Ekesodo 5:3 - Setswana 1970

³ Bone ba re: “Modimo wa Bahebere o kgatlhanye le rona. Nte re ye kwa sekakeng ka leeto la malatsi a le mararo, re direle Morena, Modimo wa rona, ditlhabelo, e se re gongwe a re wela ka leroborobo gongwe ka tšhaka.”

Bibela ea Boitsépho 1890 (Sechuana Tlhaping - Moffatt Bible)

³ Mi ba re, Morimo oa Bahebera o re tletse: ki gona re gu rapelañ, u re lese go ea bogareñganaga ka eto loa malatsi a teri, go shupela Yehova Morimo oa rona; gore a si re oele ka pesetelense leha e le ka caka.

BAEBELE e e Boitshepo

³ Ba re: “Modimo wa Bahebere o kopanye le rona; re a go rapela, a ko o mme re ye loeto lwa malatsi a le mararo kwa nageng, re ye go isetsa Jehofa Modimo wa rona tlhabelo, e se re gongwe a re wela ka kgogodi le fa e le ka tšhaka.”

Ekesodo 5:3 Iomraidhean Croise

2 Likhosi 17:25

Mme e rile ba simolola go nna teng, ba bo ba sa itse Morena; ke fa Morena a romela ditau kwa go bone, tsa nna tsa bolaya bangwe ba bone.

2 Litihalo 30:8

Jaanong he, lo se ka lwa gagamatsa dithamo tsa lona jaaka borraeno, mme ineeleng mo Moreneng, lo tle Felong-fa-go-Boitshepo ga gagwe fa a go itshepisitseng ka bosakhutleng, lo direle Morena, Modimo wa lona, gore bogale jwa gagwe bo khutle go lo tukela.

Esere 7:23

Tsotlhe tse di batlegang ka fa molaong wa Modimo wa legodimo a di direlwe Ntlo ya Modimo wa legodimo ka tlhoafalo, e se re gongwe bogale jwa wela mo pusong ya kgosi le bomorwaa-yona.

Ekesodo 3:18

“Ba tla utlwa lentswe la gago; mme wena o ye kwa kgosing ya Egepeto, o na le bagolo ba Baiseraele, lo e ree lo re: ‘Morena Modimo wa Bahebere o kgatlhanye le rona. Jaanong ge, a ko o re letlelele go ya kwa sekakeng ka leeto la malatsi a le mararo, re ye go direla Morena Modimo wa rona ka ditlhabelo.’

Ekesodo 7:16

o mo ree o re: ‘Morena Modimo wa Bahebere o nthomile kwano go wena a re: Ke sa le ke go raya ke re: Lesa morafe wa me gore o ye go ntirela mo sekakeng! Mme bona, ga ò ise o utlwe go fitlhelela jaanong.

Ekesodo 8:1

Ke fa Morena a raya Moše a re: “Yaa kwa go Farao, o mo ree o re: ‘Morena o bua jaana a re: Lesa morafe wa me, o ye go ntirela!

Ekesodo 8:20

Ke fa Morena a raya Moše a re: “Phakela ka masa, o eme fa pele ga Farao – bona, o tla ya kwa nokeng – o mo ree o re: ‘Morena o sa ntse a bua jalo a re: Lesa morafe wa me, o ye go ntirela!

Ekesodo 8:27

Re lese re ye kwa sekakeng leeto la malatsi a mararo, re direle Morena Modimo wa rona ditlhabelo, jaaka Morena a re laetse.”

Esekiele 6:11

Morena Modimo o bua jaana a re: “Ithwale megono, o tibe ka lonao o re: ‘Ijoo!’ Maila a a bosula a Baiseraele a kana kang ne! Ka moo ba tla wa ka tšhaka le ka tlala le ka leroborobo.

Levitiko 26:25

Ke tla lo romela tšhaka e e busolosetsang kgolagano. Mme le fa lo tshabela kwa metseng ya lona, ke tla lo romela leroborobo, mme lo tla neelwa mo diatleng tsa baba.

Deuteronome 28:21

Morena o tla go kgomaretsa leroborobo go tsamaya a ba a go fedise mo lefatsheng le o tla tsenang mo go lone gore e nne la gago.