Daniele 4:3 - Setswana 1970

³ “Ditshupo tsa ona di kana kang! Dikgakgamatso tsa ona di dikgolo jang! Bogosi jwa ona ke jo bo sa khutleng; puso ya ona ke ya ditshika tsotlhe.

Bibela ea Boitsépho 1890 (Sechuana Tlhaping - Moffatt Bible)

³ Licupo tsa ona li kholu yañ! mi likhakhamaco tsa ona li thata yañ! bogosi yoa ona ki bogosi yo bo sa khutleñ, mi pusho ea ona e mo tsikatsikeñ cotle.

BAEBELE e e Boitshepo

³ “Ana ditshupo tsa one di dikgolo jang! Dikgakgamatso tsa one di bonatla jang! Bogosi jwa one ke bogosi jo bo sa khutleng, puso ya one e ya mo tshikatshikeng.

Daniele 4:3 Iomraidhean Croise

Yobe 25:2

“Puso le theregiso ke tsa ona o o dirang kagiso mo mafelong a a kwa godimodimo a ona.

Lipesalema 104:24

Ditiro tsa gago, Morena, kana di methalethale jang! O dirile tsotlhe ka botlhale; lefatshe le tletse ditlhodiwa tsa gago.

Lipesalema 105:27

Bao ba dira ditshupo tsa gagwe mo go bona, le dikgakgamatso mo lefatsheng la ga Hame.

Lipesalema 145:13

Bogosi jwa gago ke bogosi jo bo se nang bokhutlo, puso ya gago e nna go ya tshikatshikeng.

Lipesalema 66:7

O busa ka gale ka thata ya ona; matlho a ona a lebile merafe; baganetsi ga ba na go o tsogela. Sela.

Lipesalema 72:18

A go bokwe Morena, Modimo, Modimo wa Iseraele, o e leng ona fela o o dirang dikgakgamatso.

Lipesalema 77:19

Tumo ya gago ya maru e utlwetse jaaka koloi e kgothosela; dikgadima tsa bonesa lefatshe; lefatshe la roroma, la kutuma.

Lipesalema 86:10

Gonne wena o mogolo, o dira dikgakgamatso; wena o Modimo o le wesi fela.

Lipesalema 92:5

Gonne wena Morena o intumedisitse ka go dira ga gago; ke duduetsa ditiro tsa diatla tsa gago.

Yesaye 25:1

Morena, o Modimo wa me! Ke tla go tumisa, ke baka leina la gago; gonne o dirafaditse dikgakgamatso, e leng maikaelelo a kgale a a ikanyegang a boammaaruri.

Yesaye 28:29

Tseo le tsona di tswa mo Moreneng wa masomosomo; gonne o na le maikaelelo a a gakgamatsang, le botlhale jo bogolo.

Yesaye 9:7

gore a godise puso, mme kagiso e se ka ya fela mo sedulong sa bogosi sa ga Dafita le mo bogosing jwa gagwe, gore a bo tlhomamise le go bo tshegetsa ka tshiamo le ka tshiamiso go tloga jaanong go ya bosakhutleng. Tlhoafalo ya Morena wa masomosomo e tla dirafatsa jalo.

Yeremie 10:10

Mme Morena ke Modimo wa boammaaruri; ke Modimo o o phelang, ke kgosi e e sa khutleng. Lefatshe le roroma ka ntlha ya bogale jwa gagwe. Ditšhaba di palelwa ke go itshokela kgalefo ya gagwe.

Daniele 2:2

Kgosi ya laela gore go bidiwe batlhalefi le baitseanape le dingaka le Bakalatea gore ba itsise kgosi ditoro tsa yona. Ba tla, ba ema fa pele ga kgosi.

Daniele 2:44

Mme e tla re ka malatsi a dikgosi tseo, Modimo wa legodimo o tlhome bogosi jo bo sa nyeleleng ka bosakhutleng. Bogosi joo ga bo nke bo amogwa ke morafe o mongwe. Bo tla pšhwetlakanya, bo fedisa magosi aotlhe ao, mme jona bo tla tlhomama ka bosakhutleng,

Daniele 4:17

Go laotswe jalo ka katlholo ya baengele; ke mafoko a baitshepi a a lopang jalo gore ba ba phelang ba tle ba itse, fa Mogodimodimo a na le thata mo bogosing jwa motho, a kgona go bo neela yo a ratang go bo mo neela; le go ka dira kgosi yo e leng motho fela.’

Daniele 7:14

A neelwa puso le kgalalelo le bogosi, a direlwa ke batho botlhe ba merafe le ditšhaba le dipuo. Puso ya gagwe ke puso e e sa khutleng e e sa nyeleleng; bogosi jwa gagwe ke jo bo sa fedisiweng ke ope.

Daniele 7:27

Mme bogosi le puso le borena jwa magosi a a fa tlase ga legodimo lotlhe di tla neelwa morafe wa baitshepi ba Mogodimodimo. Bogosi jwa gagwe ke bogosi jo bo sa khutleng. Dipuso tsotlhe di tla mo direla, di mo utlwa.’

Baroma 11:33

A boteng jwa khumo le jwa botlhale le jwa kitso ya Modimo! Dikatlholo tsa ona ga di na totolotso jang ne, le ditsela tsa ona ga di na tlhotlhomiso jang ne!

Deuteronome 4:34

Kampo a go na le modimo mongwe o o kileng wa tla go itseela setšhaba mo gare ga setšhaba se sengwe ka diteko le ka ditshupo le ka dikgakgamatso le ka ntwa le ka seatla se se tiileng le ka letsogo le le otlologileng le ka ditheregiso tse dikgolo fela jaaka Morena, Modimo wa lona, a lo diretse kwa Egepeto mo matlhong a lona?

1 Timoteo 1:17

Mme jaanong Kgosi ya masakhutleng, e bong Modimo o o sa nyeleleng, o o sa bonweng, o o botlhale o le osi, a tlotlo le kgalalelo e nne tsa ona ka bosakhutleng! Amen.

Bahebera 1:8

Mme o raya Morwa o a re: “Modimo, sedulo sa bogosi sa gago ke sa bosakhutleng; thobane ya bogosi jwa gago ke thobane ya tshiamo.

Bahebera 2:4

Modimo o ntse o supa mmogo le bone ka ditshupo le dikgakgamatso le dithata tse dintsi le dikabo tsa Mowa o o Boitshepo ka fa thatong ya ona.

1 Petero 4:11

Fa mongwe a bua, a e nne jaaka fa a bua mafoko a Modimo; fa mongwe a direla, a a direle ka thata e Modimo o e mo abelang, gore mo dilong tsotlhe go galalediwe Modimo ka Jesu Keresete, yo kgalalelo e leng ya gagwe le thata go ya bosakhutleng. Amen.

Tshenolo 11:15

Jaanong moengele wa bosupa a letsa; mme ga utlwala mantswe a magolo mo legodimong a re: “Puso ya lefatshe e diregile ya Morena wa rona le ya Motlodiwa wa gagwe; o tla busa ka bosakhutleng.”