Jakobe 1:9 - Setswana 1970

⁹ Mme mokaulengwe yo o kwa tlase a a ipoke ka bogolo jwa gagwe.

Lefoko: La Botshelo Kgolagano e Ntsha

⁹ Mokeresete yo o lebelwang kwa tlase mo lefatsheng leno a itumele, gonne o mogolo mo matlhong a Morena.

Bibela ea Boitsépho 1890 (Sechuana Tlhaping - Moffatt Bible)

⁹ Mi mokauleñue eo bonolo, a a belahale mo khorishoñ ea gague;

BAEBELE e e Boitshepo

⁹ A mokaulengwe yo o leng mothonyana fela a itumele mo go godisiweng ga gagwe;

Jakobe 1:9 Iomraidhean Croise

Lipesalema 62:9

Ikanyeng ona ka gale, lona batho! Tshololang dipelo tsa lona fa pele ga ona! Modimo ke botshabelo jwa rona. Sela.

Liane 17:5

Yo o sotlang mohumanegi o kgala Modiri wa gagwe; yo o itumelelang kotsi ya yo mongwe ga a nke a tlhoka petso.

Liane 19:1

Mohumanegi yo o sepelang mo poifong-Modimo o molemo bogolo go yo o molomo o bolotsana yo e leng lesilo.

Yesaye 29:19

Babogisegi ba tla itumela gape mo Moreneng; batho ba ba humanegileng ba tla dudueletsa Moitshepi wa Iseraele.

Luke 1:52

O digile dikgosi tse di thata mo ditulong tsa tsona tsa bogosi; a godisa ba babotlana.

Luke 10:20

Fela lo se ka lwa itumelela moo, fa mewa e lo ikobela, mme itumeleng, ka maina a lona a kwadilwe kwa magodimong.”

Luke 14:11

Gonne mongwe le mongwe yo o ikgodisang o tla kokobediwa; mme yo o ikokobetsang o tla godisiwa.”

Luke 9:48

a ba raya a re: “Yo o tsholang ngwana yo ka leina la me, o a ntshola; mme yo o ntsholang, o tshola yo o nthomileng. Gonne yo o leng mmotlana mo go lona lotlhe, ke ene yo mogolo.”

Baroma 8:17

Mme fa re le bana, e bile re barua-boswa, e bong barua-boswa ba Modimo le barua-boswa mmogo le Keresete, fa tota re bogisiwa nae, ke go re, re tle re galalediwe nae.

2 Bakorinta 6:10

jaaka ba ba hutsafetseng, etswe re itumetse ka gale; jaaka bahumanegi, etswe re humisa ba bantsi; jaaka ba ba se nang sepe, etswe re na le dilo tsotlhe.

Deuteronome 15:11

Gonne bahumanegi ga ba kitla ba tlhokafala mo lefatsheng. Ke ka moo ke go laetseng ka re: Huporololela wa ga eno wa mmogisegi le wa mohumanegi seatla ka boitumelo mo lefatsheng la ga eno.

Deuteronome 15:7

“E re fa go le mohumanegi mo go wena wa ba ga eno mo motseng mongwe wa gago, mo lefatsheng la ga eno le Morena, Modimo wa gago, o tla le go nayang, o se ka wa thatafatsa pelo ya gago le e seng go huparelela wa ga eno wa mohumanegi seatla.

Deuteronome 15:9

Itise, e se re gongwe ga nna mogopolo o o bosula mo pelong ya gago wa go re: ‘Ngwaga wa bosupa wa go phimola melato o gaufi!’ mme leitlho la gago la leba wa ga eno wa mohumanegi ka bopelompe, mme wa mo tima, mme a goela Moreneng ka ntlha ya gago, ga ba ga nna boleo mo go wena.

Bafilipi 3:14

Ke sianela bokhutlong jwa tshiano, ke tabogela sekgele sa pitso ya legodimo ya Modimo mo go Keresete Jesu.

Bafilipi 3:3

Gonne ba ba rupileng tota ke rona ba re direlang Modimo ka Mowa, re ipoka ka Keresete Jesu, re sa ikanye nama,

1 Petero 2:9

Mme lona lo losika lo lo tlhaotsweng, lo boperesiti jwa bogosi le morafe o o boitshepo le baruiwa ba Modimo, gore lo tumise ditiro tse dikgolo tsa yo o lo biditseng go tswa mo lefifing, go tsena mo leseding la gagwe le le gakgamatsang,

Tshenolo 2:9

“ ‘Ditiro tsa gago le pitlagano ya gago le khumanego ya gago ke a di itse, mme o humile – le kgalo ke a e itse ya ba ba ipitsang Bajuta, etswe e se bone, e le ba phuthego ya ga Satane.

1 Samuele 2:8

O tsosa ba ba fokolang mo leroleng, o tsholetsa bahumanegi mo thotobolong go ba nnisa le batlotlegi; o ba ruisa sedulo sa bogosi sa kgalalelo. Gonne maotwana a lefatshe ke a Morena, o beile lefatshe mo go ona.