Ekesodo 20:3 - Setswana 1970

³ “O se nne le medimo epe e sele kwa ntle ga me.

Bibela ea Boitsépho 1890 (Sechuana Tlhaping - Moffatt Bible)

³ ¶ Lo si ne le merimo e sele ha pele ge me.

BAEBELE e e Boitshepo

³ “O se ka wa nna le medimo epe e sele fa e se nna.

Ekesodo 20:3 Iomraidhean Croise

1 Likhosi 11:4

E rile ka sebaka sa botsofe jwa ga Salomo, basadi ba gagwe ba faposa pelo ya gagwe gore a latele medimo e sele, mme pelo ya gagwe ya se ka ya nna le Morena, Modimo wa gagwe, ka botlalo jaaka pelo ya ga Dafita rraagwe.

Lipesalema 29:2

Nayang Morena tlotlo e e tshwanetseng leina la gagwe; obamelang Morena lo kgabile ka tse di boitshepo.

Lipesalema 73:25

Ke na le mang kwa legodimong, fa e se wena? Fa ke na nao, ga ke kgatlhwe ke sepe mo lefatsheng.

Lipesalema 81:10

A go se ka ga nna modimo ope wa seeng mo go wena; le gona o se ka wa obamela modimo ope wa ba sele.

Lipesalema 81:9

Reetsa, morafe wa me, ke tla go kaela; wena Iseraele, e kete o ka bo o nkutlwa.

Ekesodo 15:11

Morena, ke mang mo medimong yo o tshwanang le wena? Ke mang yo o galaleditsweng ka boitshepo, yo o boitshegang ka ditiro tse di bokwang, yo o dirang dikgakgamatso jaaka wena?

Ekesodo 20:23

Lo se ka lwa kaya sepe jaaka nna; lo se ka lwa itirela medimo ya selefera gongwe ya gouta.

Ekesodo 22:19

“Mongwe le mongwe yo o robalang le seruiwa o tshwanetse go bolawa.

Ekesodo 23:24

Lo se ka lwa obamela medimo ya bone le e seng go e direla le e seng go dira jaaka bone ba dira, mme lo e digele ruri, lo pšhwetlakanye mafika a bone a a betlilweng motloutlo.

Ekesodo 32:8

Ba fapogile ka pele mo tseleng e ke e ba laetseng, ba itiretse namane e e bopilweng, ba e obamela, ba e tlhabela ditlhabelo ba re: ‘Ke ona modimo wa lona Baiseraele, o o lo ntshitseng kwa lefatsheng la Egepeto.’ ”

Ekesodo 34:14

“Gonne ga lo a tshwanela go obamela modimo o sele. Gonne Morena yo leina la gagwe e leng Mofufegedi ke Modimo o o lefufa.

Yesaye 26:4

Ikanyeng Morena ka gale, gonne Morena ke lefika la bosakhutleng.

Yesaye 42:8

“Ke nna Morena, ke lone leina la me! Mme kgalalelo ya me ga nkitla ke e naya ope o sele, le e seng go naya medimo ya diseto tlotlo ya me.

Yesaye 43:10

Morena o bua a re: “Lona lo basupi ba me, le motlhanka wa me, yo ke mo itlhaoletseng, gore lo itse, lo ntumele, lo lemoge, fa e le nna. Ga go a bopiwa modimo ope pele ga me; le gona ga go nke go nna ope morago ga me.

Yesaye 44:8

Se reregeng, lo se boife! A ga se go tswa bogologolo ke ntse ke lo utlwisa le go lo itsise tse di tla dirafalang? Lo basupi ba me. A go na le Modimo kwa ntle ga me? Nnyaya, ga go na lefika le sele. Ga ke itse lepe.”

Yesaye 46:9

Gakologelwang dilo tsa pele, tsa bogologolo. Kana ke nna Modimo, ga go na ope o sele; ke nna Modimo, ga go na ope yo o tshwanang le nna.

Yeremie 25:6

Se saleng medimo e sele morago go e direla le go e obamela; se ntlhotlheletseng bogaleng ka tiro ya diatla tsa lona gore ke se ka ka lo direla bosula.’

