Basiamisi 3:11 - Setswana 1970

¹¹ Mme lefatshe la nna mo kagisong dinyaga di le 40. Ke fa Otheniele morwa Kenase a swa.

Bibela ea Boitsépho 1890 (Sechuana Tlhaping - Moffatt Bible)

¹¹ Mi lehatsi ya na le iketlo ka nyaga li forte. Mi Oteniele moroa Kenase a shua.

BAEBELE e e Boitshepo

¹¹ Mme lefatshe la bona boikhutso ka dinyaga di le 40. Otheniele morwa Kenase a swa.

Basiamisi 3:11 Iomraidhean Croise

1 Litihalo 4:13

Bomorwa Kenase ke Otheniele le Seraya. Bomorwa Otheniele ke Hathathe le Meonothai.

Nehemie 9:28

Mme e ne ya re ba ikhutsa, ba boele go dira tse di bosula gape fa pele ga gago, mme o ba tlogele ba le mo diatleng tsa baba ba bone, mme ba ba gatelele; jaanong ba ne ba tle ba lelele kwa go wena gape, mme o ba utlwe o le kwa legodimong, o ba namolele gangwe le gape ka fa boutlwelong-botlhoko jwa gago.

Esetere 9:22

e le ona malatsi a Bajuta ba bonyeng boikhutso ka ona mo babeng ba bone, e le yona kgwedi fa bohutsana bo ba fetogela boitumelo le khutsafalo e ba fetogela letsatsi le le monate gore malatsi ao ba a dire malatsi a moletlo le a boitumelo, ba abelane dikabelo ka ona le go naya bahumanegi dineo.

Yehoshue 11:23

Jošua a thopa lefatshe lotlhe jalo fela jaaka Morena a laotse Moše. Jošua a le abela Baiseraele go nna boswa ka fa dikarolong tsa bone, ke go re ka fa ditsong tsa bone. Jaanong lefatshe la ikhutsa le se na ntwa.

Yehoshue 15:17

Ke fa Otheniele morwa Kenase, morwa-rraagwe Kalebe, a o thopa; mme Kalebe a mo neela morwadie Agesa go nna mosadi wa gagwe.

Basiamisi 3:10

Mowa wa Morena wa tsena mo go ene, a siamisa Baiseraele, a bolola go ya mo ntweng, mme Morena a neela Khušane-Rišathaime kgosi ya Mesopotamia mo diatleng tsa gagwe; letsogo la gagwe la fenya Khušane-Rišathaime.

Basiamisi 3:12

Fela Baiseraele ba boela gape go dira tse di bosula mo matlhong a Morena. Ke fa Morena a tiisa Egelone kgosi ya Moabe gore a ba bogise; ka gonne ba ne ba dira tse di bosula mo matlhong a Morena.

Basiamisi 3:30

Bamoabe ba ne ba kokobediwa jalo ka letsatsi leo fa tlase ga dinao tsa Baiseraele, mme lefatshe la nna mo kagisong dinyaga di le 80.

Basiamisi 3:9

Mme ya re Baiseraele ba lelela Moreneng, a ba tsosetsa mogolodi yo o neng a ba golola, e bong Otheniele, morwa Kenase, monnaa Kalebe.

Basiamisi 5:31

A baba botlhe ba gago, Morena, ba latlhege jalo! Mme ba ba go ratang ba tshwana le letsatsi, fa le tlhaba ka kgalalelo ya lone.” Jaanong lefatshe la nna mo kagisong dinyaga di le 40.

Basiamisi 8:28

Bamidiane ba ne ba kokobediwa jalo fa pele ga Baiseraele, ba se ka ba tlhola ba tsosa ditlhogo tsa bone. Lefatshe la nna mo kagisong dinyaga di le 40 ka malatsi a bophelo jwa ga Giteone.