Basiamisi 7:13 - Setswana 1970

¹³ Jaanong ya re Giteone a goroga, a fitlhela mongwe a bolelela yo mongwe toro a re: “Utlwa toro e ke e lorileng, ke bonye senkgwe se se besitsweng sa garase se kgokologela mo bothibelelong jwa Bamidiane, se fitlha kwa tenteng, se e itaya, ya wa, sa e pitikolola, ya kanama.”

Bibela ea Boitsépho 1890 (Sechuana Tlhaping - Moffatt Bible)

¹³ Mi ka Gideone a hitla, bonañ, gabo gole monona eo o bulelelañ moñ ka ena toro, mi a re, Bona, ki lorile toro, mi bona, señkhue sa barele sa ikhokolosetsa mo botlaoleloñ yoa Bamidiana, mi sa tla mo tenteñ, sa e khemetha sa e osa, sa e ribegetsa, mi ea namalala.

BAEBELE e e Boitshepo

¹³ E rile Giteone a fitlha, a fitlhela monna mongwe a kakanyetsa monkana wa gagwe toro, a re: “Ke lorile toro ke bona, papetlana ya senkgwe sa barele e kgokologela mo bothibelelong jwa Midiane, ya tla mo mogopeng, ya o itaya, wa wa, mme ya o pitikolola, mme mogope wa namalala fela fa fatshe.”

Basiamisi 7:13 Iomraidhean Croise

1 Bakorinta 1:27

Mme tse di kaiwang bosilo mo lefatsheng ke tsona tse Modimo o di itlhaoletseng gore o tlhabise matlhale ditlhong; le tse di kaiwang bokoa mo lefatsheng ke tse Modimo o di itlhaoletseng gore o tlhabise tse di thata ditlhong;

Basiamisi 3:15

Mme ya re Baiseraele ba lelela Moreneng a ba tsosetsa gape mopholosi, e bong Ehute, morwa Gera wa Mobenyamene, monna yo o molema. Baiseraele ba ne ba romela lekgetho kwa go Egelone kgosi ya Moabe ka ene.

Basiamisi 3:31

Morago ga gagwe ga bo go le Samegare morwa Anathe yo o neng a bolaya banna ba le 600 ba Bafelesita ka lešwane la dipholo. Le ene a golola Baiseraele jalo.

Basiamisi 4:21

Mme Jaele mosadi wa ga Hebere a tsaya lomapo lwa tente, a tshwara noto ka seatla, a tsena kwa go ene sephiring, a mo kokotela lomapo mo letlhwaneng, lwa ba lwa phololela, lwa tsena fa fatshe, ene a ntse a thulametse, a feletswe ke thata, mme a swa.

Basiamisi 4:9

Debora a mo raya a re: “Go siame, ke tla ya nao. Fela foo tlotlo ga e nna ya gago mo tseleng e o e tsamayang; gonne Morena o tla rekisa Sisera mo diatleng tsa mosadi.” Mme Debora a nanoga, a ya le Barake kwa Keteše.

Basiamisi 6:15

Ke fa Giteone a mmotsa a re: “Ao! Morena wa me, ke tla pholosa Baiseraele ka eng? Kana losika lwa me ke lo lobotlana mo go Bamanase; le gona ke yo mmotlana mo baneng ba ga rre.”

Basiamisi 7:12

Mme Bamidiane le Baamaleke le botlhe ba kwa botlhabatsatsi ba bo ba robetse mo lebaleng jaaka segopa sa tsie; dikammele tsa bone e le tse di se nang palo, di le kana ka motlhaba o o fa losing lwa lewatle.

Basiamisi 7:14

Mme mongwe-ka-ene a araba a re: “Selo se ga se sepe fa e se tšhaka ya ga Giteone morwa Joase, monna wa Moiseraele. Modimo o neetse Bamidiane le mephato yotlhe mo diatleng tsa gagwe.”

Basiamisi 8:10

Seba le Salemuna ba ne ba le kwa Karekore, ba na le mephato ya bone, e ka nna banna ba le 15 000; bone e le botlhe ba ba setseng ba mephato yotlhe ya ba kwa botlhabatsatsi. Gonne ba ba bolailweng e ne e le banna ba le 120 000 ba ba neng ba tshwere tšhaka.