Hoshee 5:3 - Setswana 1970

³ Eferaime, nna ke a mo itse, le Iseraele ga a fitlhega fa pele ga me: Jaanong ò akafetse, Eferaime; Iseraele o itshekologile.”

Bibela ea Boitsépho 1890 (Sechuana Tlhaping - Moffatt Bible)

³ Kia itse Baeferaima, mi Bayeserela ga ba shubege ha go ’na: gone yana, lona Baeferaima, lo akahetse, mi Bayeserela ba itsekolocoe.

BAEBELE e e Boitshepo

³ Ke a ba itse ba Eferaime, le ba Iseraele ga ba a ntshubegela; gonne jaana, wena Eferaime, o dirile boaka, Iseraele o leswefetse.”

Hoshee 5:3 Iomraidhean Croise

Yesaye 7:16

Gonne e tla re mosimane a ise a itse go latlha tse di bosula le go tlhopha tse di molemo, lefatshe le ò tshabang dikgosi tse pedi tsa lone, le bo le tlogetswe.

Yesaye 7:17

“Mme wena le morafe wa gago le ntlo ya ga rraago Morena o tla lo tlisetsa malatsi a a iseng a ke a tle go tloga ka letsatsi le Eferaime o kgaoganyeng le Juta ka lone: A a tlisa ka kgosi ya Asiria.

Yesaye 7:5

E re ka Basiria ba go logetse maano a a bosula, ba na le Eferaime le morwa Remalea ba re:

Hoshee 1:2

E rile Morena a simolola go bua ka Hosea, a mo raya a re: “Tsamaya o tsee mosadi wa seaka le bana ba seaka; gonne lefatshe le ntse le akafala thata ka go tlogela Morena.”

Hoshee 12:1

“Eferaime o ntikanyeditse ka maaka le ba ntlo ya Iseraele ka tsietso. Juta le ene o sa ntse a kgarakgatshega ka boitaolo fa pele ga Modimo, ee, fa pele ga Moitshepi yo o ikanyegang.

Hoshee 13:1

E ne ya re fela fa Eferaime a bua, go nne letshogo; e ne e le yo mogolo mo Iseraeleng, mme a leofa ka Baale, a ba a swa.

Hoshee 13:5

Ke nna ke neng ke go itse mo sekakeng, mo lefatsheng le le omeletseng.

Hoshee 5:11

Eferaime o a gatelelwa, o senyegetswe ke molao; gonne o kgatlhilwe ke go latela boithamako.

Hoshee 5:13

“E rile Eferaime a bona bolwetse jwa gagwe, le Juta a bona tlhagala ya gagwe, Eferaime a ya kwa Asiria, a roma kwa go kgosi Jarebe; mme ene ga a kgone go lo fodisa. Tlhagala ga e na go tloga mo go lona.

Hoshee 5:9

Eferaime o tla fetoga sekaka letsatsing la petso. Ke itsisitse ditso tsa Iseraele tse e leng tsa nnete.

Hoshee 6:10

Mo ntlong ya Iseraele ke bonye se se boitshegang: Boaka bo teng mo go Eferaime, Iseraele o itladitse maswe.

Hoshee 6:4

“Nka go direlang, Eferaime? Nka go direlang, Juta? ka lorato lwa lona lo tshwana le mouwane wa masa, lo tshwana le monyo o o tlhotlhoregang e sa le phakela.

Hoshee 8:11

“Gonne Eferaime o agile dialetare tse dintsi a re, o tlhapa boleo, mme dialetare tseo di mo okeleditse dibe.

Amose 3:2

“Ke lona lo le losi ke lo itsileng mo ditshikeng tsotlhe tsa lefatshe; ka ntlha ya moo ke tla lo beletsa maleo otlhe a lona.”

Amose 5:12

Gonne ke a itse, ditlolo tsa lona di dintsi, le maleo a lona a a boitshega, ba lo ilang mosiami, lo amogela madi a thelesetso, lo gatelela mohumanegi mo lekgotleng.

Deuteronome 33:17

Poo ya gagwe ya leitibolo e na le borena, dinaka tsa gagwe ke dinaka tsa nare; o tla tlhaba merafe ka tsona, yotlhe mmogo go ya mafelelong a lefatshe. Ke ona masome a dikete a ga Eferaime, ke tsona dikete tsa ga Manase.”

Bahebera 4:13

Ga go na sebopiwa sepe se se fitlhegileng fa pele ga ona, mme dilo tsotlhe di bipologile, tsa senoga mo matlhong a ona o re nang le go ikarabela fa pele ga ona.

Tshenolo 3:15

“ ‘Ke itse ditiro tsa gago gore ga o tsididi, e bile ga o bolelo. E kete o ka bo o le tsididi gongwe o le bolelo!