Basiamisi 18:5 - Setswana 1970

⁵ Ba mo kopa ba re: “A ko o botse Modimo, re tle re itse gore a leeto la rona le re le tsamayang le tla nna le letlhogonolo?”

Bibela ea Boitsépho 1890 (Sechuana Tlhaping - Moffatt Bible)

⁵ Mi ba le raea, A ko u lope khakololo mo Morimoñ, gore re itse ha tsela e re eañ ka eona e tla tsegahala.

BAEBELE e e Boitshepo

⁵ Ba mo raya ba re: “Re a go rapela, a ko o lope kgakololo mo Modimong, gore re tle re itse gore a tsela e re e tsamayang e tlaa nna le letlhogonolo?”

Basiamisi 18:5 Iomraidhean Croise

1 Likhosi 22:5

Josafate a ba a raya kgosi ya Iseraele a re: “A ko o botse lefoko la Morena pele.”

2 Likhosi 16:15

Mme kgosi Ahase a mo laela, ene moperesiti Uria, a re: “Mo aletareng e kgolo e o tshube setlhabelo sa phiso sa mo mosong le tshupelo ya dijo ya maitsiboa le setlhabelo sa phiso sa kgosi le tshupelo ya dijo ya yona le setlhabelo sa phiso sa morafe otlhe wa lefatshe le tshupelo ya dijo le ya noo ya ona. Madi otlhe a setlhabelo sa phiso le madi otlhe a setlhabelo se sengwe o a kgatshe mo go yona. Ke tla bona se nka se dirang ka aletare ya kgotlho.”

Yesaye 30:1

Morena o buile a re: “A tatlhego wee ya ba ba matepe, ba ba logang maano, mme e se ka nna; ba tlhomamisa kgolagano, mme e se ka Mowa wa me, e le gore ba oketse boleo ka boleo;

Esekiele 21:21

Gonne kgosi ya Babele e eme kwa makgaoganong a ditsela, fa ditsela tse pedi di simologang teng go batla lesedi ka boitseanape. E kgotlokgotsa metsu, e botsa ditaola, e laola ka sebete sa setlhabelo.

Hoshee 4:12

Morafe wa me o botsa logong lwa ona; kotana ya ona e a ba itsise. Gonne mowa wa boaka o ba timeditse, ba dira boaka ka go tlogela Modimo wa bona.

Ditiro 8:10

Botlhe ba ne ba mo setse morago, ba bannye le ba bagolo, ba re: “Ke ene nonofo ya Modimo e e bidiwang ‘E kgolo’.”

Basiamisi 17:13

Ke fa Miga a re: “Jaanong ke a itse gore Morena o tla ntirela molemo; gonne ke na le moperesiti wa Molefi.”

Basiamisi 17:5

Miga, monna yoo o ne a na le tempelana ya medimo, a dira khiba ya boperesiti le medimo ya lelapa, a dira mongwe wa bomorwawe moperesiti, a nna moperesiti wa gagwe.

Basiamisi 18:14

Jaanong banna ba batlhano ba ba kileng ba ya go tlhola lefatshe la Laiše ba simolola go bua, ba raya ba ga bone ba re: “A lo a itse gore mo matlong a go na le khiba ya boperesiti le medimo ya lelapa le modimo wa seseto le o o bopilweng. Lo itse jaanong se lo tshwanetseng lwa se dira.”

Basiamisi 18:4

A ba araba a re: “Miga o ntiretse jaana le jaana, a nthapa gore ke nne moperesiti wa gagwe.”

Basiamisi 18:6

Moperesiti a ba araba a re: “Tsamayang ka kagiso! Leeto la lona le lo le tshwereng, le fa pele ga Morena.”

1 Samuele 9:9

E ne ya re bogologolo mo Iseraeleng fa motho a ya go botsa Modimo a bue jaana a re: “Tlaya a re ye kwa go Mmoni.” Gonne yo e leng Moporofeti kajeno, kgale o ne a bidiwa Mmoni.