Ekesodo 13:3 - Setswana 1970

³ Mme Moše a raya morafe a re: “Gakologelwang letsatsi le lo duleng mo Egepeto mo ntlong ya botlhanka ka lone. Gonne Morena o lo ntshitse mono ka letsogo le le tiileng. Ka moo a go se ka ga jewa tse di bedisitsweng.

Bibela ea Boitsépho 1890 (Sechuana Tlhaping - Moffatt Bible)

³ ¶ Mi Moshe a raea bathu, Gakologeloañ tsatsi yenu, ye lo loa coa Egepeto, le mo tluñ ea botlañka ka yeona; gone Yehova o la a lo entsa monu ka atla se se thata; ki gona a se se berisicoeñ se si yeoe.

BAEBELE e e Boitshepo

³ Moše a raya batho a re: “Gakologelwang letsatsi leno le lo duleng ka lone mo Egepeto, mo ntlong ya botlhanka; gonne Jehofa o lo ntshitse mo felong fa, ka thata ya letsogo; a go se jewe senkgwe se se bedisitsweng.

Ekesodo 13:3 Iomraidhean Croise

Genese 15:16

Ba tla boela kwano e le ba losika lwa bone. Gonne kajeno molato wa Baamori ga o ise o tlale.”

1 Likhosi 8:42

gonne ba tla utlwela leina le legolo la gago le seatla se se thata sa gago le letsogo le le otlologileng la gago. Fa a tla a rapela a lebile Ntlo e,

1 Litihalo 16:12

Gopolang dikgakgamatso tsa gagwe tse o di dirileng ditshupo tsa metlholo tsa gagwe le dikatlholo tsa molomo wa gagwe,

Nehemie 1:10

“Kana bone ke batlhanka ba gago le morafe wa gago ba o ba golotseng ka thata e kgolo le ka letsogo le le tiileng la gago.

Nehemie 9:10

Wa dira ditshupo le dikgakgamatso mo go Farao le mo batlhankeng botlhe ba gagwe le mo morafeng otlhe wa lefatshe la gagwe; gonne o ne o itse fa ba ba bogisa ka boikgogomoso; wa itirela leina le le tumileng jaaka le ntse kajeno.

Lipesalema 105:5

Gopolang dikgakgamatso tsa gagwe tse a di dirileng, le ditshupo tsa gagwe le dikatlholo tsa molomo wa gagwe,

Lipesalema 114:1

E rile Iseraele a huduga kwa Egepeto, le ba lapa la ga Jakobe mo morafeng wa puo e sele,

Lipesalema 136:11

A ntsha Iseraele mo gare ga bona; gonne bopelotlhomogi jwa gagwe ke jo bo sa khutleng;

Lipesalema 136:12

ka seatla se se thata le ka letsogo le le otlologileng; gonne bopelotlhomogi jwa gagwe ke jo bo sa khutleng.

Lipesalema 89:14

O na le letsogo la bonatla, seatla sa gago se thata, letsogo le le jang la gago le tsholetsegile.

Ekesodo 12:15

“Lo je dinkgwe tse di sa bedisiwang malatsi a supa. Lo tlose letlhabego mo matlong a lona ka letsatsi la ntlha. Gonne mongwe le mongwe yo o jang dinkgwe tse di bedisitsweng go tloga letsatsing la ntlha go ya tsatsing la bosupa o tshwanetse go nyelediwa mo go Iseraele.

Ekesodo 12:17

“Tshegetsang moletlo wa dinkgwe tse di sa bedisiwang; gonne ka lone letsatsi leo ke ntshitse mephato ya lona mo lefatsheng la Egepeto. Letsatsi leo lo le tshegetse mo ditsong tsotlhe tsa lona, e nne molao o o sa khutleng.

Ekesodo 12:19

A go se ka ga fitlhelwa letlhabego mo matlong a lona ka malatsi a supang. Gonne mongwe le mongwe yo o tla jang dinkgwe tse di bedisitsweng ka ona o tshwanetse go nyelediwa mo phuthegong ya Iseraele, le fa e le moeng gongwe wa mo gae.

