Ekesodo 9:6 - Setswana 1970

⁶ Morena a dirafatsa lefoko leo ka letsatsi la kamoso: Ga swa diruiwa tsotlhe tsa Baegepeto, mme ga se ka ga swa sepe sa diruiwa tsa Baiseraele.

Bibela ea Boitsépho 1890 (Sechuana Tlhaping - Moffatt Bible)

⁶ Mi Yehova a riha seo se ka mosho, mi khomu cotle tsa Egepeto tsa shua: mi ga khomu tsa bana ba Yeserele go si ka ga shua epe.

BAEBELE e e Boitshepo

⁶ Ya re ka moso Jehofa a dira selo seo, dikgomo tsotlhe tsa Egepeto tsa a swa; mme mo dikgomong tsa bana ba Iseraele ga se ka ga a swa epe.

Ekesodo 9:6 Iomraidhean Croise

Lipesalema 78:48

Wa bolaya dikgomo tsa bona ka sefako, le matsomane a bona ka ditladi.

Lipesalema 78:50

Wa baakanyetsa bogale jwa ona tsela, wa se ka wa thibela mewa ya bona go ya losong, wa neela leroborobo maphelo a bona.

Ekesodo 12:12

“Gonne ke tla photlaphotla lefatshe la Egepeto bosigo joo, ke bolaya maitibolo otlhe a batho le a diruiwa mo lefatsheng la Egepeto. Ke tla dirafatsa katlholo le petso jalo mo medimong yotlhe ya Egepeto, nna Morena.

Ekesodo 12:29

Jaanong ya re gare ga bosigo Morena a bolaya maitibolo otlhe mo lefatsheng la Egepeto, a simolola ka ngwana wa ntlha wa ga Farao yo o tla nnang mo sedulong sa gagwe sa bogosi, a fetsa ka ngwana wa ntlha wa mogolegwi yo o mo ntlong ya kgolegelo le maitibolo otlhe a diruiwa.

Ekesodo 8:22

Mme ka letsatsi leo ke tla tlhaola lefatshe la Gosene le morafe wa me o agileng mo go lone gore go se ka ga nna diboba teng; ke gona o tla itseng gore ke nna Morena mo lefatsheng lotlhe.

Ekesodo 9:25

Mo lefatsheng lotlhe la Egepeto sefako sa bolaya dilo tsotlhe tse di neng di le kwa nageng, batho le diruiwa. Le gona sefako sa senya dijwalo tsotlhe tsa masimo, sa roba ditlhare tsotlhe tsa naga.

Ekesodo 9:26

Fela mo nageng ya Gosene fa Baiseraele ba neng ba nna teng sefako sa se ka sa na.

Ekesodo 9:4

Mme Morena o tla farologanya diruiwa tsa Baiseraele le tsa Baegepeto: Ga go kitla go swa sepe sa dilo tsa Baiseraele.

Ekesodo 9:5

Le gona Morena o beile sebaka sa teng a re: Selo se Morena o tla se dira kamoso mo lefatsheng.’ ”