Genese 8:1 - Setswana 1970

¹ Jaanong Modimo wa gopola Noa le diphologolo tsotlhe le diruiwa tsotlhe tse di neng di na nae mo mokorong. Modimo wa fokisa phefo mo lefatsheng, mme metsi a ngotlega.

Bibela ea Boitsépho 1890 (Sechuana Tlhaping - Moffatt Bible)

¹ MI Morimo oa gopola Noe, le cotle tse ri tserileñ, le likhomu cotle tse ri li na nae mo arekeñ: mi Morimo oa hokisa pheho mo hatsiñ, mi metse a ririmala;

BAEBELE e e Boitshepo

¹ Modimo wa gopola Noa le sengwe le sengwe se se tshedileng, le diruiwa tsotlhe tse o nang natso mo ntlong e e kokobalang; Modimo wa fokisa phefo mo lefatsheng, metsi a kokobela.

Genese 8:1 Iomraidhean Croise

Genese 19:29

E rile Modimo o senya metse ya lebala leo, Modimo wa gopola Aborahame, wa ntsha Lote mo thibegetsong, fa o ribegetsa metse e Lote a neng a agile mo go yona.

Genese 30:22

Modimo wa gopola Ragele le ene, wa utlwa thapelo ya gagwe, wa mo naya ngwana.

Genese 9:10

ke e tlhomamisetsa le dilo tsotlhe tse di phelang tse di nang le lona; e bong dinonyane le diruiwa le diphologolo tsotlhe tsa lefatshe tse di nang le lona; le tsotlhe tse di duleng mo mokorong, e leng diphedi tsotlhe tsa lefatshe.

Nehemie 13:14

“Modimo wa me, o nkgopole ka ntlha ya tseo. O se ka wa phimola ditiro tsa lorato tse ke di diretseng Ntlo ya Modimo wa me le tirelo ya yona.”

Nehemie 13:22

Ka ba ka laela Balefi gore ba iitshekise, ba be ba tle ba dise dikgoro gore letsatsi la Sabata le tle le itshepisiwe. “Le tseo o di nkgopole Modimo wa me, o nthekegele ka fa bogolong jwa lorato lwa gago.”

Nehemie 13:29

“Ba gopole, Modimo wa me, ka ntlha ya go itshekolola boperesiti le kgolagano ya boperesiti le Balefi.”

Nehemie 13:31

le thulaganyo ya go tlisa dikgong ka dipaka tse di beilweng le ya go tlisa mabutswapele. “Modimo wa me, nkgopole molemong.”

Yobe 12:15

Bonang, fa o thibela pula, metsi a a tšha; mme fa o ka e nesa, a gogola naga.

Yobe 14:13

Ao! Ga o mpolokeleng mo felong ga baswi wa mphitlha teng go fitlhelela bogale jwa gago bo time; e kete o ka mpeela sebaka se o tla nkgopolang ka sona.

Lipesalema 105:42

Gonne o ne a gopola lefoko la gagwe le le boitshepo, le Aborahame, motlhanka wa gagwe.

Lipesalema 106:4

Nkgopole, Morena, ka o kgatlhwa ke morafe wa gago; nketele ka thuso ya gago

Lipesalema 115:12

Morena o re gopotse, o tla tshegofatsa; o tla tshegofatsa Baiseraele, a tshegofatsa ba lapa la ga Arone.

Lipesalema 132:1

Sefela sa go ya Tempeleng. Morena, gopola Dafita le matshwenyego otlhe a gagwe,

Lipesalema 136:23

Yo o re gopotseng mo bobotlaneng jwa rona; gonne bopelotlhomogi jwa gagwe ke jo bo sa khutleng.

Lipesalema 137:7

Morena, gopola Baetomo, ba ka letsatsi la Jerusalema ba rileng: “Mo rutleng, mo phomeng go fitlha mo motheong!”