Ekesodo 12:2

“A kgwedi eno e nne tshimologo ya dikgwedi mo go lona; a e nne ya ntlha ya dikgwedi tsa ngwaga mo go lona.

Ekesodo 12:41

Ya re dinyaga tseo tse di 430 di sena go feta, mephato yotlhe ya Morena ya tswa mo lefatsheng la Egepeto ka lone letsatsi leo.

Ekesodo 12:42

E ne e le bosigo jwa go letela Morena gore a ba ntshe mo lefatsheng la Egepeto. Ke jona bosigo jwa Morena jo e leng jwa moletlo wa Baiseraele botlhe go ya ditshikatshikeng tsotlhe tsa bone.

Ekesodo 12:8

Nama ya yona a ba e je bosigo joo e besitswe mo molelong; ba e je le dinkgwe tse di sa bedisiwang le merogo e e galakang.

Ekesodo 13:14

Jaanong e re fa bomorwaa-lona ba lo botsa ka moso ba re: ‘Ke go reng?’ lo ba ree lo re: ‘Morena o re ntshitse ka letsogo le le tiileng mo Egepeto mo ntlong ya botlhanka.

Ekesodo 13:9

A moletlo o e nne sesupo sa lona mo diatleng tsa lona, le segopotso fa gare ga matlho a lona gore molao wa Morena o nne mo melomong ya lona; gonne Morena o lo ntshitse mo Egepeto ka letsogo le le thata.

Ekesodo 20:2

“Ke nna Morena Modimo wa gago yo ke go ntshitseng mo lefatsheng la Egepeto mo ntlong ya botlhanka.

Ekesodo 20:8

“Gakologelwa letsatsi la Sabata, o le itshepise.

Ekesodo 23:15

Dirang moletlo wa dinkgwe tse di sa bedisiwang, lo je dinkgwe tse di sa bedisiwang malatsi a supa ka sebaka sa kgwedi ya Abibi jaaka ke lo laetse; gonne lo hudugile kwa Egepeto ka yona. Mme lo se ka lwa bonala fa pele ga me lo iphotlhere fela.

Ekesodo 3:20

Mme ke tla otlolola letsogo, ke itaya Egepeto ka dikgakgamatso tsa me tsa mefutafuta tse ke tla di dirang teng. Morago ga moo kgosi e tla lo rebola.

Ekesodo 34:18

“Tshegetsang moletlo wa dinkgwe tse di sa bedisiwang, lo je dinkgwe tse di sa bedisiwang malatsi a supa ka sebaka sa kgwedi ya Abibi jaaka ke lo laetse. Gonne lo hudugile kwa Egepeto ka kgwedi ya Abibi.

Ekesodo 6:1

Mme Morena a raya Moše a re: “Jaanong o tla bona se ke tla se direlang Farao. Gonne o tla ba naya tsela, a pateleditswe ke letsogo le le thata. Ee, o tla ba leleka mo lefatsheng la gagwe, a pateleditswe ke letsogo le le thata.”

Ekesodo 6:6

Ka moo, raya Baiseraele o re: ‘Ke nna Morena, ke tla lo ntsha mono, ke lo rola morwalo wa go direla Baegepeto, ke lo golola mo botlhankeng jwa lona, ke lo pholosa ka letsogo le le otlologileng le ka dipetso tse dikgolo.

Ekesodo 6:7

Ke tla lo tshola gore lo nne morafe wa me; ke tla nna Modimo wa lona, mme lo tla itse gore ke nna Morena Modimo wa lona yo o lo ntshang mono, a lo rola morwalo wa go direla Baegepeto.

Ekesodo 7:4

Farao ga a ka ke a lo utlwa, mme ke tla baya seatla sa me mo Egepeto, ke hudusa mephato ya me, e bong morafe wa me wa Baiseraele, mo lefatsheng la Egepeto ka dipetso tse dikgolo.

