Ekesodo 19:12 - Setswana 1970

¹² Le gona beela morafe molelwane mo tikologong ya thaba, o ba ree o re: ‘Itiseng gore lo se palame mo thabeng, le e seng go e ama kwa tlase. Mongwe le mongwe yo o amang thaba e o tshwanetse go bolawa.

Bibela ea Boitsépho 1890 (Sechuana Tlhaping - Moffatt Bible)

¹² Mi u bele bathu moleloane tikologoñ, u re, Lo ikehe go tlatlogela thaba, leha e le go ama khutlo sa eona: eo o amañ thaba o tla bolaeloa rure.

BAEBELE e e Boitshepo

¹² O beele batho melelwane mo tikologong ya thaba o re: ‘Lo ikefe, gore lo se tlhatlogele kwa thabeng, le fa e le go ama moripo wa yone; le fa e le mang yo o tlaa amang thaba o tlaa swa ruri:

Ekesodo 19:12 Iomraidhean Croise

Ekesodo 10:28

Farao a mo raya a re: “Tsamaya o ntlogele, o itise gore o se ka wa bona sefatlhego sa me gape; gonne ka letsatsi le o bonang sefatlhego sa me ka lone, o tla swa.”

Ekesodo 19:21

Morena a raya Moše a re: “Fologa o laele morafe, e se re gongwe ba sutlhela kwa Moreneng go leba, ba tloga ba swa ka bontsi.

Ekesodo 19:23

Mme Moše a raya Morena a re: “Morafe o palelwa ke go tlhatlogela mo thabeng ya Sinai; gonne o re laetse thata ka wesi wa re: ‘Agelela thaba ka logora, o e itshepise.’ ”

Ekesodo 24:2

Mme a Moše a atamele Morena a le esi, bale ba se ka ba atamela; le morafe o se ka wa tlhatloga nae.”

Ekesodo 34:12

Itiseng gore lo se ka lwa dira kgolagano le baagi ba lefatshe le lo tla tsenang mo go lone, e se re gongwe ba lo fetogela seru ba le mo gare ga lona.

Ekesodo 34:3

A go se ka ga tlhatloga ope nao; le gona a go se ka ga bonwa ope mo thabeng yotlhe e; le difutshane le dikgomo di se ka tsa atamela thaba e, fa di fula.”

Deuteronome 2:4

Laela morafe o re: Lo tla ralala naga ya ba ga lona boora Esau ba ba agileng kwa Seire, mme ba tla lo boifa. Fela lo itise thata

Deuteronome 4:9

Fela lo itise, lo ipoloke thata gore lo se ka lwa lebala ditirafalo tse matlho a lona a di bonyeng gore di se ka tsa timelela mo pelong tsa lona ka malatsi otlhe a botshelo jwa lona, mme lo di bolelele bana ba lona le bana ba bana ba lona;

Bahebera 12:18

Gonne ga lo a tla fa thabeng e e ka angwang le e seng fa molelong o o tukang le e seng fa bontshong, le e seng fa lefifing le e seng fa ledimong,

Yehoshue 3:4

Fela a go nne sebaka fa gare ga lona le lone, e ka nna selekanyo sa mabogo a le kete tse pedi. Lo se ka lwa le atamela gore lo tle lo itse tsela e lo tla tsamayang ka yona; gonne ga lo ise lo ke lo sepele mo tseleng e ka gope.”