Hoshee 3:1 - Setswana 1970

¹ Morena a nthaya a re: “Yaa gape o rate mosadi wa seaka yo o ratwang ke yo mongwe, jaaka Morena a rata Baiseraele, le fa bone ba fapogela kwa medimong e sele, ba tshwakgotswe ke dinkgwenyana tsa maswabi a moweine.”

Bibela ea Boitsépho 1890 (Sechuana Tlhaping - Moffatt Bible)

¹ MI Yehova a ’nthaea, Ba u ee, u rate mosari eo o ratoañ ki eo e leñ tsala, a le moakahari, yaka Yehova a rata bana ba Yeserela; leha ba menogetse merimoñ e sele, mi ba rata meñoloi ea cuabi ea movina.

BAEBELE e e Boitshepo

¹ Jehofa a nthaya, a re: “Ba o ye gape, o rate mosadi yo o ratwang ke mogatse, le yo o leng seaka, fela jaaka Jehofa a rata bana ba Iseraele, le fa ba menogela kwa medimong e sele, mme ba rata dinkgwenyana tsa ditshwabi tsa mafine.”

Hoshee 3:1 Iomraidhean Croise

2 Samuele 6:19

A ba a abela bontsi jotlhe jwa morafe wa Iseraele, banna le basadi, mongwe le mongwe senkgwana se le sengwe le kabelo ya nama le senkgwana sa maswabi a moweine se le sengwe. Jaanong morafe otlhe wa ya kwa gae, mongwe le mongwe kwa lapeng la gagwe.

2 Likhosi 13:23

Fela Morena a ba tlhomogela pelo, a ba utlwela botlhoko, a ba ngoka ka ntlha ya kgolagano ya gagwe e o e dirileng le Aborahame le Isaka le Jakobe; a se ka a rata go ba senya, a se ka a ba latlha fa pele ga gagwe go fitlha foo.

1 Litihalo 16:3

A ba a abela mongwe le mongwe wa Baiseraele, banna le basadi, senkgwe se le sengwe le nama le senkgwana sa maswabi a moweine.

Nehemie 9:31

Mme e re ka o le mautlwelo-botlhoko a magolo, wa se ka wa ba feleletsa ruri le e seng go ba tlogela; gonne o Modimo o o bopelotlhomogi le boutlwelo-botlhoko.

Lipesalema 123:2

Bona, matlho a rona a lebile Morena, Modimo wa rona, go ya a be a re tlhomogele pelo, jaaka matlho a batlhanka a lebile diatla tsa beng ba bona le jaaka matlho a lelata a lebile seatla sa mohumagadi wa lone.

Ekesodo 32:6

Jaanong ya re kamoso ba phakela, ba tlhaba ditlhabelo tsa phiso, ba tlisa ditlhabelo tsa tebogo. Morago ga moo batho ba nnela go ja le go nwa, ba tloga ba nanoga go tshameka.

Sehela 2:5

Ntiiseng ka dinkgwe tsa maungo a moweine; ntapoloseng ka diapole, gonne ke lwadiwa ke lorato.

Yesaye 45:22

“Sokologelang kwa go nna gore lo tle lo pholosiwe, lona dikhutlo tsotlhe tsa lefatshe. Gonne ke nna Modimo, ga go na ope o sele.

Yeremie 3:20

Mme ruri, lona ba lotso lwa Iseraele, lo ntlogetse ka boikanyologo jaaka mosadi a tlogela monna wa gagwe ka boikanyologo,’ go bua Morena.”

Yeremie 31:20

A Eferaime ke morwaake yo o rategang? Gongwe a ke ngwana yo o nthabisang? Gonne ka nako le nako, fa ke bua ka ga gagwe, ke sa ntse ke na le go mo gopola. Ke ka moo maikutlo a me a mo huduegelang, ke na le go mo tlhomogela pelo.” Morena o buile jalo.

Hoshee 11:8

“Nka go latlha jang, Eferaime? Nka go tlogela jang, Iseraele? Nka go dira jang jaaka Atema? Nka go senya jang jaaka Seboime? Ke tlhomoga pelo, ke go utlwela botlhoko thata.

Hoshee 2:5

Gonne mmaabo o akafetse; yo o ba tsetseng o dirile tsa ditlhong. Gonne o rile: ‘Ke rata go sala dinyatsi tsa me morago, tse di mphang bogobe le metsi le maboa a dinku le letseta le lookwane le tse di nowang.’

Hoshee 4:11

“Boaka le weine le matute a moweine di senya pelo.

Hoshee 7:5

Mo moletlong wa kgosi ya rona dikgosana di lwala ka bogale jwa weine. Kgosi e tshwaragana ka mabogo le basotli.

Amose 2:8

Ba kanama mo diaparong tse di gapetsweng molato fa thoko ga aletare nngwe le nngwe, ba nwa weine e batho ba lefileng molato ka yona, ba e nwela mo ntlong ya modimo wa bone.

Amose 6:6

ba lo nwang weine ka megotšwana ya ditshupelo; lo tlôla lookwane lo lo tlhaotsweng, mme lo sa utlwele tshenyego ya Josefa botlhoko;

Mike 7:7

Mme nna ke tla lebelela Morena; ke rata go leta Modimo wa thuso ya me. Modimo wa me o tla nkutlwa.

Sekarie 1:16

Ke ka moo Morena o buang jaana a re: ‘Ke boetse kwa Jerusalema ka kutlwelo-botlhoko; Ntlo ya me e tla agiwa teng, go bua Morena wa masomosomo, le mogala wa baagi o tla gagamadiwa godimo ga Jerusalema.’

Mataio 26:50

Jesu a mo raya a re: “Tsala, ò tletseng fano?” Ke fa ba tla, ba tsenya Jesu diatla, ba mo tshwara.

1 Bakorinta 10:21

Ga lo ka ke lwa nwa senwelo sa Morena le senwelo sa medemone; ga lo ka ke lwa jela mo tafoleng ya Morena le mo tafoleng ya medemone.

1 Bakorinta 10:7

Le gona se nneng badiredi ba medimo ya diseto jaaka bangwe ba bone; jaaka go kwadilwe ga twe: “Morafe o ne wa nnela go ja le go nwa, ba tloga ba nanoga go tshameka.”

1 Petero 4:3

Gonne go lekanye, fa re dirisitse thato ya baheitane mo sebakeng se se fetileng ka go tsamaya ka boitaolo le dikeletso le botagwa le bojabele le tlhapelo le ditirelo tsa medimo e sele tse di maila.

Basiamisi 10:16

Le gona ba tlosa medimo e sele mo gare ga bona, ba direla Morena. Ke fa a tlhomoga pelo ka ntlha ya pogisego ya Baiseraele.

Basiamisi 9:27

Mme ba tswela kwa masimo, ba fula mo masimong a meweine a bone, ba gata maungo a meweine, ba dira moletlo, ba tsena mo ntlong ya modimo wa bone, ba ja, ba nwa, ba hutsa Abimelege.