Ekesodo 22:3 - Setswana 1970

³ Fa letsatsi le setse le le tlhabetse, foo ke molato wa polao. Legodu le tshwanetse go lefa; fa le se na sepe, a le rekisiwe ka ntlha ya bogodu jwa lone.

Bibela ea Boitsépho 1890 (Sechuana Tlhaping - Moffatt Bible)

³ Ha letsatsi le le tlabetse, e tla bo e le molatu oa mari go ena, gone le le tla lehela rure; mi ha le sina sepe, a le bapalerioe bogoru yoa yeona.

BAEBELE e e Boitshepo

³ Fa letsatsi le ne le le tlhabetse, go tlaa nna molato o motho o o bolaelwang: le ne le tshwanetse go lefa; mme fa le se na sepe, foo a le rekisediwe bogodu jwa lone.

Ekesodo 22:3 Iomraidhean Croise

Genese 44:10

Ene a re: “Ee, go siame! A go dirwe jaaka lo buile, yo se tla fitlhelwang mo go ene o tla nna motlhanka wa me, mme lona lo tla bo lo se na molato.”

Ekesodo 21:2

Fa o reka lekgoba la Mohebere, a le go direle dinyaga di le thataro, mme ka ngwaga wa bosupa a le gololwe le tsamae, le sa ithekolole ka sepe.

Ekesodo 21:34

mong wa sediba a a e lefe ka selefera, a e busetse mong wa yona jalo, mme setoto e nne sa gagwe.

Ekesodo 22:2

Fa legodu le bonwa le phunya ntlo le itewa, le be le swa, moitei ga a na molato wa polao.

Yesaye 40:2

“Buang le Jerusalema tse di nametsang pelo, lo mo tlhabele mokgosi o o reng: Botshwaro jwa gagwe bo fedile; molato wa gagwe o itshwaretswe; o amogetse gabedi mo seatleng sa Morena ka ntlha ya maleo otlhe a gagwe.”

Yesaye 50:1

Morena o bua jaana a re: “Lokwalo lwa tlhalo la ga mmaeno lo kae, lwa ke mo tlhadileng ka lone? Gongwe ke molato le mang, yo ke lo rekisitseng mo go ene? Bonang, lo rekisitswe ka ntlha ya melato ya lona. Mmaalona o tlhadilwe ka ntlha ya maleo a lona.

Mataio 18:25

Mme ya re ka a palelwa ke go lefa, morena a laola gore a rekisiwe le mosadi le bana le tsotlhe tse o nang natso, gore go duelwe mesuga.

Basiamisi 10:7

Ke fa bogale jwa Morena bo tukela Baiseraele, mme a ba rekisa mo diatleng tsa Bafelesita le tsa Baamone.

Basiamisi 2:14

Morena a tukele Baiseraele bogale, a ba neele mo diatleng tsa bathukhuthi, ba ba thukhuthe dilo, a ba rekise mo diatleng tsa baba ba bone tikologong, mo ba neng ba sa tlhole ba kgona go emelana le baba ba bone.