Ekesodo 10:6 - Setswana 1970

⁶ E tla tlala mo matlong a gago le mo matlong a batlhanka botlhe ba gago le mo matlong a Baegepeto botlhe; e le tsie e borraago le borraago-mogolo ba iseng ba ke ba e bone, fa e sale ba nna mo lefatsheng go fitlha letsatsing la kajeno.’ ” Ke fa a retologa, a tswa, a tlogela Farao.

Bibela ea Boitsépho 1890 (Sechuana Tlhaping - Moffatt Bible)

⁶ Mi e tla tlala matlu a gago, le matlu a batlañka ba gago botle, le matlu a Baegepeto botle; yaka go e si go ke go bonoe ki bo‐rago, le bo‐rabo bo‐rago, ka motla o ba le ba le mo hatsiñ ka ona le nakoñ enu. Mi a menoga mi a coa go Faroe.

BAEBELE e e Boitshepo

⁶ E tlaa tlala mo matlong a gago le mo matlong a batlhanka botlhe ba gago, le mo matlong a Baegepeto botlhe; jaaka go ise go ko go bonwe ke borraago le fa e le ke borraagomogolo, go simologa ka motlha o ba ne ba le mo lefatsheng ka one le go tla mo motlheng wa gompieno.’ ” Mme a retologa, a tswa mo go Faro.

Ekesodo 10:6 Iomraidhean Croise

Ekesodo 10:11

Legoka! A go tsamae lona banna fela, lo direle Morena; gonne ke sona se lo se eleditseng.” Mme ba lelekwa fa pele ga Farao.

Ekesodo 11:6

Foo go tla nna selelo se segolo mo lefatsheng lotlhe la Egepeto se se iseng se ke se nne teng ka gope se le kalo, le gona se se se kitlang se tlhola se nna teng ka motlha ope se le kalo.

Ekesodo 11:8

Foo batlhanka botlhe bao ba gago ba tla tla kwa go nna ka boikokobetso, ba nkhubamela ba re: ‘Huduga, wena le morafe otlhe o o go salang morago!’ Morago ga moo ke tla huduga.” Ke fa Moše a tswa, a tlogela Farao ka bogale jo bo tukang.

Ekesodo 8:21

Gonne fa o sa lese morafe wa me go tsamaya, ke tla romela diboba gore di go tlhasele le batlhanka ba gago le morafe wa gago le matlo a gago. Matlo a Baegepeto a tla tlala diboba le mmu o a emeng mo go ona.

Ekesodo 8:3

Noka e tla nyeula digwagwa, di tla tlhatloga, di tsena mo ntlong ya gago le mo ntlwaneng ya borobalo ya gago le mo bolaong jwa gago le mo matlong a batlhanka le a morafe wa gago le mo dipesetsong tsa gago le mo megopong ya gago ya bodubelo.

Ekesodo 9:18

Bona, kamoso go le kana ke tla nesa sefako se se boitshegang thata, se go iseng go ke go ne se se tshwanang naso mo Egepeto go tloga tshimologong ya Egepeto go fitlhelela kajeno.

Ekesodo 9:24

Sefako sa na, magadima a ntse a gadima mo gare ga sefako mo go boitshegang thata; e le sefako se se iseng se ke se ne se le kalo mo lefatsheng lotlhe la Egepeto, fa e sa le setšhaba se simolola go nna mo go lone.

Yoele 2:2

Ke letsatsi la lefifi, la bontsho, ke letsatsi la maru le mouwane; morafe o e tla jaaka mahube a a adilweng mo godimo ga dithaba, ke morafe o mogolo o o thata. Ga go ise go nne teng o o tshwanang le ona go tswa bogologolo. Le gona ga go kitla go nna le o o tshwanang le ona go fitlha dinyageng tsa ditshika tsotlhe.

Yoele 2:9

Ba wela motse, ba siana godimo ga lobota, ba palama matlo, ba tsena ka difenstere jaaka legodu.

Bahebera 11:27

Ke ka tumelo a tlogetseng Egepeto, a sa boife bogale jwa kgosi; gonne o ne a itshwarelela ka yo o sa bonweng jaaka e kete o a mmona.