Yeremie 34:13

“Morena, Modimo wa Iseraele, o bua jaana a re: Ke dirile kgolagano le borraeno ka nosi ka letsatsi le ke ba ntshitseng kwa lefatsheng la Egepeto mo ntlong ya botlhanka ka lone ka re:

Daniele 9:15

“Jaanong Morena, Modimo wa rona, yo ò ntshitseng morafe wa gago mo lefatsheng la Egepeto ka letsogo le le thata, wa itirela leina le le tumileng jaaka le ntse kajeno – re leofile, ra ikepa –

Mataio 10:12

E re lo tsena mo ntlong, lo dumedise!

Luke 22:19

A ba a tsaya senkgwe, a leboga, a se nathoganya, a se ba naya a re: “Se ke mmele wa me o o neelwang lona; dirang jalo gore e nne go nkgopola.”

1 Bakorinta 11:24

a se lebogela, a se nathoganya a re: “Tsayang lo je! Se ke mmele wa me o o neelwang losong boemong jwa lona. Dirang jalo go nkgopola!”

1 Bakorinta 5:8

Ka moo, a re direng moletlo ka go sa bedisiwang ga bophepa le boammaaruri, e seng ka matlhabego a bogologolo, le fa e le matlhabego a bosula le bolotsana.

Baefeso 1:19

le gore bogolo jo bogolo jwa thata ya ona ke e e ntseng jang ntlheng ya rona ba re dumelang ka fa tirong ya bonatla jwa nonofo ya ona

Deuteronome 13:10

Lo mo kgobotletse ka majwe gore a swe; ka gonne o batlile go lo faposa mo Moreneng, Modimo wa lona, yo o lo ntshitseng kwa lefatsheng la Egepeto, mo ntlong ya botlhanka.

Deuteronome 13:11

A Baiseraele botlhe ba utlwe, ba boife gore ba se tlhole ba dira bosula jo bo ntseng jalo mo gare ga lona.

Deuteronome 13:5

Mme moporofeti yoo gongwe molori wa toro yoo o tshwanetse go bolawa; gonne o buile tsa go ikepa mo Moreneng, Modimo wa lona, yo o lo ntshitseng kwa lefatsheng la Egepeto, a lo golola mo ntlong ya botlhanka. Gonne moporofeti yoo o lo faposa mo tseleng e Morena, Modimo wa lona, o e lo laetseng gore lo sepele mo go yona. Lo tlose bosula jalo mo gare ga lona.

Deuteronome 13:6

“Fa morwa-rraago gongwe morwa-mmaago gongwe morwao gongwe morwadio gongwe mosadi yo ò mo ratang gongwe mongwe-ka-wena yo ò mo ratang jaaka o ithata, a go raela sephiring a re: ‘A re ye, re direle medimo e sele’ – e o sa e itseng le e seng borraeno,

Deuteronome 15:15

Gopola gore le wena o kile wa bo o le lekgoba kwa lefatsheng la Egepeto, mme Morena, Modimo wa gago, a go golola. Ke ka moo ke go laelang seo se kajeno.

Deuteronome 16:1

“Tlhokomela kgwedi ya Abibi, o direle Morena, Modimo wa gago, Tlolaganyo; gonne Morena, Modimo wa gago, o go ntshitse kwa Egepeto bosigo ka kgwedi ya Abibi.

Deuteronome 16:12

O gopole gore o ne o le motlhanka kwa Egepeto, o be o tlhokomele, o dire ka fa melaong eo.

Deuteronome 16:3

O se ka wa ja tse di bedisitsweng ka ona moletlo; o je dinkgwe tse di sa bedisiwang, e bong dinkgwe tsa pogisego ka malatsi a supa a ona – gonne o hudugile kwa lefatsheng la Egepeto ka potlako – ke moletlo wa go re o gopole letsatsi le o duleng kwa lefatsheng la Egepeto ka lone ka malatsi otlhe a botshelo jwa gago.

