Basiamisi 21:5 - Setswana 1970

⁵ Jaanong Baiseraele ba botsa ba re: “Ke mang mo ditsong tsotlhe tsa Iseraele yo o se kang a tla mo pitsong kwa Moreneng?” Gonne go ne go dirilwe maikano a magolo a gore, yo o sa tleng kwa Moreneng kwa Mitsepha, ruri o tla bolawa.

Bibela ea Boitsépho 1890 (Sechuana Tlhaping - Moffatt Bible)

⁵ Mi bana ba Yeserele ba re, E mañ mo licoñ tsa Bayeserela cotle eo o la a sa ka a tla mo phuthegoñ go Yehova? Gone gole ga rihala ikano e kholu kaga bona ba ba sa eeñ go Yehova kua Mitsepa, ea re, Ba tla bolaeloa rure.

BAEBELE e e Boitshepo

⁵ Mme bana ba Iseraele ba re: “Go na le mang mo ditsong tsotlhe tsa Iseraele yo o se kang a tla mo go Jehofa mo phuthegong?” Gonne ba ne ba dirile ikano e kgolo ka ga gagwe yo o se kang a tla mo go Jehofa kwa Misepa, ba re: “Rure o tlaa swa.”

Basiamisi 21:5 Iomraidhean Croise

Yeremie 48:10

Go hutsitswe yo o dirang tiro ya Morena ka botlapa. Go hutsitswe yo o thibelang tšhaka ya gagwe go tsholola madi.

Basiamisi 21:1

Banna ba Iseraele ba ne ba ikanne kwa Mitsepha ba re: “Go se ka ga nna ope mo go rona yo o nayang Mobenyamene morwadie go nna mosadi.”

Basiamisi 21:18

Rona re palelwa ke go ba naya basadi ba e leng bomorwadia-rona; gonne re le Baiseraele re ikanne ra re: ‘Go hutsitswe yo o nayang Mobenyamene morwadie go nna mosadi.’ ”

Basiamisi 21:6

Kana Baiseraele ba ne ba tlhomogela Babenyamene bomorwa-rraabo pelo ba re: “Kajeno go kgaotswe lotso longwe mo Iseraeleng.

Basiamisi 5:23

Hutsang motse wa Merose, go bua Moengele wa Morena; hutsang lo hutse baagi ba ona, ka ba se ka ba tla go thusa Morena, go thusa Morena mo gare ga bagale.

1 Samuele 11:7

A tsaya dikgomo di le pedi, a di tlhaba, a di kgabetlela, a romela dinama kwa nageng yotlhe ya Iseraele ka barongwi a re: “Yo o sa bololeng a sala Saule le Samuele morago, dikgomo tsa gagwe di tla dirwa jalo.” Ke fa poifo ya Morena e wela batho, mme ba bolola jaaka monna a le mongwe.

1 Samuele 14:24

Mme banna ba Iseraele ba lapile ka letsatsi leo, Saule a ikanisa banna a re: “Go hutsitswe monna yo o ka jang dijo pele ga mantsiboa, ke ise ke ipusolosetse mo babeng ba me.” Ka moo banna botlhe ba se ka ba ja dijo.