Genese 1:1 - Setswana 1970

¹ Modimo o tlhodile legodimo le lefatshe mo tshimologong.

Bibela ea Boitsépho 1890 (Sechuana Tlhaping - Moffatt Bible)

¹ MORIMO o lo oa tlola magorimo le lehatsi mo tsimologoñ.

BAEBELE e e Boitshepo

¹ E rile mo tshimologong Modimo wa tlhola legodimo le lefatshe.

Genese 1:1 Iomraidhean Croise

2 Likhosi 19:15

Hesekia a ba a rapela fa pele ga Morena a re: “Morena, Modimo wa Iseraele, yo o ntseng godimo ga boKerubime. Ke wena Modimo o le wesi fela wa magosi aotlhe a lefatshe. Wena o dirile legodimo le lefatshe.

1 Litihalo 16:26

Gonne medimo yotlhe ya merafe ke ditshwantsho fela, mme Morena o dirile legodimo.

2 Litihalo 2:11

Hurame kgosi ya Tiro a araba ka lokwalo, a lo romela Salomo a re: “E re ka Morena a rata morafe wa gagwe, o go dirile kgosi ya one.”

Nehemie 9:6

Esera a rapela a re: “Ke wena Morena o le wesi; ke wena o dirileng legodimo, legodimo la magodimo le lesomo lotlhe la lone le lefatshe le tsotlhe tse di mo go lone le mawatle le tsotlhe tse di mo go ona; ke wena o di phedisang tsotlhe, mme lesomo la legodimo le a go obamela.

Yobe 26:13

Go sedifetse kwa legodimong ka phefo ya ona; seatla sa ona se phololetsa noga e e lobelo.

Yobe 38:4

E rile ke thaya lefatshe, wa bo o le kae? Bolela, fa o na le kitso!

Yobe 9:8

Legodimo o le tsharolola o le osi, o gate mo godimo ga dintelo tsa lewatle.

Lipesalema 102:25

Mme ka re: “Modimo wa me, se ntlose mo gare ga malatsi a me; dinyaga tsa gago ke tsa tlhatlologano ya ditshika.”

Lipesalema 104:24

Ditiro tsa gago, Morena, kana di methalethale jang! O dirile tsotlhe ka botlhale; lefatshe le tletse ditlhodiwa tsa gago.

Lipesalema 104:30

fa o roma mowa wa gago, di a tlholega; o tlhabolola sefatlhego sa lefatshe.

Lipesalema 115:15

Lo tshegofaditswe ke Morena yo o dirileng legodimo le lefatshe.

Lipesalema 121:2

Thuso ya me e tswa Moreneng yo o dirileng legodimo le lefatshe.

Lipesalema 124:8

Thuso ya rona e mo leineng la Morena, Modiri wa legodimo le lefatshe.

Lipesalema 134:3

A Morena a go tshegofatse, a le mo Sione, ena yo o dirileng legodimo le lefatshe!

Lipesalema 136:5

Yo o dirileng legodimo ka botlhale; gonne bopelothomogi jwa gagwe ke jo bo sa khutleng.

Lipesalema 146:6

yo o dirileng legodimo le lefatshe le lewatle le tsotlhe tse di mo go tsona; yo o bolokang boammaaruri ka bosakhutleng;

Lipesalema 33:6

Magodimo a dirilwe ka lefoko la Morena, le lesomo lotlhe la ona ka mowa wa molomo wa gagwe.

Lipesalema 33:9

Gonne o buile, mme ga direga; a laola, ga ba ga nna teng.

Lipesalema 8:3

O itiretse tumiso e kgolo, e tswa mo melomong ya bana le ya masea, ka ntlha ya baganetsi ba gago, gore o didimatse baba le baipusolosetsi.

Lipesalema 8:4

Fa ke lebile magodimo a gago, tiro ya menwana ya gago le ngwedi le dinaledi tse o di tlhomileng –

Lipesalema 90:2

Pele dithaba di ise di tsalwe, o ise o tlhole lefatshe le lebopo, wena o ntse o le Modimo go tswa bosenang-tshimologo go ya bosakhutleng.

Lipesalema 96:5

Gonne medimo yotlhe ya merafe ga se ya sepe; mme Morena o dirile magodimo.

Ekesodo 20:11

Ka gonne Morena o dirile legodimo le lefatshe le lewatle le tsotlhe tse di mo go tsona ka malatsi a le marataro, mme a ikhutsa ka letsatsi la bosupa. Ke ka moo Morena a tshegofaditseng letsatsi la Sabata, a le itshepisa.

Ekesodo 31:18

E rile Morena a sena go fetsa go bua le Moše kwa thabeng ya Sinai, a mo neela matlapa a mabedi a molao, e le matlapa a maboti a a kwadilweng ke monwana wa Modimo.

