Ekesodo 13:7 - Setswana 1970

⁷ A go jewe dinkgwe tse di sa bedisiwang ka malatsi a supa. A go se ka ga bonwa tse di bedisitsweng mo go lona; le gona a go se ka ga bonwa letlhabego lepe mo lefatsheng lotlhe la lona.

Bibela ea Boitsépho 1890 (Sechuana Tlhaping - Moffatt Bible)

⁷ Señkhue se se sa berisioañ a se yeoe ka malatsi a seven; mi se se berisicoeñ a se si bonoe mo go lona, le seberisho a se si bonoe mo likhoreñ tsa lona cotle.

BAEBELE e e Boitshepo

⁷ Senkgwe se se sa bedisiwang a se jewe ka malatsi ao ka bosupa jwa one; mme go se fitlhelwe senkgwe se se bedisitsweng o na naso, le sebediso a se se bonwe mo go wena, mo lefatsheng la gago lotlhe fela.

Ekesodo 13:7 Iomraidhean Croise

Ekesodo 12:15

“Lo je dinkgwe tse di sa bedisiwang malatsi a supa. Lo tlose letlhabego mo matlong a lona ka letsatsi la ntlha. Gonne mongwe le mongwe yo o jang dinkgwe tse di bedisitsweng go tloga letsatsing la ntlha go ya tsatsing la bosupa o tshwanetse go nyelediwa mo go Iseraele.

Ekesodo 12:19

A go se ka ga fitlhelwa letlhabego mo matlong a lona ka malatsi a supang. Gonne mongwe le mongwe yo o tla jang dinkgwe tse di bedisitsweng ka ona o tshwanetse go nyelediwa mo phuthegong ya Iseraele, le fa e le moeng gongwe wa mo gae.

Mataio 16:6

Jesu a ba raya a re: “Tlhokomelang, lo bo lo itise mo matlhabegong a Bafarisai le a Basadukai!”

1 Bakorinta 5:8

Ka moo, a re direng moletlo ka go sa bedisiwang ga bophepa le boammaaruri, e seng ka matlhabego a bogologolo, le fa e le matlhabego a bosula le bolotsana.

Deuteronome 16:4

Malatsi a supa go se ka ga bonwa matlhabego mo go wena mo nageng yotlhe ya gago; le gona go se ka ga lala sepe sa nama e o e tlhabileng maitsiboa a letsatsi la ntlha go ya mo mosong.

Yehoshue 5:11

Go tloga ka letsatsi le le latelang la Tlolaganyo ba ja tse di robilweng mo lefatsheng le, e bong dinkgwe tse di sa bedisiwang le dipabe tsa mabele, e le ka lone letsatsi leo.