Ekesodo 6:2 - Setswana 1970

² Modimo wa bua gape le Moše, wa mo raya wa re: “Ke nna Morena.

Bibela ea Boitsépho 1890 (Sechuana Tlhaping - Moffatt Bible)

² Mi Morimo oa bua le Moshe, mi oa mo raea, Ki Yehova;

BAEBELE e e Boitshepo

² Modimo wa bua le Moše wa mo raya wa re: “Ke nna JEHOFA.

Ekesodo 6:2 Iomraidhean Croise

Genese 15:7

A ba a mo raya a re: “Ke nna Morena ke go ntshitseng kwa Ure wa Kalatea go tla go go naya lefatshe le, go le rua.”

Ekesodo 12:12

“Gonne ke tla photlaphotla lefatshe la Egepeto bosigo joo, ke bolaya maitibolo otlhe a batho le a diruiwa mo lefatsheng la Egepeto. Ke tla dirafatsa katlholo le petso jalo mo medimong yotlhe ya Egepeto, nna Morena.

Ekesodo 14:18

Mme e tla re fa ke ikgalaletsa ka Farao le ka dikoloi tsa ntwa tsa gagwe le ka bapalami ba tsona, ke gona Baegepeto ba tla lemogang gore ke nna Morena.”

Ekesodo 15:3

Morena ke mogale tlhabanong; leina la gagwe ke Morena.

Ekesodo 17:1

Jaanong morafe otlhe wa Baiseraele wa tloga kwa sekakeng sa Sine, wa tsamaya o thibelela ka fa taolong ya Morena go ya go fitlha kwa Rafidime. Ba feta ba tlhoka metsi a a nowang.

Ekesodo 20:2

“Ke nna Morena Modimo wa gago yo ke go ntshitseng mo lefatsheng la Egepeto mo ntlong ya botlhanka.

Ekesodo 3:14

Modimo wa raya Moše wa re: “Ke nna yo ke leng ene!” Wa ba wa re: “Raya Baiseraele jaana o re: ‘Ene ke-nna o nthomile kwano go lona.’ ”

Ekesodo 3:15

Modimo wa bua gape le Moše wa re: “O ree Baiseraele jaana o re: ‘Morena Modimo wa borraeno, Modimo wa ga Aborahame le Isaka le Jakobe, ke ona o o nthomileng kwano go lona.’ Ke lone leina la me ka bosakhutleng, ke lone le ke bidiwang ka lone ke ditshika tsotlhe.

Ekesodo 6:29

Morena a raya Moše a re: “Ke nna Morena. Bolelela Farao, kgosi ya Egepeto, dilo tsotlhe tse ke tla di buang nao.”

Ekesodo 6:6

Ka moo, raya Baiseraele o re: ‘Ke nna Morena, ke tla lo ntsha mono, ke lo rola morwalo wa go direla Baegepeto, ke lo golola mo botlhankeng jwa lona, ke lo pholosa ka letsogo le le otlologileng le ka dipetso tse dikgolo.

Ekesodo 6:8

“ ‘Ke tla lo fitlhisa kwa lefatsheng lele le ke le tsholeleditseng letsogo ka ikano gore ke tla le naya Aborahame le Isaka le Jakobe. Ruri, nna Morena, ke tla le lo naya go nna boswa.’ ”

Yesaye 42:8

“Ke nna Morena, ke lone leina la me! Mme kgalalelo ya me ga nkitla ke e naya ope o sele, le e seng go naya medimo ya diseto tlotlo ya me.

Yesaye 43:11

“Ke nna, ke nna Morena! Ga go na mopholosi ope kwa ntle ga me.

Yesaye 43:15

Ke nna Morena, Moitshepi wa lona, yo o tlhodileng Iseraele, ke Kgosi ya lona.”

Yesaye 44:6

Morena, Kgosi ya Iseraele, Mogolodi wa gagwe, Morena wa masomosomo o bua jaana a re: “Ke nna wa ntlha, le gona ke nna wa bofelo. Ga go na modimo ope kwa ntle ga me.

Yeremie 9:24

Mme yo o ratang go itumisa a a itumise ka go tlhalefela go nkitse, fa e le nna Morena yo o dirafatsang bopelotlhomogi le katlholo le tshiamo mo lefatsheng; gonne ke kgatlhwa ke dilo tseo.” Morena o buile jalo.

Esekiele 20:5

o ba ree o re: Morena Modimo o bua jaana o a re: E rile ka letsatsi le ke tlhophileng Iseraele ka lone, ka ikanela losika lwa lelapa la ga Jakobe, ka ba ikitsise kwa lefatsheng la Egepeto, ka ba tsholeletsa seatla ka re: Ke nna Morena, Modimo wa lona!

Malakie 3:6

“Gonne nna Morena ga ke a fetoga; mme lona lo ntse lo le bomorwa Jakobe fela.