Ekesodo 11:8 - Setswana 1970

⁸ Foo batlhanka botlhe bao ba gago ba tla tla kwa go nna ka boikokobetso, ba nkhubamela ba re: ‘Huduga, wena le morafe otlhe o o go salang morago!’ Morago ga moo ke tla huduga.” Ke fa Moše a tswa, a tlogela Farao ka bogale jo bo tukang.

Bibela ea Boitsépho 1890 (Sechuana Tlhaping - Moffatt Bible)

⁸ Mi batlañka ba gago botle ba, ba tla hologela go ’na, ba ikobela go ’na, ba re, Coañ, uena le bathu botle ba ba gu salañ morago: mi ki tla coa morago ga mouo. Mi a coa go Faroe ka bogale yo bo tukañ.

BAEBELE e e Boitshepo

⁸ Mme batlhanka ba, ba gago ba tlaa tla kwa go nna ba nkhubamela, ba re: ‘Tswa, wena le batho botlhe ba ba go salang morago.’ Morago ga moo ke tlaa tswa.” Mme a tswa mo go Faro a le bogale thata.

Ekesodo 11:8 Iomraidhean Croise

1 Likhosi 20:10

Mme Benehatate a roma gape kwa go ene a re: “A medimo e ntirele jaana, e be e nkokeletse jaana, fa lerole la Samaria le ka lekana go tlala diatla tsa banna botlhe ba ba ntshetseng morago.”

2 Likhosi 3:9

Ga ya kgosi ya Iseraele le kgosi ya Juta le kgosi ya Etomo; mme ya re ba sena go potologa ka leeto la malatsi a supa, ga tlhokafala metsi a mephato le a diruiwa tse di e setseng morago.

Nehemie 5:6

Ya re ke utlwa selelo sa bone le mafoko ao, ka nna bogale thata.

Lipesalema 6:1

Pesalome ya ga Dafita e e kwaletsweng moopedisi; e opedisiwe ka kwadi ya dithapo, e na le kodu ya moporo.

Ekesodo 10:29

Moše a araba a re: “O buile, go siame! Ga nkitla ke tlhola ke bona sefatlhego sa gago.”

Yesaye 49:23

Mme dikgosi e tla nna batlamedi ba gago; bahumagadi ba tsona e tla nna baamusi ba gago. Ba tla go obamela ba inametse ka difatlhego fa fatshe, ba latswa lerole la dinao tsa gago. Foo o tla itse gore ke nna Morena! Le gore ba ba ntebelelang ga ba tlhajwe ke ditlhong.”

Yesaye 49:26

Ba ba go gatelelang ke tla ba jesa nama ya mebele ya bone; ba tla tagwa ke madi a bone jaaka ke weine a ntšhwa. Mme batho botlhe ba tla itse gore ke nna Morena, Mopholosi wa gago; le gore Mogolodi wa gago ke Senatla sa ga Jakobe.”

Esekiele 3:14

Mowa wa ntsholetsa, wa ntlosa; ka tsamaya ke kgopisegile mo moweng ka botlhoko, ke imelwa ke seatla sa Morena.

Daniele 3:19

Ke fa Nebukatenesare a tuka bogale, a bifela Šaterage le Mešage le Abetenego, a bua, a laola a re: “A go gotsiwe molelo mo ntlong o o fetang wa gale gasupa.”

Lipalo 12:3

Monna yoo, Moše, o ne a le pelonolo thata bogolo go batho botlhe ba ba mo lefatsheng.

Mareko 3:5

Jaanong a ba leba tikologong ka bogale, a tlhokofadiwa ke bothata jwa dipelo tsa bone, a raya motho yoo a re: “Otlolola letsogo!” A le otlolola; la ba la fola.

Deuteronome 29:24

ditšhaba tsotlhe di tla botsa di re: ‘Ke ka ntlha ya eng, fa Morena a diretse lefatshe leno jalo? Bogale jo bo tukang jo bogolo jo ke jwa go reng?’

Deuteronome 32:24

E re ba feletswe ka tlala, ba jegile ka go tuka bolelo le ka malwetse a a galakang, ke ba romele meno a dibata mmogo le botlhole jwa dinoga tse di gagabang mo leroleng.

Bahebera 11:27

Ke ka tumelo a tlogetseng Egepeto, a sa boife bogale jwa kgosi; gonne o ne a itshwarelela ka yo o sa bonweng jaaka e kete o a mmona.

Tshenolo 3:9

Reetsa, ke go naya bangwe ba phuthego ya ga Satane ba ba ipitsang Bajuta, etswe e se bona, mme ba a aka; bona, ke tla dira gore ba tle, ba obamele fa dinaong tsa gago, ba lemoge gore ke go ratile.

Basiamisi 4:10

Mme Barake a kua Basebulone le Banafetale go tla kwa Keteše, a ba a bolola a na le banna ba le 10 000; le Debora a bolola nae.

Basiamisi 8:5

mme a kopa banna ba Sukothe a re: “A lo ke lo fe banna ba ba ntshetseng morago dinkgwe, gonne ba lapile. Kana ke latelela Seba le Salemuna, dikgosi tsa Midiane.”