Basiamisi 7:12 - Setswana 1970

¹² Mme Bamidiane le Baamaleke le botlhe ba kwa botlhabatsatsi ba bo ba robetse mo lebaleng jaaka segopa sa tsie; dikammele tsa bone e le tse di se nang palo, di le kana ka motlhaba o o fa losing lwa lewatle.

Bibela ea Boitsépho 1890 (Sechuana Tlhaping - Moffatt Bible)

¹² Mi Bamidiana le Baamaleka, le bathu ba Iseta botle ba totobetse mo mogorogoroñ yaka tsie ka bontsi; mi kamela tsa bona tsa bo li sina palo, yaka moshaua ha losiñ loa leoatle ka bontsi.

BAEBELE e e Boitshepo

¹² Bamidiane le Baamaleke le banna botlhe ba botlhabatsatsi ba bo ba robetse mo molapong, ba ntse jaaka tsie fela ka bontsi; le dikamela tsa bone tsa bo di se na palo, jaaka mošawa o o fa losing lwa lewatle ka bontsi.

Basiamisi 7:12 Iomraidhean Croise

1 Likhosi 20:27

Ya re Baiseraele ba sena go balwa le go fiwa mefago, ba ya go ba kgatlhantsha. Baiseraele ba thibelela fa pele ga bone, ba tshwana le matsomanenyana a mabedi a dipodi, mme Basiria ba saila mo nageng.

1 Likhosi 4:30

Botlhale jwa ga Salomo bo ne bo gaisa botlhale jwa batho botlhe ba kwa botlhabatsatsi le botlhale jotlhe jwa Egepeto.

Lipesalema 3:1

Pesalome ya ga Dafita ya sebaka sa fa a tshaba Abesalomo morwawe.

Lipesalema 33:16

Kgosi ga e fenye ka mophato o mogolo; mogale ga a pholosiwe ka thata e kgolo.

Yeremie 46:23

Ba rema sekgwa sa gagwe,” go bua Morena, “ee, sekhu se se sa tsenweng. Gonne ba feta tsie ka bontsi, ke ba ba se nang palo.

Yehoshue 11:4

Ke bao ba neng ba bolola, ba na le mephato yotlhe ya bone, e le batho ba le bantsintsi ba ba kana ka motlhaba o o fa losing lwa lewatle ka bontsi, ba na le dipitse le dikoloi tsa ntwa di le dintsi thata.

Basiamisi 6:3

E ne ya re fa Baiseraele ba sena go jwala, go tlhage Bamidiane le Baamaleke le ba kwa botlhabatsatsi, ba ba tlhasele,

Basiamisi 6:33

Jaanong Bamidiane botlhe le Baamaleke le ba kwa botlhabatsatsi ba phuthega mmogo, ba tshela noka, ba thibelela mo lebaleng la Iserele.

Basiamisi 6:5

Gonne ba ne ba tle ba tlhage ka diruiwa tsa bone le ka ditente tsa bone, ba tle jaaka segopa sa tsie, mo ba sa ka keng ba balwa le fa e le dikammele tsa bone; ba tle mo lefatsheng go le senya.

Basiamisi 7:13

Jaanong ya re Giteone a goroga, a fitlhela mongwe a bolelela yo mongwe toro a re: “Utlwa toro e ke e lorileng, ke bonye senkgwe se se besitsweng sa garase se kgokologela mo bothibelelong jwa Bamidiane, se fitlha kwa tenteng, se e itaya, ya wa, sa e pitikolola, ya kanama.”

Basiamisi 8:10

Seba le Salemuna ba ne ba le kwa Karekore, ba na le mephato ya bone, e ka nna banna ba le 15 000; bone e le botlhe ba ba setseng ba mephato yotlhe ya ba kwa botlhabatsatsi. Gonne ba ba bolailweng e ne e le banna ba le 120 000 ba ba neng ba tshwere tšhaka.

1 Samuele 13:5

Le Bafelesita ba phuthega go tlhabana le Baiseraele ba na le dikoloi tsa ntwa di le 3 000 le bapalami ba dipitse ba le 6 000, le banna ba ba kana ka motlhaba o o fa losing lwa lewatle. Ba bolola, ba thibelela kwa Migemase mo ntlheng ya botlhabatsatsi ya Bethawene.

1 Samuele 30:17

Jaanong Dafita a ba bolaya go simolola ka lotlatlana go ya mantsiboeng a kamoso, ga se ka ga falola ope wa bone, fa e se makau a le 400 a a neng a palama dikammele a tshaba.