Ekesodo 13:12 - Setswana 1970

¹² lo neele Morena sengwe le sengwe se mmaaso a itibolang ka sona. Ditsalwapele tsotlhe tsa diruiwa tse e leng tsa gago tse ditonanyana ke tsa Morena.

Bibela ea Boitsépho 1890 (Sechuana Tlhaping - Moffatt Bible)

¹² Mi lo lomololele Yehova oa burure moñue le moñue oa mosari, le maitibolo aotle a tse ri tserileñ tse lo nañ naco; tse ri tona ki tsa ga Yehova.

BAEBELE e e Boitshepo

¹² o lomololele Jehofa botlhe ba go itibolwang ka bone le ditsalwapele tsotlhe tse o nang natso tsa diruiwa; tse ditonanyana e nne tsa ga Jehofa.

Ekesodo 13:12 Iomraidhean Croise

Nehemie 10:36

le bomorwaa-rona ba ba tsetsweng pele le maitibolo a diruiwa tsa rona jaaka go kwadilwe mo molaong; mme maitibolo a dikgomo tsa rona le a difutshane tsa rona re tla a isa kwa Ntlong ya Modimo wa rona go nna a baperesiti ba ba direlang mo Ntlong ya Modimo wa rona.

Nehemie 10:37

“Le gona re tla tlisetsa baperesiti makgetho a rona le bupe jwa mabutswapele a garase le mabutswapele a maungo a ditlhare tsa mefutafuta le a matute a moweine le a lookwane, re a isa kwa matlwaneng a Ntlo ya Modimo wa rona; re tla neela Balefi karolo ya lesome ya thobo ya masimo a rona, bone Balefi ba ba phuthang karolo ya lesome mo metseng yotlhe ya rona ya balemi.

Ekesodo 13:1

Morena a ba a bua le Moše a re:

Ekesodo 13:2

“Ntlhaolele maitibolo otlhe; sengwe le sengwe se mmaaso a itibolang ka sona, ke sa me mo bathong le mo diruiweng.”

Ekesodo 22:28

“O se ka wa kgala Modimo; o se ka wa hutsa mmusi morafeng wa ga eno.

Ekesodo 22:29

“Se diege go ntsha kabelo ya thobo yotlhe le ya matute a segatelo sa gago; o nkabele morwao wa ntlha.

Ekesodo 34:19

“Sengwe le sengwe se mmaaso a itibolang ka sona ke sa me, e bong tse ditonanyana tsotlhe tsa maitibolo a diruiwa tsa lona a dikgomo le a difutshane.

Ekesodo 34:20

Mme leitibolo la esele lo le rekolole ka kwana; mme fa lo sa le rekolole, lo le robe molala. Lo rekolole maitibolo otlhe a bomorwaa-lona. A go se nne ope yo o bonalang fa pele ga me a iphotlhere fela.

Esekiele 16:20

“Le gona wa tsaya bomorwao le bomorwadio ba ò neng ò ba mpelegetse, wa ba tlhaba gore ba nne dijo tsa tsona. A boaka jwa gago bo ne bo ise bo lekane,

Esekiele 44:30

Tse di molemo tsa mabutswapele tsotlhe tsa mefutafuta le tsotlhe tse di kgethelwang Tempele tsa mefutafuta tsa makgetho otlhe a lona, e tla nna tsa baperesiti. Le bupe jwa ntlha jwa lona lo bo nee moperesiti gore tshegofatso e nne mo malapeng a lona.

Levitiko 27:26

Fela maitibolo a diruiwa, ka e le a Morena ka go tsalwa pele, a go se nne ope yo o a itshepisang, a e leng a kgomo gongwe a sefutshane; kana ona e ntse e le a Morena.

Lipalo 18:15

“Maitibolo a nama yotlhe a ba a tsisetsang Morena, a batho le a diruiwa e tla nna a gago. Fela o letlelele leitibolo la motho go rekololwa; o be o letlelele leitibolo la seruiwa se se sa itshekang go rekololwa.

Lipalo 3:12

“Bona, nna ka nosi ke tsere Balefi, ka ba ntsha mo Baiseraeleng mo boemong jwa maitibolo otlhe a a tsalwang pele ke Baiseraele gore Balefi e nne ba me.

Lipalo 3:13

Gonne maitibolo otlhe ke a me; ka letsatsi le ke bolaileng maitibolo otlhe kwa lefatsheng la Egepeto ka lone ke iitshepiseditse maitibolo otlhe mo Iseraeleng a batho le a diruiwa gore e nne a me, nna Morena.”

Lipalo 8:17

Gonne maitibolo otlhe mo Baiseraeleng ke a me a batho le a diruiwa; ke ne ka a iitshepisetsa ka letsatsi le ke bolaileng maitibolo otlhe a lefatshe la Egepeto ka lone.

Luke 2:23

fela jaaka go kwadilwe mo molaong wa Morena ga twe: “Mosimane mongwe le mongwe wa maitibolo o tla bidiwa moitshepi wa Morena.”

Deuteronome 15:19

“Maitibolo otlhe a a tsalwang mo dikgomong tsa gago gongwe mo difutshaneng tsa gago a tse ditonanyana o a itshepisetse Morena, Modimo wa gago; o se ka wa dira ka maitibolo a dikgomo tsa gago le e seng go beola maitibolo a difutshane tsa gago.