Ekesodo 33:1 - Setswana 1970

¹ Jaanong Morena a bua le Moše a re: “Tloga o huduge mono, wena le morafe o ò o ntshitseng kwa lefatsheng la Egepeto, lo ye kwa lefatsheng le ke le ikanetseng Aborahame le Isaka le Jakobe ka re: ‘Ke tla le naya losika lwa gago.’

Bibela ea Boitsépho 1890 (Sechuana Tlhaping - Moffatt Bible)

¹ MI Yehova a raea Moshe, tloga u coe monu, uena le bathu ba u ba entsitseñ kua hatsiñ ya Egepeto, go ea kua hatsiñ ye ki le ka le ikanela Aberahame, le Yitsake, le Yakobe, ka re, Ki tla le naea losika loa lona:

BAEBELE e e Boitshepo

¹ Jehofa a bua le Moše a re: “Tloga o tswe fano, wena le batho ba o ba tlhatlositseng kwa lefatsheng la Egepeto, lo ye kwa lefatsheng le ke le ikanetseng Aberahame le Isake le Jakobe ka re: ‘Ke tlaa le naya losika lwa gago:’

Ekesodo 33:1 Iomraidhean Croise

Genese 12:7

Ke fa Morena a iponatsa mo go Aborame a re: “Lefatshe le ke tla le naya ba losika lwa gago.” Jaanong Aborame a agela Morena yo o iponaditseng mo go ene aletare gona.

Genese 15:18

Ka letsatsi leo Morena a dira kgolagano le Aborame a re: “Lefatshe le ke tla le naya losika lwa gago go simolola kwa nokeng ya Egepeto go fitlha kwa nokeng e kgolo, nokeng ya Ferathe,

Genese 26:1

Go kile ga tla leuba gape mo lefatsheng leo, jaaka le kile la nna teng mo malatsing a ga Aborahame. Mme Isaka a ya kwa go Abimelege, kgosi ya Bafelesita, kwa Gerara.

Genese 26:3

Jaka mo lefatsheng le, ke tla nna nao, ke go tshegofatsa; gonne mafatshe aotlhe ao ke tla a naya wena le losika lwa gago. Ke tla dirafatsa maikano a ke a ikanetseng Aborahame rraago.

Genese 28:10

Jaanong Jakobe a tloga mo Bereseba, a ya kwa Harane;

Genese 50:24

Josefa a laela bomorwa-rraagwe a re: “Ke a swa; mme Modimo o tla lo babalela, o lo ntsha mo lefatsheng le, o lo isa kwa lefatsheng le o le solofeditseng Aborahame le Isaka le Jakobe.”

Ekesodo 17:3

Batho ba nyorelwa metsi gona; batho ba ngongoregela Moše ba re: “Ke ka ntlha ya eng, fa o re ntshitse kwa Egepeto gore o re bolae le bana ba rona le diruiwa tsa rona ka lenyora?”

Ekesodo 32:1

E rile batho ba bona Moše a diega go fologa mo thabeng, ba kgobokanela kwa go Arone, ba mo raya ba re: “Nanoga o re direle modimo o o tla re etelelang pele; gonne ga re itse se se dirafaletseng Moše, monna yole yo o re ntshitseng kwa lefatsheng la Egepeto.”

Ekesodo 32:13

Gopola Aborahame le Isaka le Iseraele, batlhanka ba gago, ba o ba ikanetseng ka wena, wa ba solofetsa wa re: ‘Ke tla ntsifatsa bana ba lona jaaka dinaledi tsa legodimo, ke naya bana ba lona lefatshe lotlhe leo ke buileng ka ga lone gore ba le rue ka bosakhutleng.’ ”

Ekesodo 32:34

Tsamaya jaanong o ise morafe o kwa felong fa ke go go boleletseng. Bona, moengele wa me o tla go etelela pele, mme ke tla ba beletsa boleo jwa bone ka letsatsi le ke tla betsang ka lone.”

Ekesodo 32:7

Ke fa Morena a raya Moše a re: “Yaa o fologe, gonne morafe wa gago o ò o ntshitseng kwa lefatsheng la Egepeto o sentse.

Levitiko 20:24

Kana ke lo reile ka re: Lona lo tla ja naga ya bone boswa, ke tla e lo naya go e rua; ke lefatshe le le elang mašwi le dinotshe. Ke nna Morena Modimo wa lona yo ke lo lomologantseng le merafe eo.

Lipalo 11:12

A ke nna ke imileng morafe otlhe o? Kampo a ke nna ke o tsetseng, fa o nthaya o re, ke ba belege, ke be ke ba amuse jaaka mmelegi a belege lesea, ke ba ise kwa nageng e o e ikanetseng borraabo.

Ditiro 7:36

Ke ene yo o ba ntshitseng, a dira dikgakgamatso le ditshupo kwa lefatsheng la Egepeto le kwa Lewatleng le Lehibidu le kwa sekakeng dinyaga di le 40.

Deuteronome 1:8

Itseng gore ke lo neetse lefatshe leo. Tsenang lo thope lefatshe le Morena o le ikanetseng borraeno Aborahame le Isaka le Jakobe go le ba naya, e bong losika lwa bone sehularong sa bone.’