Luke 1:17 - Setswana 1970

¹⁷ O tla mo etelela pele mo moweng le mo thateng ya ga Elia go sokololela dipelo tsa borra-bana mo baneng, le ba ba sa utlweng go ba sokololela mo maikutlong a basiami, go baakanyetsa Morena setšhaba se se etleeditseng.”

Lefoko: La Botshelo Kgolagano e Ntsha

¹⁷ E tlaa nna motho yo o mowa o makgawekgawe a nonofile jaaka Elija, moporofiti yo mogolo; mme o tlaa etelela pele go tla ga ga Mesia, a baakanyetsa batho go goroga ga gagwe. O tlaa ba ruta go rata Morena fela jaaka bagolwane ba bone ba ne ba dira, le go tshela jaaka batho ba ba boifang Mo-dimo.”

Bibela ea Boitsépho 1890 (Sechuana Tlhaping - Moffatt Bible)

¹⁷ Mi o tla mo etelela pele mo moeeñ, le mo thateñ ea ga Eliyahue, go shukulolela pelu tsa bo‐rra go baneñ, le tsa ba ba lonyaco go botlaleñ yoa ba ba siameñ; go etletsa bathu, go ba etleletsa Morena.

BAEBELE e e Boitshepo

¹⁷ O tlaa mo etelela pele ka mowa le ka nonofo ya ga Elija, go sokololela dipelo tsa borara mo baneng, le ba ba sa utlweng go sepela mo botlhaleng jwa basiami; go baakanyetsa Morena sešaba se o se etleeleditsweng.”

Luke 1:17 Iomraidhean Croise

1 Likhosi 17:1

Elia wa Thišebe mongwe wa baagi ba Gileate o kile a raya Ahabe a re: “Ka bophelo jwa Morena, Modimo wa Iseraele, yo ke mo direlang! Ka dinyaga tseno ga go kitla go nna monyo le e seng pula, fa e se ka lefoko la me!”

1 Likhosi 18:18

Mme Elia a re: “Ga se nna yo ke senyetsang Baiseraele, mme ke wena le ba lapa la ga rraago; ka go re lo tlogetse ditaolo tsa Morena, lwa sala boBaale morago.

1 Likhosi 21:20

Ahabe a fetola Elia a re: “A o ntshwere, mmaba wa me?” Elia a re: “Ke go tshwere, ka o ineetse go dira tse di bosula mo matlhong a Morena.

2 Likhosi 1:16

A feta a e raya a re: “Morena o bua jaana a re: ‘E re ka o ne wa roma barongwi go botsa Baale-Sebube modimo wa Ekerone jaaka e kete ga go na Modimo mo Iseraeleng o go ka bodiwang lefoko la ona, ke ka moo o se neng o fologa mo bolaong jo o palameng mo go jona, mme o tla swela ruri!’ ”

1 Litihalo 29:18

Morena, Modimo wa ga Aborahame le Isaka le Iseraele borraetsho, boloka bopelotshweu jo bo ntseng jalo ka bosakhutleng, bo nne mo maikutlong le mo maikaelelong a dipelo tsa batho ba gago; o gogele dipelo tsa bone kwa go wena.

2 Litihalo 29:36

Mme Hesekia a itumela le morafe otlhe ka ntlha ya tse Modimo o neng o di baakanyeditse morafe; ka gonne go ne go dirafetse ka pele.

Lipesalema 10:17

Morena, o utlwile keletso ya baikokobetsi, o tiisa dipelo tsa bone, o tlhwaya tsebe go utlwa,

Lipesalema 111:10

Go boifa Morena ke tshimologo ya botlhale; mongwe le mongwe yo o dirang jalo o na le tlhaloganyo e e molemo. Poko ya gagwe e nnetse ruri.

Lipesalema 78:8

gore ba se nne jaaka borraabo ba e neng e le losika lo lo tlhogo-e-thata lwa borukhutlhi, losika lo lo tlhokang pelo ya tlhomamo le mowa o o lebileng Modimo ka boikanyo.

