Luke 11:39 - Setswana 1970

³⁹ Mme Morena a mo raya a re: “Kana lona Bafarisai, lo tlhatswa senwelo le mogotšwana ka fa ntle, mme ka fa teng lo tletse megagaru le bosula.

Lefoko: La Botshelo Kgolagano e Ntsha

³⁹ Mme Jesu a mo raya a re, “Lona Bafarasai lo tlhatswa bokafa ntle, mme mo teng lo sa le leswe, go tletse bobelotshetlha le bosula!

Bibela ea Boitsépho 1890 (Sechuana Tlhaping - Moffatt Bible)

³⁹ Mi Morena a mo raea, Mi yana lona Bafarisai loa tlacoa linoelo ka kua ntle, le megocana; mi mo teñ ga lona go tletse thopo le boshula.

BAEBELE e e Boitshepo

³⁹ Morena a mo raya a re: “Aitse jaana lona Bafarisai lo a tle lo tlhatswe bokafantle jwa senwelo le mogotšana, mme bokafateng jwa lona bo tletse bogagapa le bosula fela.

Luke 11:39 Iomraidhean Croise

Genese 6:5

Jaanong ya re Morena a bona bosula jwa batho bo le bogolo le maano otlhe a dikakanyo tsa dipelo tsa bone a le bosula fela ka metlha yotlhe,

2 Litihalo 25:2

A dira tse di siameng mo matlhong a Morena, fela e seng ka pelo yotlhe.

Lipesalema 22:13

Dipoo tse dintsi di ntikanyeditse; dipoo tse di thata tsa Basane di ntikile.

Liane 26:23

Fa molomo o tuka lorato, mme pelo e ntse e le mpe, ke lobeana fela lo lo manegilweng manyela a selefera.

Liane 26:25

Fa a utlwatsa lentswe la lorato, se mo ikanye; gonne o na le bosupa jwa makgapha mo pelong ya gagwe.

Liane 30:12

ke ba ba ithayang ba re, ba phepa, mme ba ise ba tlhapisiwe maswe a bone.

Yeremie 4:14

Jerusalema, tlhapa pelo bosula, gore o tle o pholosiwe. Megopolo ya gago ya boithamako e tla nna mo teng ga gago go fitlha leng?

Esekiele 22:25

Go na le borukhutlhi jwa barena mo go lone: Ba ja maphelo a batho, ba thukhutha mahumo le tse di tlhwatlhwa-kgolo, ba ntsifatsa batlholagadi mo go lone jaaka tau e e dumang, fa e garola phologolo.

Esekiele 22:27

Dikgosana tsa teng di mo gare ga lone jaaka diphiri tse di garolang phologolo gore di tsholole madi, di bolae batho gore di bone khumo ka kgwebo ya tshiamololo.

Sefanya 3:3

Dikgosana tsa ona tse di mo teng ga ona ke ditau tse di dumang; baatlhodi ba ona ke diphiri tse di tlang ka lotlatlana, tse di sa ipeeleng sepe sa letsatsi la ka moso.

Mataio 15:19

gonne mo pelong go tswa dikakanyo tse di bosula, e bong dipolao le tsa boikanyologo jwa banyalani le tsa boaka le tsa bogodu le ditshupo tsa maaka le dikgalo.

Mataio 7:15

“Itiseng mo baporofeting ba e seng bone, ba ba tlang go lona ba apere diaparo tsa dinku, mme mo teng e le diphiri tse di garolang.

Luke 16:15

Mme Jesu a ba raya a re: “Ke lona ba lo itshiamisang fa pele ga batho, mme Modimo o itse dipelo tsa lona; gonne se se tlotlomaditsweng ke batho, ke makgapha fa pele ga Modimo.

Luke 7:13

Ya re Morena a mmona, a mo tlhomogela pelo, a mo raya a re: “Se lele.”

Luke 7:19

Foo Johane a ipiletsa barutwa ba le babedi ba gagwe, a ba roma go Morena a re: “A ke wena yo go tilweng: O tla tla, kampo re lebelele o sele?”

Johane 12:6

A bua jalo, e se ka gonne a bapalela bahumanegi, mme e le ka e le legodu, a tshola sekgwama, mme a itseela tse di tsenngwang mo go sona.

Johane 13:2

Ya re go nna selalelo, Diabolo a bo a setse a tsentse mo pelong ya ga Jutase Isekariote, morwa Simone, gore a mo tshwarise;

Ditiro 5:3

Mme Petoro a re: “Anania, ke eng fa Satane a tladitse pelo ya gago go aketsa Mowa o o Boitshepo le go ngobetsa madi a mangwe a naga?

Bagalatia 1:14

ka ba ka tswelela pele mo Sejuteng go feta balekane ba le bantsi ba morafe wa ga etsho, ka go re thuto e re e neetsweng ke borraetsho ke ne ke e tlhoafaletse mo go fetisang.

2 Timoteo 3:5

ba ba nang le setshwano sa bodumedi, etswe thata ya jona ba e latotse. Bone bao o ikgaoganye nabo.

Tito 1:15

Dilo tsotlhe di itshekile mo go ba ba itshekileng; mme mo go ba ba itshekologileng, ba ba sa dumeleng, ga go sepe se se itshekileng; go kgotlelegile maikutlo a bone le digakolodi tsa bone.

Jakobe 4:8

Atamelang Modimo, mme o tla lo atamela. Tlhapang diatla, lona baleofi, lo itshepise dipelo, lona ba lo maikutlo mabedi.