Basiamisi 2:13 - Setswana 1970

¹³ Mme e ne ya re fa ba tlogela Morena, ba direla Baale le boAšethorethe,

Bibela ea Boitsépho 1890 (Sechuana Tlhaping - Moffatt Bible)

¹³ Mi ba latla Yehova, ba rihela Baale le Ashetarote.

BAEBELE e e Boitshepo

¹³ Ba latlha Jehofa ba direla Baale le Ašetarothe.

Basiamisi 2:13 Iomraidhean Croise

1 Likhosi 11:33

Ke ka gonne o ntlogetse, a obamela Ašethorethe modimo wa sesadi wa Basitone le Kamose modimo wa Bamoabe le Milekome modimo wa Baamone, mme a se ka a sepela mo ditseleng tsa me ka go dira tse di siameng mo matlhong a me, e bong melao ya me le ditshiamelo tsa me jaaka Dafita rraagwe.

1 Likhosi 11:5

Salomo a sala Ašethorethe modimo wa sesadi wa Basitone morago, a ba a latela Milekome maila a Baamone.

2 Likhosi 23:13

Le gona kgosi ya itshekolola dithota tsa tlhabelo tse di neng di le ntlheng ya botlhabatsatsi ya Jerusalema, di le mo ntlheng ya borwa ya Thaba ya Tshenyego tse Salomo kgosi ya Iseraele o neng a di agetse Ašethorethe, modimo o o ilegang wa Basitone le Kamose o o ilegang wa Bamoabe le Milekome o o makgapha wa Baamone.

2 Litihalo 12:2

Mme ya re ka ngwaga wa botlhano wa puso ya gagwe Sisake kgosi ya Egepeto a bololela Jerusalema, ka ba ne ba diretse Morena ka boikanyologo.

2 Litihalo 28:3

A fisa maswalo ka esi mo mogorogorong wa Morwa-Hinome, a ba a fisa bomorwawe ka molelo jaaka e ne e le maila a a boitshegang a baheitane, ba Morena o neng a ba lelekile fa pele ga Baiseraele.

2 Litihalo 33:3

A boela a tsosa dithota tsa tlhabelo tse Hesekia rraagwe o neng a di digile, a agela boBaale dialetare, a dira medimako ya Ašera, a ba a obamela lesomo lotlhe la legodimo, a le direla.

2 Litihalo 7:22

Go tla arabiwa go twe: ‘E re ka ba tlogetse Morena, Modimo wa borraabo, o o ba ntshitseng kwa lefatsheng la Egepeto, ba ineela mo medimong e sele, ba e obamela, ba e direla, ke ka moo o ba dirafaleditseng tatlhego yotlhe e.’ ”

Lipesalema 106:36

Ba direla medimo ya bona ya diseto e e tlogileng ya nna serai mo go bona.

Yeremie 16:11

foo o ba arabe o re: ‘Ke ka gore borraeno ba ntlogetse, go bua Morena, ba sala medimo e sele morago, ba e direla, ba e obamela, mme nna, ba ntlogela, ba se ka ba tshegetsa molao wa me.

Yeremie 2:20

“Gonne ga o bolo go roba joko ya gago le go kgaola dikgole tsa gago wa re: ‘Ga ke rate go go direla.’ Gonne o ntse o ithobatsa fatshe o le seaka mo dithabaneng tsotlhe tse di godimo le fa tlase ga setlhare sengwe le sengwe se setala.

Lipalo 25:3

Jaanong ya re Baiseraele ba ineela Baale-Pheore jalo, Morena a ba tukela bogale.

1 Bakorinta 8:5

Gonne le fa go ka ne go le teng tse go tweng ke medimo, le fa e le kwa legodimong gongwe mo lefatsheng – jaaka go na le medimo e le mentsi le barena ba le bantsi –

Basiamisi 10:6

Mme Baiseraele ba fela ba dira tse di bosula mo matlhong a Morena, ba direla boBaale le boAšethorethe le medimo ya Siria le ya Sitone le ya Moabe le ya Baamone le ya Bafelesita; ba tlogela Morena, ba se ka ba mo direla.

Basiamisi 2:11

Ke fa Baiseraele ba dira tse di bosula mo matlhong a Morena, ba direla boBaale,

Basiamisi 3:7

Jaanong Baiseraele ba nna ba dira tse di bosula mo matlhong a Morena, ba lebala Morena, Modimo wa bone, ba direla boBaale le boAšera.

1 Samuele 12:10

Ke fa ba goela Moreneng ba re: ‘Re leofile, gonne re go tlogetse, Morena, ra direla boBaale le boAšethorethe. Mme jaanong re golole mo diatleng tsa baba ba rona, foo re tla go direla.’

1 Samuele 31:10

Dibolai tsa gagwe ba di baya mo tempeleng ya boAšethorethe; setoto sa gagwe ba se kokotela mo loboteng lwa Betšheane.

1 Samuele 7:3

Mme Samuele a raya Baiseraele botlhe a re: “Fa lo rata go boela kwa Moreneng ka pelo yotlhe, tlosang medimo e sele e e mo gare ga lona le boAšethorethe, lo ineele Morena ka dipelo tsa lona, lo mo direle a le esi; foo o tla lo pholosa mo diatleng tsa Bafelesita.”