Basiamisi 19:9 - Setswana 1970

⁹ Jaanong monna yoo a nanoga a re o a tsamaya a na le nyatsi ya gagwe le motlhanka wa gagwe, mme mogwagwadiagwe rraagwe mosetsana, a mo raya a re: “A ko o bone, letsatsi le ngotlegile, le ya phirimong. A ko o lale, bona, letsatsi le ya go wela. Lala mono gore pelo ya gago e itumele. Lo tla tsoga lo phakela, lo wela tseleng ya lona lo ya kwa gae.”

Bibela ea Boitsépho 1890 (Sechuana Tlhaping - Moffatt Bible)

⁹ Mi erile monona a coga go ea, ena le mogariñuana oa gague, le lekau ya gague, mogue oa gague ra moroetsana, a mo raea, Bona, yana tsatsi le ñotlahaletse matsiboeeñ, a ko u tlole bosigo; bona, tsatsi ya repelela, u tlole bosigo monu, gore pelu ea gago e natehale; mi u phakelele tsela ea gago ka mosho, go ea kua gaeñ ya gago.

BAEBELE e e Boitshepo

⁹ E rile monna yoo a ema, a re o a tsamaya, ene le mogadingwana wa gagwe, le motlhanka wa gagwe, mogwagadie, e bong rraagwe mosetsana, a mo raya a re: “Bona, letsatsi le fetile, ke a lo rapela, lalang fa; bona letsatsi le a kotlomela, lala fa gore pelo ya gago e itumele; e re ka moso lo phakele lo bolole, gore o ye gaeno.”

Basiamisi 19:9 Iomraidhean Croise

2 Samuele 13:28

Mme Abesalomo o ne a laetse batlhanka ba gagwe a re: “Lo tle lo ele tlhoko, fa Amenone a sena go tlhapelwa, ke tla lo raya ke re: ‘Itayang Amenone!’ Foo lo mmolae! Lo se boife! Kana ke nna ke lo laetseng jalo. Tiang lo nne pelokgale.”

Liane 27:1

Se ipoke ka tsa letsatsi la kamoso; gonne ga o itse tse letsatsi le tla di tlisang.

Luke 24:29

ba mo emelela ba re: “Lala le rona; gonne go maitsiboa, letsatsi le setse le fetile.” Foo a tsena, a nna nabo.

Basiamisi 19:10

Mme monna a gana go lala gape; a nanoga a tsamaya a fitlha go lebagana le Jebusi, e bong Jerusalema, a na le diesele tse pedi tse di belesitsweng le nyatsi ya gagwe le motlhanka wa gagwe.

Basiamisi 19:6

Ba nna, ba a ja ba nwa mmogo ka bobedi jwa bone, mme rraagwe mosetsana a raya monna yoo a re: “A ko o dumelele go lala gape gore pelo ya gago e itumele.”

Basiamisi 19:8

Ka letsatsi la botlhano a phakela mo mosong a re o a tsamaya, mme rraagwe mosetsana a mo raya a re: “A ko o tiise pelo ya gago, lo iketle go ya tshokologong ya letsatsi.” Mme ba ja ka bobedi jwa bone.

Ruthe 3:7

E rile Boase a sena go ja le go nwa, mme pelo ya gagwe e itumetse, a ya a robala fa thoko ga mokoa wa garase; ke fa Ruthe a tla a ngwangwaela, a bipolela fa dinaong tsa gagwe, a robala.