Basiamisi 2:1 - Setswana 1970

¹ Moengele wa Morena o ne a bolola kwa Gilegala, a tla kwa Bogime a re: “Ke lo ntshitse kwa Egepeto, ka lo fitlhisa mo lefatsheng le ke neng ke ikanetse borraeno ka lone ka re: ‘Ga nkitla ke senya kgolagano ya me le lona ka bosakhutleng.’

Bibela ea Boitsépho 1890 (Sechuana Tlhaping - Moffatt Bible)

¹ MI moroñoi oa ga Yehova a coa Gilegala a ea Bokima, mi a re, Ki lo entsitse Egepeto ka lo tlisa kua hatsiñ ye ki le ka le ikanela bo‐rra enu; mi ka re, Ga ’nkitla ki khaogana le kholagano ea me le lona ka bosakhutleñ.

BAEBELE e e Boitshepo

¹ Moengele wa ga Jehofa a tswa kwa Gilegale a tla mo Bokime. A re: “Ke ne ka lo ntsha mo Egepeto, ke lo lerile mo lefatsheng le ke le ikanetseng borraeno; ke rile: ‘Ga nketla ke kgaogana le kgolagano ya me le lona ka gope;’

Basiamisi 2:1 Iomraidhean Croise

Genese 12:7

Ke fa Morena a iponatsa mo go Aborame a re: “Lefatshe le ke tla le naya ba losika lwa gago.” Jaanong Aborame a agela Morena yo o iponaditseng mo go ene aletare gona.

Genese 16:13

Ke fa Hagare a bitsa leina la Morena yo o buileng nae a re: “Ò Modimo o o mponang.” Gonne a re: “A le gona ke mo setse morago ka matlho fano yo o mponang?”

Genese 48:16

moengele yo o nkgolotseng mo masuleng otlhe, a a tshegofatse basimane ba! A leina la me le maina a borre, e bong Aborahame le Isaka, a tume ka bone; a ba ate, ba nne bantsi thata mo lefatsheng.”

Lipesalema 89:3

Gonne o rile: “Bopelontle bo tla tlhomama ka bosakhutleng; boikanyo jwa me ke bo thaile kwa legodimong.

Lipesalema 89:34

Le fa go ntse jalo bopelotlhomogi jwa me ga nkitla ke bo tlosa mo go ene, le e seng go mo senyetsa boikanyo jwa me.

Ekesodo 14:14

Morena o tla lo tlhabanela, mme lona lo didimale fela.”

Ekesodo 14:19

Ke fa moengele wa Modimo yo o etelelang mephato ya Baiseraele pele, a tloga a ya kwa morago ga bone; pinagare ya leru le yona ya tloga fa pele ga bone, ya ya ya ema fa morago ga bone.

Ekesodo 20:2

“Ke nna Morena Modimo wa gago yo ke go ntshitseng mo lefatsheng la Egepeto mo ntlong ya botlhanka.

Ekesodo 23:20

“Bona, ke roma moengele gore a lo etelele pele, a tle a lo boloke mo tseleng, a lo fitlhise kwa felong fa ke go baakantseng.

Ekesodo 33:14

Morena a botsa Moše a re: “A ke ye nao ka nosi, ke go ise kwa boikhutsong?”

Yesaye 63:9

mo ditlalelong tsotlhe tsa bone; a ba thusa, e seng morongwi le e seng moengele, nnyaya, ene ka esi a ba golola ka lorato lwa gagwe le ka thekegelo ya gagwe; a ba tsholetsa, a ba belega ka malatsi otlhe a bogologolo.

Yeremie 14:21

A ko ò se ka wa re nyatsa ka ntlha ya leina la gago! Se tlotlolole sedulo sa bogosi sa kgalalelo ya gago! Gopola kgolagano e ò e dirileng le rona; ò se ka wa e senya.

Levitiko 26:42

ke gopole kgolagano ya me le Jakobe; le gona ke gopole kgolagano ya me le Isaka le kgolagano ya me le Aborahame; le lefatshe ke tla le gopola.

Levitiko 26:44

Mme le fa ba le kwa lefatsheng la baba ba bone le foo ga ke ba latlhe, le gona ga ba ntene, mo nka ba fetsang le go senya kgolagano ya me nabo; gonne nna ke Morena, Modimo wa bone.

Sekarie 11:10

Ke fa ke tsaya thobane ya me ya “Bopelonomi”, ke e roba, e le go senya kgolagano ya me e ke e dirileng le merafe yotlhe.

Malakie 3:1

“Bonang, ke tla roma morongwi wa me gore a baakanye tsela fa pele ga me. Mme Morena yo lo mmatlang o tla tla kwa Tempeleng ya gagwe ka tshoganyetso, e bong moengele wa kgolagano yo o lo kgatlhang. Bonang, o e tla,” go bua Morena wa masomosomo.

Lipalo 14:34

Ka fa palong ya malatsi a soma mane a lo tswang go tlhola lefatshe ka ona, – lo tla rwala ditshiamololo tsa lona dinyaga di le 40 gore lo tle lo itse ka fa ke emelanang le lona ka teng.’

Deuteronome 1:8

Itseng gore ke lo neetse lefatshe leo. Tsenang lo thope lefatshe le Morena o le ikanetseng borraeno Aborahame le Isaka le Jakobe go le ba naya, e bong losika lwa bone sehularong sa bone.’

Deuteronome 4:34

Kampo a go na le modimo mongwe o o kileng wa tla go itseela setšhaba mo gare ga setšhaba se sengwe ka diteko le ka ditshupo le ka dikgakgamatso le ka ntwa le ka seatla se se tiileng le ka letsogo le le otlologileng le ka ditheregiso tse dikgolo fela jaaka Morena, Modimo wa lona, a lo diretse kwa Egepeto mo matlhong a lona?

Deuteronome 7:9

Lemoga he, fa Morena, Modimo wa gago, e le ona Modimo wa nnete, ona Modimo o o ikanyegang; ba ba o ratang, ba tlhokomela ditaolo tsa ona, o ba bolokela kgolagano le bopelotlhomogi go ya losikeng lwa sekete.

Yehoshue 3:10

Jošua a ba a re: “Se lo tla lemogang ka sona gore Modimo o o phelang o mo gare ga lona le gore ruri o tla leleka Bakanana le Bahethe le Bahewi le Baferesi le Bagiregasi le Baamori le Bajebusi fa pele ga lona,

Basiamisi 11:24

A ga ke re, wena o tshwanetse go tsaya naga e o e filweng ke Kamose, modimo wa gago? Le rona re tsaya naga jalo ya mongwe le mongwe yo o lelekilweng ke Morena, Modimo wa rona.

Basiamisi 13:2

Jaanong ga bo go le monna mongwe wa losika lwa ga Dane kwa Sorea, yo leina la gagwe e leng Manoa. Mosadi wa gagwe o ne a le moopa, a sa tshole bana.

Basiamisi 13:3

Mme moengele wa Morena a iponatsa mo mosading yoo, a mo raya a re: “Bona, o moopa, ga o belege bana. Mme o tla ithwala, o belega ngwana wa mosimane.

Basiamisi 2:5

ba taya felo foo leina la Bogime, ba direla Morena ditlhabelo teng.

Basiamisi 6:8

Morena a roma monna wa moporofeti kwa Baiseraeleng; ene a ba raya a re: “Morena, Modimo wa Iseraele, o bua jaana a re: ‘Ke lo ntshitse kwa Egepeto, ka lo ntsha mo ntlong ya botlhanka,