Liane 16:4

Morena o bopetse dilo tsotlhe maikaelelo a gagwe; ee, le moikepi o mmopetse letsatsi la tatlhego.

Liane 3:19

Morena o theile lefatshe ka botlhale; a tlhomamisa legodimo ka tlhaloganyo.

Moreri 12:1

Gopola Mmopi wa gago o sa le mošwa go ise go tle malatsi a a bosula; go ise go atamele dinyaga tse o tla reng ka tsona: “Ga di nkgatlhe,”

Yesaye 37:16

“Morena wa masomosomo, Modimo wa Iseraele, yo o ntseng godimo ga boKerubime! Ke wena Modimo o le wesi fela wa magosi aotlhe a lefatshe. Wena o dirile legodimo le lefatshe.

Yesaye 40:21

A ga lo itse? A ga lo ise lo utlwe? A ga lo a itsisiwe go tswa tshimologong? A ga lo a tlhaloganya go tswa tlholegong ya lefatshe?

Yesaye 40:26

Tsholetsang matlho, lo lelale! Ke mang yo o tlhodileng dilo tsele? Ke ene yo o bolotsang lesomo la tsona ka palo, a di bitsa tsotlhe ka maina. E re ka a na le thata e kgolo, ka e le senatla se se nonofileng, ga go tlhokafale sepe sa tsona.

Yesaye 40:28

A o ne o sa itse, gongwe a ga o ise o utlwe, fa Morena e le Modimo o o sa khutleng, o o tlhodileng makhutlo a lefatshe? Ga a lape, ga a felelwe ke thata; tlhaloganyo ya gagwe ga e tlhotlhomisiwe.

Yesaye 42:5

Modimo Morena yo o tlhodileng legodimo, a le phutholola; yo o adileng lefatshe le tse di tlhogang mo go lone; yo o nayang batho ba ba mo go lone bophelo, ba ba tsamayang mo go lone mowa, o bua jaana a re:

Yesaye 44:24

Morena, Mogolodi wa gago, yo o go bopileng go tswa mo mmeleng wa ga mmaago, o bua jaana a re: “Ke nna Morena yo o dirileng dilo tsotlhe. Ka phutholola legodimo ke le nosi. Ka ala lefatshe – yo o neng a na le nna ke mang?

Yesaye 45:18

Gonne Morena, Motlhodi wa legodimo, yo e leng Modimo o le osi fela, yo o bopileng lefatshe, a le dira, a le thaya – ga a le bopela gore le nne senya, mme o le bopetse gore batho ba nne mo go lone – o bua jaana a re: “Ke nna Morena, ga go na ope o sele.

Yesaye 51:13

O tla bo o le mang, fa o lebala Morena yo o go dirileng, yo o phuthololang legodimo, a thaya lefatshe; fa o tlhola o boifa kgalefo ya mogateledi letsatsi lotlhe, motlhang a iketleeleditseng go senya? Mme jaanong e kae, kgalefo ya mogateledi?

Yesaye 51:16

Ke beile mafoko a me mo molomong wa gago, ka go khurumetsa ka moriti wa seatla sa me gore ke phutholole legodimo, ke thae lefatshe, ke ree Sione ke re: ‘O morafe wa me.’ ”

Yesaye 65:17

“Gonne bonang, ke tla tlhola legodimo le lešwa le lefatshe le lešwa; mme dilo tsa pele ga di kitla di gopolwa le e seng go di gakologelwa ka pelo.

Yeremie 10:12

Ke Morena yo o dirileng lefatshe ka thata ya gagwe, a le tlhomamisa ka botlhale jwa gagwe; le gona o tsharolotse legodimo ka tlhaloganyo ya gagwe.

Yeremie 32:17

“Ao! Morena Modimo, bona, o dirile legodimo le lefatshe ka thata e kgolo ya gago le ka letsogo le le otlologileng la gago. Ga go na tiro epe e e go palelang.

Yeremie 51:15

Go bua yo o dirileng lefatshe ka thata ya gagwe, yo o tlhomamisitseng lefatshe ka botlhale jwa gagwe, le gona o tsharolotse legodimo ka tlhaloganyo ya gagwe.

Sekarie 12:1

Taelo ya Modimo. Lefoko la Morena ka ga Iseraele. Go buile Morena yo o phuthololang legodimo, yo o thayang motheo wa lefatshe, yo o bopang mowa wa motho mo teng ga gagwe a re:

Mataio 11:25

Ka nako eo Jesu a bua a re: “Ke a go boka, Rara, Morena wa legodimo le lefatshe, ka ò fitlhetse ba ba botlhale le ba ba tlhaloganyang dilo tse, mme ò di senoletse ba ba sa rutegang.