Deuteronome 24:18

Mme o gopole fa o ne o le motlhanka kwa Egepeto, mme Morena, Modimo wa gago, a go golola, a go hudutsha teng; ke ka moo ke go laelang go dira jalo.

Deuteronome 24:22

O gopole fa o ne o le motlhanka kwa lefatsheng la Egepeto; ke ka moo ke go laelang go dira jalo.

Deuteronome 26:8

Morena a ba a re hudusa kwa Egepeto ka seatla se se thata le ka letsogo le le otlologileng le ka theregiso e kgolo le ka ditshupo le dikgakgamatso,

Deuteronome 4:34

Kampo a go na le modimo mongwe o o kileng wa tla go itseela setšhaba mo gare ga setšhaba se sengwe ka diteko le ka ditshupo le ka dikgakgamatso le ka ntwa le ka seatla se se tiileng le ka letsogo le le otlologileng le ka ditheregiso tse dikgolo fela jaaka Morena, Modimo wa lona, a lo diretse kwa Egepeto mo matlhong a lona?

Deuteronome 5:15

O nne o gakologelwe gore o ne o le motlhanka kwa lefatsheng la Egepeto, mme Morena, Modimo wa gago, a go ntsha teng ka seatla se se tiileng le ka letsogo le le otlologileng. Ke ka moo Morena, Modimo wa gago, a go laetseng gore o ilele letsatsi la Sabata.

Deuteronome 5:6

“ ‘Ke nna Morena, Modimo wa gago, yo ke go ntshitseng kwa lefatsheng la Egepeto mo ntlong ya botlhanka.

Deuteronome 6:12

foo o itise gore o se lebale Morena yo o go ntshitseng kwa lefatsheng la Egepeto mo ntlong ya botlhanka,

Deuteronome 6:21

o mo raya o re: ‘Re ne re le batlhanka ba ga Farao kwa Egepeto, mme Morena a re ntsha kwa Egepeto ka letsogo le le tiileng.

Deuteronome 7:8

mme Morena o ne a lo hudutsha ka letsogo le le tiileng, a lo golola mo ntlong ya botlhanka mo seatleng sa ga Farao kgosi ya Egepeto, ka Morena a lo ratile, a tlhokomela maikano a o neng a a ikanetse borraalona.

Deuteronome 8:14

pelo ya gago ya ikgogomosa, mme wa lebala Morena, Modimo wa gago, yo o go ntshitseng kwa lefatsheng la Egepeto mo ntlong ya botlhanka;

Deuteronome 9:12

“Morena a ba a nthaya a re: ‘Nanoga o fologe ka pele, gonne morafe wa gago o ò o ntshitseng kwa Egepeto o sentse. Ba akofile ba fapoga mo tseleng e ke e ba laetseng, ba itirela modimo o o bopilweng.’

Yehoshue 24:17

Gonne Morena ke Modimo wa rona; ke ona o o re ntshitseng le borraetsho kwa lefatsheng la Egepeto kwa ntlong ya botlhanka; ke ona o o dirileng ditshupo tse dikgolo tsele mo matlhong a rona; ke ona o o re bolokileng mo tseleng yotlhe e re e tsamaileng le mo merafeng yotlhe e re neng re e raletse.

Basiamisi 2:12

ba tlogela Morena, Modimo wa borraabo, yo o ba ntshitseng kwa lefatsheng la Egepeto, ba latela medimo e sele, e bong medimo ya merafe e e mo tikologong ya bone, ba e obamela, ba gakatsa Morena ka go dira jalo.

Basiamisi 6:8

Morena a roma monna wa moporofeti kwa Baiseraeleng; ene a ba raya a re: “Morena, Modimo wa Iseraele, o bua jaana a re: ‘Ke lo ntshitse kwa Egepeto, ka lo ntsha mo ntlong ya botlhanka,