bathu; mi Morimo oa itse pelu tsa lona; gone se se kaioañ segolu mo bathuñ, se mashue bobe ha pele ga Morimo.

BAEBELE e e Boitshepo

¹⁵ Mme a ba raya a re: “Ke lona ba lo itshiamisang fa pele ga batho; mme Modimo o itse dipelo tsa lona; gonne se se tlotlegang thata mo bathong, se bo se le makgapha fa pele ga Modimo.

Luke 16:15 Iomraidhean Croise

1 Litihalo 29:17

Modimo wa me, ke a itse gore o tlhatlhoba pelo, o natefelwa ke mannete; ka bonnete jwa pelo ya me ke ntshitse tsotlhe tse ka pelotshweu; ke bile ke bonye batho ba gago jaanong ka boitumelo ba ba leng fano ba go ntshetsa dineo ka bopelotshweu.

2 Litihalo 6:30

Foo o utlwe o le kwa legodimong kwa bonnong jwa gago, o ba itshwarele, o nee mongwe le mongwe ka fa ditsamaong tsotlhe tsa gagwe. Kana o itse pelo ya gagwe; gonne ke wena o le wesi fela o itseng dipelo tsa bana ba batho

Lipesalema 10:3

Gonne moikepi o ikgantsha ka keletso ya gagwe; mmapadi wa tsietso o tshegofatsa ke go re o kgala Morena.

Lipesalema 49:13

Kana motho ga a nnele ruri mo bontlengtleng; o tshwana le diphologolo tse di nyelelang.

Lipesalema 49:18

Gonne e tla re fa a swa, a se ke a ye le sepe sa tseo tsotlhe; kgalalelo ya gagwe ga e nke e mo sala morago.

Lipesalema 7:9

Morena, o atlhola merafe. Morena, ntshiamisetse ka fa tshiamong ya me le ka fa ke se nang molato ka teng.

Liane 16:5

Mongwe le mongwe yo o pelo e ikgodisang ke maila mo Moreneng; ruri, ga a kitla a tlhoka petso.

Liane 20:6

Batho ba bantsi ga twe ba lorato, mme ke mang yo o bonang monna yo o ikanyegang?

Liane 21:2

Tsela nngwe le nngwe ya motho e tlhamaletse mo matlhong a gagwe, mme Morena ene o sekaseka dipelo.

Yeremie 17:10

Ke nna Morena yo ke tlhotlhomisang pelo, ke lekang diphilo gore ke nee mongwe le mongwe ka fa tsamaong ya gagwe le ka fa maungong a ditiro tsa gagwe.”

Malakie 3:15

Ka moo rona re tumisa ba ba ikgogomosang; le gona ba ba dirang tsa boikepo ba a tswelela pele; e bile ba raela Modimo, mme ba a falola!’ ”

Mataio 23:5

Mme ditiro tsotlhe tsa bone ba di dira gore ba bonwe ke batho; gonne ba katolosa meitlamo ya bone ya thapelo; ba leelefatsa dikola tsa dikobo tsa bone.

Mataio 6:16

“Gape fa lo itima dijo, lo se ka lwa tlhonya jaaka baitimokanyi; gonne ba itshenya difatlhego gore ba ipontshe batho, fa ba itima dijo. Ammaaruri ke lo raya ke re: Tuelo ya bone ba setse ba e amogetse.

Mataio 6:2

“Ka moo he, e re fa o dira tsa bopelotlhomogi, o se ka wa letsa lonaka fa pele ga gago, jaaka baitimokanyi ba tle ba dire mo disenagogeng le mo mebileng gore ba tlotlwe ke batho. Ammaaruri ke lo raya ke re: Tuelo ya bone ba setse ba e amogetse.

Mataio 6:5

“Gape fa lo rapela, lo se ka lwa nna jaaka baitimokanyi; gonne ba rata go rapela ba eme mo disenagogeng le fa makopanelong a mebila gore ba ipontshe batho. Ammaaruri ke lo raya ke re: Tuelo ya bone ba setse ba e amogetse.

Luke 10:29

Mme ene, ka a rata go itshiamisa, a raya Jesu a re: “Mme mongwe-ka-nna ke mang?”