Lipesalema 29:10

Morena o kile a okama Morwalela wa metsi, Morena o bile o ntse a dutse jalo e le kgosi ya bosakhutleng.

Lipesalema 36:6

Morena, bopelontle jwa gago bo fitlha kwa magodimong; boikanyego jwa gago bo fitlha kwa marung.

Ekesodo 14:21

Jaanong Moše a otlololela lewatle letsogo, mme Morena a tlosa metsi a lewatle ka phefo e e thata ya botlhabatsatsi bosigo jotlhe, a fetola lewatle naga e e omileng, metsi a kgaogana.

Ekesodo 15:10

Mme ya re o budula ka phefo ya gago, lewatle la ba khurumetsa; ba rôrômela mo metsing a magolo jaaka tshipi.

Ekesodo 2:24

Modimo wa utlwa diphegelo tsa bone, wa gopola kgolagano ya ona e o e dirileng le Aborahame le Isaka le Jakobe.

Liane 25:23

Phefo ya bokone e tlisa pula; loleme lo lo sebang lo ngadisa difatlhego.

Yesaye 44:27

Ke nna yo ke rayang boteng jwa Ferathe ke re: ‘Kgala! Ke tla kgadisa dinoka tsa gago.’

Yeremie 50:38

A komelelo e kgadise metsi a ona gore a tšhe. Gonne ke lefatshe la medimo ya diseto. Ba tsentshiwa ke ditshosa tsa medimo.

Amose 8:7

Morena o ikanne ka bogolo jwa ga Jakobe a re: “Ruri, ga nkitla ke lebala ditiro dipe tsa bone ka go sa feleng.

Yone 4:11

Mme nna a ga ke a tshwanela go tlhomogela Ninife pelo, yo e leng motse o mogolo, o o nang le batho ba ba fetang 120 000 ba ba sa itseng go farologanya letsogo le le jang le la molema, le diphedi di le dintsi?”

Nahume 1:4

O kgalemela lewatle, a le tšhese, dinoka tsotlhe a di kgadise; Basane le Karemele di swabe, le sethunya sa Lebanone se swabe.

Habakuke 3:2

Morena, ke utlwile pegelo ya gago, ka ba ka tshoga. Morena, dirafatsa tiro ya gago mo gare ga dinyaga, ò e itsise mo gare ga dinyaga. Mme mo bogaleng ò gakologelwe boutlwelo-botlhoko.

Sekarie 10:11

O tla feta mo lewatleng la tlalelo, a itaya dintelo mo lewatleng; madiba otlhe a noka ya Nile a tla kgala; go tla kokobediwa boikgogomoso jwa Asiria, mme molamu wa bogosi jwa Egepeto o tshwanetse go tloga.

Lipalo 10:9

Mme e re fa lo tsena mo ntweng lo le mo lefatsheng la lona go tlhabana le mmaba yo o lo pitlaganyang, lo letse diphala thata; foo lo tla gopolwa fa pele ga Morena, Modimo wa lona, mme lo tla namolelwa mo babeng ba lona.

Lipalo 22:32

Moengele wa Morena a mmotsa a re: “Ke ka ntlha ya eng fa o sa le o tla o itaya esele ya gago e setse e le gararo? Bona, ke bolotse go nna moganetsi wa gago; gonne leeto la gago le a nkgopisa.

Tshenolo 16:19

Motse o mogolo wa kgaogana dikarolo di le tharo, metse ya merafe ya wa, Babilone yo mogolo a gopolwa fa pele ga Modimo gore a nosiwe senwelo sa bojalwa jwa kgakalo ya bogale jwa ona.

Tshenolo 18:5

gonne maleo a gagwe a fitlhile kwa legodimong, mme Modimo o gopotse ditshiamololo tsa gagwe.

1 Samuele 1:19

Ka moso ba phakela, ba obamela fa pele ga Morena; jaanong ba tsamaya ba boela kwa ga bone kwa Rama. Elekana a itse Hana mosadi wa gagwe, mme Morena a mo gopola.