Basiamisi 18:2 - Setswana 1970

² Jaanong Badane ba roma banna ba batlhano ba losika lwa bone, ba romilwe ke lotso lotlhe, e le banna ba ba pelokgale; ba tloga kwa Sorea le kwa Ešethaole go tlhola lefatshe le go le sekaseka. Ba ba laela ba re: “Yaang lo sekaseke lefatshe.” Bone bao ba fitlha kwa dithabeng tsa Eferaime kwa ntlong ya ga Miga, ba lala teng.

Bibela ea Boitsépho 1890 (Sechuana Tlhaping - Moffatt Bible)

² Mi bana ba Dane ba roma ga loco loa bona banona ba faeve ba bonatla, ba meleloane ea bona, ba Tsora, le ba Eshetaola, go tlola lehatsi, le go le tlotlomisa; mi ba ba raea, Eañ, tlotlomisañ lehatsi. Mi ba hitla kua thabeñ tsa Eferaima, le kua tluñ ea Mike, mi ba tlola bosigo gona.

BAEBELE e e Boitshepo

² Bana ba Dane ba roma banna ba le batlhano ba losika lwa bone, ba rongwa ke lotso lotlhe fela, e le banna ba ba pelokgale, ba tswa mo Sora, le mo Ešetaole, ba ya go tlhola lefatshe, le go le keleka; mme ba ba raya ba re: “Yang lo keleke lefatshe.” Ba fitlha mo lefatsheng la makgabana la Eferaime, mo ntlong ya ga Mika, ba lala teng.

Basiamisi 18:2 Iomraidhean Croise

Genese 42:9

Ke fa Josefa a gakologelwa ditoro tse a kileng a di lora ka ga bone a ba raya a re: “Lo batlhodi, lo tlile go bona fa lefatshe le sa femelwang teng.”

Liane 20:18

Maano a tla tlhomama ka kgakololano; dira ntwa ka tsamaiso ya botlhale.

Lipalo 13:17

Ya re Moše a ba roma go sekaseka lefatshe la Kanana, a ba laela a re: “Go tloga fano lo le tsene nageng ya borwa, lo be lo tlhatlogele kwa dithabeng,

Luke 14:31

“Gongwe, kgosi ke efe, e e ka reng e ya go bololela kgosi e nngwe ka ntwa, ya se ka ya nna fa fatshe, ya akanya gore a e nonofile ka dikete di le some go kgatlhantsha e e tlang go yona ka dikete di le masome a mabedi?

Yehoshue 15:33

Mo nageng e e kwa tlase go ne go le Ešethaole le Sorea le Ašena

Yehoshue 19:41

Kabelo ya naga ya bone e ne e na le metse ya Sorea le Ešethaole le Ire-Semese

Yehoshue 2:1

Jošua, morwa Nune, o na a romile banna ba le babedi ba batlhodi mo sephiring go tswa Sitime a re: “Yaang lo tlhole lefatshe le motse wa Jerigo.” Ba ya ba tsena mo ntlong ya mosadi wa seaka yo leina la gagwe e leng Rahabe, ba lala teng.

Yehoshue 2:2

Ke fa kgosi ya Jerigo e begelwa go twe: “Bona, banna ba letse ba tlile mono bosigo, ba tswa kwa Baiseraeleng go tlhola lefatshe le.”

Basiamisi 13:2

Jaanong ga bo go le monna mongwe wa losika lwa ga Dane kwa Sorea, yo leina la gagwe e leng Manoa. Mosadi wa gagwe o ne a le moopa, a sa tshole bana.

Basiamisi 13:25

Mowa wa Morena wa simolola go mo tlhotlheletsa a le mo bothibelelong jwa ga Dane fa gare ga Sorea le Ešethaole.

Basiamisi 16:31

Jaanong ga tla bomorwa-rraagwe le ba kgotla ya ga rraagwe botlhe, ba mo tsaya, ba mo tlosa, ba ya go mo fitlha fa gare ga Sorea le Ešethaole mo mabitleng a ga Manoa rraagwe. O ne a siamiseditse Iseraele dinyaga di le 20.

Basiamisi 17:1

Go ne go le monna kwa dithabeng tsa Eferaime yo leina la gagwe e leng Miga.

Basiamisi 18:11

Ke fa go huduga banna ba le 600 ba losika lwa Badane, ba tloga kwa Sorea le kwa Ešethaole, ba tlhometse dibolai tsa ntwa.

Basiamisi 18:13

Go tswa teng ba fetela kwa dithabeng tsa Eferaime, ba gorogela fa ntlong ya ga Miga.

Basiamisi 18:3

Ya re ba le mo lapeng la ga Miga, ba lemoga lentswe la lekau la Molefi, ba ya teng, ba mmotsa ba re: “Ke mang yo o go tlisitseng, kwano? O dira eng mono? O batlang mono?”

Basiamisi 18:8

Ya re ba fitlha gape kwa go ba ga bone kwa Sorea le Ešethaole, ba ga bone ba ba botsa ba re: “Go ntse jang?”

Basiamisi 19:1

E rile ka malatsi ale, fa go ise go nne kgosi mo Iseraeleng, monna wa Molefi a bo a jaka kwa mafelelong a dithaba tsa Eferaime, mme a tsere mosadi wa nyatsi wa kwa Betleheme wa Juta.

Basiamisi 19:18

A mo araba a re: “Re mo tseleng, re tswa kwa Betleheme wa Juta, re boela kwa ga rona kwa mafelelong a dithaba tsa Eferaime. Ke ne ke ile kwa Betleheme wa Juta; jaanong ke ya kwa Tempelaneng ya Morena, mme ga go na ope yo o ntsholelang mo ntlong.