Genese 26:3 - Setswana 1970

³ Jaka mo lefatsheng le, ke tla nna nao, ke go tshegofatsa; gonne mafatshe aotlhe ao ke tla a naya wena le losika lwa gago. Ke tla dirafatsa maikano a ke a ikanetseng Aborahame rraago.

Bibela ea Boitsépho 1890 (Sechuana Tlhaping - Moffatt Bible)

³ Tlolatlola ma hatsiñ yenu, mi ki tla na nau, mi ki tla gu tsegahatsa; gone ki tla gu naea, le losika loa gago, mahatsi aotle ua: mi ki tla tlomamisa ikano e ki e ikanetseñ Aberahame rago.

BAEBELE e e Boitshepo

³ O nne o jake mo lefatsheng le, ke tlaa nna nao, ke go segofatsa; gonne mafatshe otlhe a, ke tlaa a naya wena le losika lwa gago. Ke tlaa tlhomamisa maikano a ke a ikanetseng Aberahame rraago.

Genese 26:3 Iomraidhean Croise

Genese 12:7

Ke fa Morena a iponatsa mo go Aborame a re: “Lefatshe le ke tla le naya ba losika lwa gago.” Jaanong Aborame a agela Morena yo o iponaditseng mo go ene aletare gona.

Genese 13:15

Gonne lefatshe lotlhe le o le bonang, ke tla le go naya le ba losika lwa gago ka bosakhutleng.

Genese 13:17

Nanoga o ralale lefatshe, o tsamae boleele jwa lone le bophara jwa lone, gonne ke tla le go naya.”

Genese 15:18

Ka letsatsi leo Morena a dira kgolagano le Aborame a re: “Lefatshe le ke tla le naya losika lwa gago go simolola kwa nokeng ya Egepeto go fitlha kwa nokeng e kgolo, nokeng ya Ferathe,

Genese 17:19

Mme Modimo wa re: “Ruri, Sara mosadi wa gago o tla go belegela ngwana wa mosimane; o mo tee leina la Isaka. Ke tla tlhomamisa kgolagano ya me nae le losika lwa gagwe morago ga gagwe gore e nne kgolagano e e sa khutleng.

Genese 17:8

Lefatshe le o leng moeng mo go lone, e leng lefatshe lotlhe la Kanana, ke tla le go naya le bana ba gago morago ga gago go nna boswa jo bo sa khutleng, mme ke tla nna Modimo wa bone.”

Genese 20:1

Aborahame a huduga teng, a ya kwa lefatsheng la borwa, a nna fa gare ga Kateše le Sure, a ya go fudisa kwa Gerara .

Genese 25:11

Ya re Aborahame a sena go swa, Modimo wa tshegofatsa Isaka morwawe. Isaka a nna kwa sedibeng sa “Mophedi-yo-o-mponang.”

Genese 26:12

Isaka o ne a lema mo lefatsheng leo. Mme ka ngwaga oo kgetse ya peo ya mmusetsa di le lekgolo, ka Morena a ne a mo tshegofaditse.

Genese 26:14

a na le letsomane la dinku, a na le motlhape wa dikgomo le batlhanka ba bantsi, mo Bafelesita ba bileng ba mo fufegela.

Genese 26:24

Morena a iponatsa mo go ene bosigo joo a re: “Ke nna Modimo wa ga Aborahame rraago. Se boife, gonne ke na nao! Ke tla go tshegofatsa, ke atisa losika lwa gago ka ntlha ya ga Aborahame motlhanka wa me.”

Genese 28:13

A bona Morena a eme mo godimo ga sona a re: “Ke nna Morena, Modimo wa ga Aborahame rraago le Isaka. Lefatshe le o robetseng mo go lone ke tla le naya wena le losika lwa gago.

Genese 28:15

Bona, ke na nao, ke tla go boloka gongwe le gongwe kwa o yang teng; ke tla go busetsa gape mo nageng eno. Gonne ga nkitla ke go tlogela go fitlhelela ke dire tse ke di go solofeditseng.”

Genese 31:3

Jaanong Morena a raya Jakobe a re: “Boela kwa lefatsheng la borraago le kwa go ba ga eno; ke tla nna nao.”

Genese 35:12

Le lefatshe le ke le neileng Aborahame le Isaka ke tla le go naya. Lefatshe leo ke tla le naya losika lwa gago sehularong sa gago.”

Genese 39:2

Mme Morena o ne a na le Josefa, a nna monna yo o tlhogonolo, a nna mo ntlong ya morena wa gagwe wa Moegepeto.

Genese 39:21

Mme Morena o ne a na le Josefa, a mo direla ka bopelotlhomogi, a dira gore a kgatlhe mookamedi wa ntlo ya kgolegelo.

