Luke 11:42 - Setswana 1970

⁴² “Mme go latlhega lona Bafarisai! Ka gonne lo kgetha sa bosome sa kgomodimetsing le sa seruane le sa merogo yotlhe; mme lo fapoga tshiamo le lorato lwa Modimo. Tse, di tshwanetse go dirwa, mme tsele tsa se ka tsa tlogelwa.

Lefoko: La Botshelo Kgolagano e Ntsha

⁴² “Mme a bo go latlhega lona Bafarasai! Gonne le fa lo tlhokomela go ntsha di tsa bosome tsa mo go nnye mo lo go amogetseng, lo lebala gotlhelele kaga tshiamo le lorato lwa Modimo. Lo tshwanetse go kgetha, ee, lo tshwanetse go ntsha ditsa bosome, mme ga lo a tshwanela go tlogela tse dingwe tse di sa dirwa.

Bibela ea Boitsépho 1890 (Sechuana Tlhaping - Moffatt Bible)

⁴² Mi go latlega lona, Bafarisai! gone loa leha boten yoa menta le yoa rue, le yoa litlatsana cotle tse ri nkhañ; mi loa hapoga tsiamisho, le lorato loa Morimo: tse lo lo cuanetse go li riha, mi tse riñue lo sa li lese li sa rihoe.

BAEBELE e e Boitshepo

⁴² “Go a bo go latlhega lona Bafarisai! Ka gobo lo ntsha sa bosome sa mosukujwane, le sa rue, le sa merogo yotlhe lekgetho; mme lo tlhokomologa tshiamiso le lorato lwa Modimo; tseno, lo ne lo tshwanetse go di dira, le tse dingwe lo sa di tlogele di sa dirwa.

Luke 11:42 Iomraidhean Croise

Nehemie 10:37

“Le gona re tla tlisetsa baperesiti makgetho a rona le bupe jwa mabutswapele a garase le mabutswapele a maungo a ditlhare tsa mefutafuta le a matute a moweine le a lookwane, re a isa kwa matlwaneng a Ntlo ya Modimo wa rona; re tla neela Balefi karolo ya lesome ya thobo ya masimo a rona, bone Balefi ba ba phuthang karolo ya lesome mo metseng yotlhe ya rona ya balemi.

Liane 21:3

Go dira ka tshiamo le ka tshwanelo go kgatlha Morena bogolo go setlhabelo.

Moreri 7:18

Go molemo, fa o tshwara se, mme le sele o se ka wa tlosa seatla mo go sona. Gonne yo o boifang Modimo o falola mo go tsotlhe tseo.

Mike 6:8

Wena motho, Morena o go itsisitse tse di leng molemo le tse a di batlang mo go wena: O batla gore ò dire tse di siameng, ò rate bopelotlhomogi, o tsamaya le Modimo wa gago ka boikokobetso!

Malakie 1:6

“Morwa o tlotla rraagwe, motlhanka o boifa morena wa gagwe. Jaanong fa ke le Rara, tlotlo ya me e kae? Fa ke le Morena, go mpoifa go kae? Morena wa masomosomo o raya lona, baperesiti, ba lo nyatsang leina la me. Mme lo botsa lo re: ‘Re nyaditse leina la gago ka eng?’

Malakie 2:17

Lo lapisitse Morena ka mafoko a lona. Mme lo botsa lo re: “Re mo lapisitse ka eng?” Ke ka polelo ya lona e e reng: “Botlhe ba ba dirang bosula ba molemo mo matlhong a Morena, ba a mo kgatlha!” E bile lo a re: “Modimo o o sekisang o kae?”

Malakie 3:8

A motho o ka tsietsa Modimo? Nnyaya! Mme lona lo ntse lo ntsietsa. Mme lo botsa lo re: ‘Re go tsieditse ka eng?’ Ka kabelo ya lesome le ka lekgetho.

Mataio 23:13

“Ijoo lonaa, lona Baitsedikwalo le Bafarisai, baitimokanyi ke lona! Gonne lo tswalela batho puso ya magodimo. Tota lona ga lo tsene, mme ba ba reng ba a tsena, ga lo ba letlelele go tsena.

Mataio 23:23

“Ijoo lonaa, lona Baitsedikwalo le Bafarisai, baitimokanyi ke lona! Gonne lo kgetha karolo ya bosome ya minte le anise le kumina , mme lo tlogetse tse di boima tsa molao, e bong tshiamo le kutlwelo-botlhoko le tumelo. Dilo tseo di tshwanetse go dirwa, le tsele di se ka tsa tlogelwa.

Mataio 23:27

“Ijoo lonaa, lona Baitsedikwalo le Bafarisai, baitimokanyi ke lona! Gonne lo tshwana le diphupu tse di takilweng, tse di bonalang di le dintle ka fa ntle, mme ka mo teng di tletse marapo a baswi le boitshekologo jotlhe.

Luke 18:12

Ke itima dijo gabedi ka beke; ke kgetha bosome jwa tsotlhe tse ke di amogelang.’

Johane 5:42

Mme ke itse gore ga lo na lorato lwa Modimo mo go lona.

1 Yohane 4:20

Fa motho a re: “Ke rata Modimo,” mme a tlhoile morwa-rraagwe, ke moaki; gonne yo o sa rateng morwa-rraagwe yo a mmonyeng, a ka rata Modimo jang o a iseng a o bone?

1 Samuele 15:22

Mme Samuele a re: “A ditlhabelo tsa phiso le tse di jewang di kgatlha Morena jaaka go utlwa lentswe la Morena? Nnyaya go utlwa go gaisa setlhabelo; go reetsa go phala mafura a diphelehu!