Luke 11:39

Mme Morena a mo raya a re: “Kana lona Bafarisai, lo tlhatswa senwelo le mogotšwana ka fa ntle, mme ka fa teng lo tletse megagaru le bosula.

Luke 18:11

“Mofarisai a ema, a ithapelela jaana a re: ‘Modimo, ke a go leboga ka ke sa tshwane le batho ba bangwe, e bong dinokwane le basiamolodi le bagokafadi, gongwe jaaka mokgethisi yo.

Luke 18:14

Ke lo raya ke re: Yo, o fologetse kwa ntlong ya gagwe a siamisitswe, e seng yole; gonne mongwe le mongwe yo o ikgodisang o tla kokobediwa, mme yo o ikokobetsang o tla godisiwa.”

Luke 18:21

Ene a re: “Tsotlhe tse ke di tshegeditse go tloga mo bonyaneng jwa me.”

Luke 18:9

Le gona a bua ka setshwantsho se le bangwe ba ba iikanyang gore ba siame, mme ba nyatsa ba bangwe, a re:

Luke 20:20

Jaanong ba mo lepa, ba roma balaledi ba ba itimokanyang ka go ipaya basiami, gore ba mo tshware mo lefokong lengwe, ba be ba mo neele mmuso, e bong mo thateng ya molaodi.

Luke 20:47

ba metsa matlo a batlholagadi, mme ba itimokanya ka go rapela go le goleele. Bone ba tla bona petso e kgolo bogolo mo katlholong.”

Johane 2:25

a sa tlhoke go bolelelwa sepe ka ga motho; gonne ene ka esi o ne a itse se se mo mothong.

Johane 21:17

A mmotsa lwa boraro a re: “Simone, morwa Jona, a o a nthata?” Petoro a hutsafala, ka a mmotsa lwa boraro a re: “A o a nthata?” A ba a mo araba a re: “Morena, o itse dilo tsotlhe, o itse gore ke a go rata.” Jesu a mo raya a re: “Fudisa dinku tsa me!

Ditiro 1:18

Fa e le ene, o rekile setsha ka tuelo ya tshiamololo, a wa ka tlhogo, a phanyega ka bogare, mateng a gagwe a ba a gorometsega otlhe;

Ditiro 1:24

Ba be ba rapela ba re: “Morena, wena moitsi wa dipelo tsa botlhe, supa yo ò mo itlhaoletseng mo go ba babedi ba

Ditiro 15:8

Modimo, moitsi wa dipelo, o supile ka ga bone, wa ba naya Mowa o o Boitshepo fela jaaka rona.

Baroma 3:20

Ke ka moo go se nang motho ope yo o tla siamisiwang fa pele ga ona ka ditiro tsa molao; gonne molao o re naya kitso ya boleo.

Baroma 8:27

Mme Motlhotlhomisi wa dipelo o itse maikaelelo a Mowa; gonne ona o emela baitshepi ka fa go rateng ga Modimo.

1 Bakorinta 4:5

Ka moo he, lo se ka lwa atlhola sepe, e ise e nne nako, go ya Morena a tle yo o tla ntshetsang leseding tse di fitlhilweng tsa lefifi, a senola maikaelelo a dipelo; foo mongwe le mongwe o tla bona poko mo Modimong.

1 Petero 3:4

mme a e nne motho yo o fitlhegileng wa pelo yo o apereng mokgabo o o sa nyeleleng wa mowa o o bonolo, o o iketlileng; ke ona o o kgatlhang Modimo.

1 Petero 5:5

Le lona ba bašwa, utlwang bagolo, mme lotlhe direlanang ka boikokobetso; gonne “Modimo o ganetsa ba ba ikgogomosang, mme ba ba ikokobetsang o ba naya boitshwarelo.”

Tshenolo 2:23

Bana ba gagwe ke tla ba bolaya ka loso; diphuthego tsotlhe di tla itse gore ke nna yo o tlhotlhomisang diphilo le dipelo; mongwe le mongwe wa lona ke tla mo naya ka fa ditirong tsa gagwe.

1 Samuele 16:7

Mme Morena a raya Samuele a re: “Se lebe ponalo ya gagwe le seemo se seleele sa gagwe, gonne ke mo ganne; kana Modimo ga o lebe jaaka motho a leba. Gonne motho o bona fela tse di lebaganyeng le matlho, mme Morena o bona pelo.”