Genese 48:21

Iseraele a ba a raya Josefa a re: “Bona, ke a swa, mme Modimo o tla nna le lona, o lo busetsa kwa lefatsheng la borraeno.

Genese 50:24

Josefa a laela bomorwa-rraagwe a re: “Ke a swa; mme Modimo o tla lo babalela, o lo ntsha mo lefatsheng le, o lo isa kwa lefatsheng le o le solofeditseng Aborahame le Isaka le Jakobe.”

1 Litihalo 16:16

kgolagano e o e dirileng le Aborahame le ikano e o e ikanetseng Isaka.

Lipesalema 105:8

O gopola kgolagano ya gagwe ka gale, e bong lefoko le a le laetseng ditshika tse kete.

Lipesalema 105:9

Kgolagano e o e dirileng le Aborahame le ikano e o e ikanetseng Isaka,

Lipesalema 32:8

Ke tla go itsise, ke go ruta tsela e o tshwanetseng go e tsamaya; ke tla go gakolola ke tsepile matlho a me mo go wena.

Lipesalema 39:12

Fa o watlhaya motho ka dipetso ka ntlha ya tshiamololo, o nyeletse bontle jwa gagwe jaaka motoutwana; ee, motho mongwe le mongwe ke pudulo fela. Sela.

Ekesodo 2:24

Modimo wa utlwa diphegelo tsa bone, wa gopola kgolagano ya ona e o e dirileng le Aborahame le Isaka le Jakobe.

Ekesodo 3:12

Modimo wa re: “Kana ke tla nna nao. Mme sesupo sa gore ke go romile ke se: E tla re o sena go ntsha morafe oo mo Egepeto, lo direle Modimo mo thabeng e.”

Ekesodo 6:4

Le gona ke dirile kgolagano ya me nabo, ka ba solofetsa go ba naya lefatshe la Kanana, lefatshe la boeng jwa bone, le ba neng ba le baeng mo go lone.

Ekesodo 6:7

Ke tla lo tshola gore lo nne morafe wa me; ke tla nna Modimo wa lona, mme lo tla itse gore ke nna Morena Modimo wa lona yo o lo ntshang mono, a lo rola morwalo wa go direla Baegepeto.

Ekesodo 6:8

“ ‘Ke tla lo fitlhisa kwa lefatsheng lele le ke le tsholeleditseng letsogo ka ikano gore ke tla le naya Aborahame le Isaka le Jakobe. Ruri, nna Morena, ke tla le lo naya go nna boswa.’ ”

Yesaye 43:2

Fa o tshela metsi, ke na nao; le dinoka, ga di na go go tsaya. Fa o ralala molelo, ga o nke o šwa; kgabo ga e nke e go fisa.

Yesaye 43:5

Se boife, gonne ke na nao. “Ke tla tlisa losika lwa gago go tswa kwa botlhabatsatsi; ke go phutha go tswa kwa bophirimatsatsi.

Mike 7:20

Ò tla direla Jakobe ka boammaaruri le Aborahame ka bopelotlhomogi jo ò bo ikanetseng borraetsho mo metlheng ya bogologolo.

Lipalo 23:19

Modimo ga se motho mo o ka akang, le e seng morwa motho mo o ka ikwatlhayang. A o kile wa bua sengwe, mme wa se ka wa se dira? Kampo a o ka solofetsa sengwe. Mme wa se ka wa se dirafatsa?

Deuteronome 1:8

Itseng gore ke lo neetse lefatshe leo. Tsenang lo thope lefatshe le Morena o le ikanetseng borraeno Aborahame le Isaka le Jakobe go le ba naya, e bong losika lwa bone sehularong sa bone.’

Deuteronome 34:4

Morena a ba a mo raya a re: “Ke lone lefatshe le ke le ikanetseng Aborahame le Isaka le Jakobe ka re: ‘Ke tla le naya losika lwa gago.’ Ke le go bontshitse gore o le bone ka matlho fela, mme ga o kitla o tshelela gona.”

Bafilipi 4:9

Tse lo di ithutileng, lwa di amogela, lwa di utlwa, lwa di bona le mo go nna, lo di dire, mme Modimo wa kagiso o tla nna le lona.

Bahebera 11:9

Ke ka tumelo, fa a ne a ya go jaka kwa lefatsheng le a le solofeditsweng, e ise e nne la gagwe, a nna mo ditenteng, a na le Isaka le Jakobe, barua-boswa nae ba yona tsholofetso eo;

Bahebera 6:17

Ke ka moo e rileng Modimo o rata gagolo go supetsa baja-boswa ba tse di solofeditsweng bosafetogeng jwa boikaelelo jwa ona, wa di tiisa ka maikano;