Basiamisi 2:12 - Setswana 1970

¹² ba tlogela Morena, Modimo wa borraabo, yo o ba ntshitseng kwa lefatsheng la Egepeto, ba latela medimo e sele, e bong medimo ya merafe e e mo tikologong ya bone, ba e obamela, ba gakatsa Morena ka go dira jalo.

Bibela ea Boitsépho 1890 (Sechuana Tlhaping - Moffatt Bible)

¹² Mi ba latla Yehova Morimo oa bo‐rabo, eo o ba entsitseñ mo hatsiñ ya Egepeto, ba latela merimo e sele, ea merimo ea bathu ba ba leñ tikologoñ ea bona, ba e ikobela, ba gakatsa Yehova.

BAEBELE e e Boitshepo

¹² Ba latlha Jehofa Modimo wa borraabo, yo o ba ntshitseng mo lefatsheng la Egepeto, ba latela medimo e sele, ya medimo ya ditšhaba tse di mo tikologong ya bone, ba e ikobela; mme ba gakatsa Jehofa.

Basiamisi 2:12 Iomraidhean Croise

Lipesalema 106:36

Ba direla medimo ya bona ya diseto e e tlogileng ya nna serai mo go bona.

Lipesalema 78:58

Ba o kgopisa ka dithota tsa tlhabelo tsa bona, ba tsosa lefufa la ona ka medimo ya diseto ya bona.

Ekesodo 13:14

Jaanong e re fa bomorwaa-lona ba lo botsa ka moso ba re: ‘Ke go reng?’ lo ba ree lo re: ‘Morena o re ntshitse ka letsogo le le tiileng mo Egepeto mo ntlong ya botlhanka.

Ekesodo 13:16

A mokgwa o e nne sesupo mo diatleng tsa lona le letshwao fa gare ga matlho a lona. Gonne Morena o re ntshitse mo Egepeto ka letsogo le le thata.’ ”

Ekesodo 13:3

Mme Moše a raya morafe a re: “Gakologelwang letsatsi le lo duleng mo Egepeto mo ntlong ya botlhanka ka lone. Gonne Morena o lo ntshitse mono ka letsogo le le tiileng. Ka moo a go se ka ga jewa tse di bedisitsweng.

Ekesodo 13:9

A moletlo o e nne sesupo sa lona mo diatleng tsa lona, le segopotso fa gare ga matlho a lona gore molao wa Morena o nne mo melomong ya lona; gonne Morena o lo ntshitse mo Egepeto ka letsogo le le thata.

Ekesodo 20:5

O se ka wa e obamela le e seng go e direla. Gonne nna Morena, Modimo wa gago, ke Modimo o o lefufa, o ke beletsang bana tshiamololo ya borraabo go ya losikeng lwa boraro le lwa bone lwa bona ba ba ntlhoang.

Yeremie 16:11

foo o ba arabe o re: ‘Ke ka gore borraeno ba ntlogetse, go bua Morena, ba sala medimo e sele morago, ba e direla, ba e obamela, mme nna, ba ntlogela, ba se ka ba tshegetsa molao wa me.

Deuteronome 13:5

Mme moporofeti yoo gongwe molori wa toro yoo o tshwanetse go bolawa; gonne o buile tsa go ikepa mo Moreneng, Modimo wa lona, yo o lo ntshitseng kwa lefatsheng la Egepeto, a lo golola mo ntlong ya botlhanka. Gonne moporofeti yoo o lo faposa mo tseleng e Morena, Modimo wa lona, o e lo laetseng gore lo sepele mo go yona. Lo tlose bosula jalo mo gare ga lona.

Deuteronome 29:18

Jaanong a go se ka ga nna ope mo go lona yo pelo ya gagwe e hularelang Morena, Modimo wa rona, kajeno, e seng monna gongwe mosadi gongwe losika gongwe lotso go ya go direla medimo ya ditšhaba tseo, e se re gongwe ga nna modi mo go lona o o ungwang mogau le longana.

Deuteronome 29:25

Go tla twe: ‘Ke ka go re ba tlogetse kgalagano ya Morena, Modimo wa borraabo, e o dirileng nabo, jale fa a ba ntsha kwa lefatsheng la Egepeto;

Deuteronome 32:15

“Ješurune a nona, a ja mokaragana – wa nona, wa tswa mmele, wa akola – a tlhokomologa Modimo o o mo dirileng, a nyatsa lefika la pholoso ya gagwe.

Deuteronome 33:17

Poo ya gagwe ya leitibolo e na le borena, dinaka tsa gagwe ke dinaka tsa nare; o tla tlhaba merafe ka tsona, yotlhe mmogo go ya mafelelong a lefatshe. Ke ona masome a dikete a ga Eferaime, ke tsona dikete tsa ga Manase.”

Deuteronome 4:25

“Fa e ka re lo se na go tsala bana, le bana ba bana, lo se na go tlwaela mo lefatsheng lwa senya, lwa dira setshwantsho sa modimo, le fa e le sa sebopego sefe, lwa dira tse di bosula mo matlhong a Morena, Modimo wa lona, go mo gakatsa,

Deuteronome 5:9

“ ‘O se ka wa e obamela le e seng go e direla. Gonne nna Morena, Modimo wa gago, ke Modimo o o lefufa o ke beletsang bana tshiamololo ya borraabo le go ya losikeng lwa boraro le lwa bone mo go ba ba ntlhoileng.

Deuteronome 6:12

foo o itise gore o se lebale Morena yo o go ntshitseng kwa lefatsheng la Egepeto mo ntlong ya botlhanka,

Basiamisi 10:11

Mme Morena a raya Baiseraele a re: “A ga ke re, ke lo golotse mo go Baegepeto le mo go Baamori le mo go Baamone le mo go Bafelesita?

Basiamisi 5:8

E rile ba ineela medimo e mešwa, ga nna tlhabano mo dikgorong; thebe le lerumo tsa bo di sa bonale mo diketeng tse di 40 tsa Iseraele.

Basiamisi 8:33

Mme ya re fela Giteone a sena go swa, Baiseraele ba boela kwa morago, ba dira boaka ka go latela boBaale, ba ipeela Baale-wa-kgolagano go nna modimo wa bone.