Mareko 13:19

Gonne malatsi ao e tla nna a pitlagano, jaaka go ise go ke go nne go tloga ka tshimologo ya tlholego e Modimo o e tlhodileng go tla nakong eno; le gona ga go nke go tlhola go nna jalo ka motlha ope.

Ditiro 14:15

ba re: “Banna, lo direlang jalo? Kana le rona re batho fela jaaka lona, re lo rerela Efangele gore lo tlogele medimo e e seng yona, lo sokologele kwa Modimong o o phelang, o o dirileng legodimo le lefatshe le lewatle le tsotlhe tse di mo go tsona;

Ditiro 17:24

Modimo o o dirileng lefatshe le tsotlhe tse di mo go lone, ona, ka e le Morena wa legodimo le lefatshe, ga o nne mo ditempeleng tse di dirilweng ka diatla;

Ditiro 4:24

Ya re bone ba sena go utlwa, ba tlhatlosetsa mantswe kwa Modimong ka bongwefela jwa pelo ba re: “Morena, wena yo o dirileng legodimo le lefatshe le lewatle le tsotlhe tse di mo go tsona;

Baroma 11:36

Gonne dilo tsotlhe di tswa go ene, di teng ka ene, di ya go ene. Tlotlo a e nne ya gagwe ka bosakhutleng! Amen.

1 Bakorinta 8:6

le fa go ntse jalo re na le Modimo o le mongwe fela, Rara, yo dilo tsotlhe di tswang mo go ene, yo re bopetsweng ene; le Morena a le mongwe fela, e bong Jesu Keresete yo dilo tsotlhe di leng ka ene, yo le rona re leng ka ene.

Baefeso 3:9

le go sedimosetsa botlhe se e leng tirafatso ya bosaitsiweng jo go tswa tshimologong bo neng bo fitlhegile mo Modimong o o tlhodileng dilo tsotlhe ka Jesu Keresete,

Bahebera 1:10

Gape wa re: “Wena Morena, o theile lefatshe mo tshimologong, magodimo ke ditiro tsa diatla tsa gago.

Bahebera 1:2

wa bua le rona mo bofelong jwa malatsi ano ka Morwaa-ona yo o mmeileng morua-boswa wa dilo tsotlhe, yo e bileng o dirile mafatshe ka ene.

Bahebera 11:3

Ke ka tumelo re tlhaloganyang gore lefatshe le dirilwe ka Lefoko la Modimo; ke go re, dilo tse di bonwang ga di a ka tsa dirwa ka dilo tse di bonalang.

Bahebera 3:4

Gonne ntlo nngwe le nngwe e agiwa ke motho, mme yo o agileng dilo tsotlhe ke Modimo.

2 Petero 3:5

Gonne ba itebaditse ka bomo gore magodimo a sa le a nna teng bogologolo, le gore lefatshe le le tswang mo metsing le ka thata ya metsi le dirilwe ka Lefoko la Modimo.

1 Yohane 1:1

Re lo anegela se se neng se le teng go tloga tshimologong, se re se utlwileng, se re se bonyeng ka matlho a rona, se re se lebileng, se diatla tsa rona di se fophotseng, e bong sa Lefoko la botshelo –

Tshenolo 10:6

a ikana ka ene yo o phelang ka bosakhutleng, yo o tlhodileng legodimo le tse di mo go lone le lefatshe le tse di mo go lone le lewatle le tse di mo go lone, a ikana a re: “Sebaka ga se nke se tlhola se nna teng.

Tshenolo 14:7

A bua ka lentswe le legolo a re: “Boifang Modimo, lo o obegele; ka gonne nako ya katlholo ya ona e tsile; lo obamele ona o o dirileng legodimo le lefatshe le lewatle le metswedi ya metsi.”

Tshenolo 21:6

A ba a nthaya a re: “Go dirafetse. Ke nna Alefa le Omega, tshimologo le bokhutlo. Yo o nyorilweng ke tla mo nosa mo motsweding wa metsi a botshelo, e se ka sepe.

Tshenolo 22:13

Ke nna Alefa le Omega, wa ntlha le wa bofelo, tshimologo le bokhutlo.

Tshenolo 3:14

“Kwalela moengele wa phuthego ya kwa Laodikea o re: ‘Yo e leng Amen, mosupi yo o boikanyo le boammaaruri, mosimolodi wa lobopo lwa Modimo, o bua jaana a re:

Tshenolo 4:11

“Morena, Modimo wa rona, o tshwanetse go amogela kgalalelo le tlotlo le thata; gonne o tlhodile dilo tsotlhe, tsa nna teng, di bopilwe ka fa thatong ya gago.”