Hagae 2:3 - Setswana 1970

³ ‘Go setse mang mo go lona yo o bonyeng Ntlo e mo kgalalelong ya yona ya pele? Mme lona, fa lo e bona, e ntse jang jaanong? A ga ke re, ga se ya sepe mo matlhong a lona?

Bibela ea Boitsépho 1890 (Sechuana Tlhaping - Moffatt Bible)

³ E bo mañ ba ba setseñ go lona ba ba kileñ ba bona ntlu e ka khalalelo ea eona ea ntla? mi lo e bona yañ yana? a ga e cuane yaka ga si sepe mo maitloñ a lona?

BAEBELE e e Boitshepo

³ ‘Go setse mang mo go lona yo o kileng a bona ntlo e mo kgalalelong ya yone ya pele? Lo e bona jang jaanong? Mo matlhong a lona a ga e a nna jaaka e se sepe?

Hagae 2:3 Iomraidhean Croise

1 Litihalo 22:5

Kana Dafita o ne a re: “Salomo morwaake o sa le mošwa o tlhoka temogo, mme Ntlo e e tshwanetseng go agelwa Morena e tshwanetse ya nna e kgolo mo go feteletseng e e tumileng e e kgabetseng mafatshe otlhe. Nte ke mo etleeletse.” Mme Dafita o ne a etleetsa ka tse dintsi a ise a swe.

Esere 3:11

Ba tlhaba sefela sa go baka ba re: “Lebogang Morena, gonne o molemo, mme bopelotlhomogi jwa gagwe bo okame Baiseraele ka bosakhutleng.” Mme morafe otlhe wa duduetsa ka tuduetso e kgolo ka go baka Morena, ka motheo wa Ntlo ya Morena o ne o theilwe.

Esere 3:12

Mme ba bantsi ba baperesiti le Balefi le ba ditlhogo tsa dikgoro, ba e leng batsofe ba ba neng ba bonye Ntlo ya Modimo ya pele, ya re go theiwa motheo wa Ntlo e mo matlhong a bone, ba lela ka selelo se segolo, mme ba bantsi ba bangwe ba le tuduetsong ka go tsholetsa mantswe ka boitumelo.

Yesaye 64:10

Metse e e boitshepo ya gago e fetogile marope, Sione a ntshiwa sekaka, Jerusalema a nna senya.

Esekiele 7:20

Bone ba ne ba ikgantsha ka bontle jwa mekgabo ya tsona; ba bile ba dira ditshwantsho tsa medimo e e maila le makgapha ka tsona. Ke ka moo ke tla di ba fetolelang se se ba tenang.

Hagae 2:9

‘Kgalalelo ya Ntlo e mo metlheng e e tlang e tla nna e kgolo bogolo go ya ya pele,’ go bua Morena wa masomosomo; ‘mme ke tla aba kagiso mo felong fa,’ go bua Morena wa masomosomo.”