Yesaye 29:24

Ba ba timeletsweng ke tlhaloganyo ba tla bona kitso; bangongoregi ba tla amogela thuto.”

Amose 4:12

“Ke ka moo ke tla lo direlang jaana, lona Baiseraele; jaanong e re ka ke tla lo direla jaana, iketleeletseng go kgatlhantsha Modimo wa lona, lona Baiseraele.”

Mataio 11:14

Mme ke ene Elia yo o tshwanetseng go tla, fa lo rata go dumela jalo.

Mataio 14:4

Gonne Johane o ne a mo reile a re: “Ga o a letlelelwa go nna nae.”

Mataio 3:3

Yoo ke ene yo moporofeti Jesaya o buileng ka ga gagwe a re: “Lentswe la mongwe yo o kuang mo sekakeng la re: ‘Baakanyang tsela ya Morena, siamisang mebila ya gagwe!’ ”

Mataio 3:4

Johane yoo, seaparo sa gagwe e ne e le sa boboa jwa kammele, a itlamile letheka ka moitlamo wa letlalo; dijo tsa gagwe e ne e le tsie le dinotshe tsa naga.

Luke 1:16

Ba bantsi ba bomorwa Iseraele o tla ba sokololela go Morena, Modimo wa bone.

Luke 1:76

Mme le wena, ngwana, o tla bidiwa moporofeti wa Mogodimodimo; gonne o tla etelela Morena pele go baakanya ditsela tsa gagwe,

Johane 1:13

ke ba ba sa tsalwang ka madi, le e seng ka thato ya nama, le e seng ka thato ya monna, mme ba tsetswe ke Modimo.

Johane 1:34

Ke bonye, ka ba ka supa gore yo ke Morwa Modimo.”

Johane 3:28

Lona ka losi lo basupi ba me ba gore ke boletse ka re: ‘Nna ga ke Keresete, mme ke romilwe go mo etelela pela fela.’

Ditiro 10:33

Ke ka moo ke akofileng ka roma kwa go wena; mme o dirile sentle, fa o tsile. Jaanong re fano rotlhe fa pele ga Modimo go utlwa tsotlhe tse o di laetsweng ke Modimo.”

Baroma 9:23

gore o tle o supe lehumo la kgalalelo ya ona ka dilwana tsa bopelotlhomogi tse o di baakanyeditseng kgalalelo e sa le gale?

Bakolosa 1:12

lo leboge Rara ka boitumelo yo o re nonotshitseng go nna le kabelo mo bosweng jwa baitshepi mo leseding,

2 Timoteo 2:21

Jaanong fa motho a tlhapa dilo tseo, o tla nna sejana sa tlotlo se se itshepisitsweng, se se lebanyeng go direla mong wa ntlo, se se baakanyeditsweng tiro nngwe le nngwe e e molemo.

1 Petero 2:9

Mme lona lo losika lo lo tlhaotsweng, lo boperesiti jwa bogosi le morafe o o boitshepo le baruiwa ba Modimo, gore lo tumise ditiro tse dikgolo tsa yo o lo biditseng go tswa mo lefifing, go tsena mo leseding la gagwe le le gakgamatsang,

1 Yohane 2:28

Mme jaanong, banaka, nnang mo go ene gore e re fa a bonatsega, re nne le phuthologo, mme re se ka ra tlhajwa ke ditlhong fa pele ga gagwe, mogang a tlang.

Tshenolo 20:4

Ka ba ka bona ditulo tsa bogosi, mme baatlhodi ba nna mo go tsona, ba neelwa katlholo; gape ka bona mewa ya ba ba kgaotsweng ditlhogo ka ntlha ya go ipolela Jesu le ka ntlha ya Lefoko la Modimo, ba sa obamela sebata le e seng setshwantsho sa sona, ba sa ipaya letshwao mo diphatleng le mo diatleng; ba tsoga, ba busa mmogo le Keresete dinyaga di le kete.

1 Samuele 7:5

Samuele a ba a re: “Phuthelang Baiseraele botlhe kwa Mitsepha gore ke lo rapelele Morena.”