Yeremie 35:15

Kana ke lo rometse baporofeti, batlhanka ba me botlhe, ka tlhoafalo, ka lo raya ka re: A ko lo boe, mongwe le mongwe mo tseleng e e bosula ya gagwe, lo siamise ditiro tsa lona! Se lateleng medimo e sele go e direla! Foo lo tla nna mo nageng e ke e lo fileng le borraeno. Mme ga lo a ka lwa sekega ditsebe le e seng go nkutlwa.

Yeremie 7:9

Ga ke re, lo a utswa, lo a bolaya, lo senya nyalo, lo ikana ka maaka, lo fisetsa Baale maswalo, lo sala medimo e sele morago e lo sa e itseng!

Daniele 3:18

Mme le fa o sa dire jalo, a go itsiwe ke wena kgosi, fa re sa ka ke ra tlotla medimo ya gago ka gope, le e seng go obamela setshwantsho sa gouta se o se emisitseng.”

Hoshee 13:4

“Mme nna ke Morena, Modimo wa gago, go tloga kwa lefatsheng la Egepeto. Ga o itse modimo o sele kwa ntle ga me! Ga go na mopholosi fa e se nna ke le nosi.

Mataio 4:10

Jesu a mo fetola a re: “Ntlogela, Satane! Gonne go kwadilwe ga twe: ‘O tshwanetse go obamela Morena, Modimo wa gago le go direla ene a le esi fela.’ ”

1 Bakorinta 8:4

Jaanong fa e le go ja nama ya ditlhabelo tsa medimo ya diseto, re itse gore modimo wa seseto ga o sepe mo lefatsheng le gore ga go Modimo ope o sele, fa e se ona o le mongwe fela.

1 Bakorinta 8:6

le fa go ntse jalo re na le Modimo o le mongwe fela, Rara, yo dilo tsotlhe di tswang mo go ene, yo re bopetsweng ene; le Morena a le mongwe fela, e bong Jesu Keresete yo dilo tsotlhe di leng ka ene, yo le rona re leng ka ene.

Baefeso 5:5

Gonne moo lo go itse sentle gore ga go ope yo e leng seaka gongwe yo o maswe gongwe yo o megagaru yo o ka nnang le boswa mo pusong ya ga Keresete le Modimo, ka e le modiredi wa medimo e sele.

Deuteronome 5:7

“ ‘O se nne le medimo epe e sele ke ntse ke le teng.

Deuteronome 6:14

Se lateleng medimo e sele, e bong medimo ya merafe e e mo tikologong ya lona –

Deuteronome 6:5

Ene Morena, Modimo wa gago, o mo rate ka pelo yotlhe le ka mowa otlhe le ka thata yotlhe.

Bafilipi 3:19

Bokhutlo jwa bone ke tatlhego, modimo wa bone ke mpa, tlotlo ya bone ke ditlhong tsa bone; ba gopola tsa lefatshe fela.

Bakolosa 2:18

A go se nne ope yo o phamolang sekgele mo go lona ka go kgatlhwa ke boikokobetso le kobamelo ya baengele, a ikgantsha ka tse o di bonyeng, a budulosiwa ke tlhaloganyo ya nama ya gagwe kwa ntle ga lebaka,

Tshenolo 19:10

Jaanong ka wela fa dinaong tsa gagwe go mo obamela. Mme a nthaya a re: “Nnyaya, se dire jalo! Ke motlhanka-ka-wena le bomorwa-rraago ba ba nang le tshupo ya ga Jesu; obamela Modimo.” Kana tshupo ya ga Jesu ke mowa wa boporofeti.

Tshenolo 22:9

Mme a nthaya a re: “Nnyaya, se dire jalo! Ke motlhanka-ka-wena le bomorwa-rraago le baporofeti le ba ba tshegetsang mafoko a lokwalo lo. Obamela Modimo!”

Basiamisi 6:10

Ka lo raya ka re, ke nna Morena, Modimo wa lona. Se boifeng medimo ya Baamori ba lo agileng mo lefatsheng la bone. Mme lwa se ka lwa utlwa lentswe la me.’ ”