Basiamisi 17:2 - Setswana 1970

² Ene a raya mmaagwe a re: “Mma, diselefera di le 1 100 tse di utswilweng mo go wena, bona, diselefera tseo di mo go nna. Ke nna ke di tsereng. Kana o hutsitse khutso ka ntlha ya tsona; le gona o e buile mo ditsebeng tsa me.” Ke fa mmaagwe a re: “A morwaake a tshegofadiwe ke Morena!”

Bibela ea Boitsépho 1890 (Sechuana Tlhaping - Moffatt Bible)

² Mi a raea mague, Liselevera li uan thousanda le li uan hundereda, tse ri tsa tseoa go uena, tse u lu ua roga kaga cona, tse u lu ua bua ga cona mo tsebeñ tsa me, bona, liselevera tse li go ’na: ka li tsaea. Mi mague a re, Moroaka, a u tsegaharioe ki Yehova.

BAEBELE e e Boitshepo

² A raya mmaagwe a re: “Diselefera tse di 1 100 tse o di thukhuthilweng, tse o buileng phutso ka ga tsone, wa ba wa e buela mo ditsebeng tsa me, bona, selefera seo se mo go nna; ke nna ke se tsereng.” Mmaagwe a re: “A morwaake a segofadiwe ke Jehofa.”

Basiamisi 17:2 Iomraidhean Croise

Genese 14:19

A mo tshegofatsa a re: “A Aborame a tshegofadiwe ke Modimo o o godimodimo, Motlhodi wa legodimo le lefatshe!

Nehemie 13:25

Ka ba omanya, ka ba hutsa, ka betsa banna bangwe ba bone, ka ba kumola meriri, ka ba ikanisa ka Modimo ka re: “Ga lo a tshwanela go neela bomorwaa-bone bomorwadia-lona le e seng go tseisa bomorwaa-lona le e seng go ipatlela basadi mo go bomorwadia-bone.

Lipesalema 10:3

Gonne moikepi o ikgantsha ka keletso ya gagwe; mmapadi wa tsietso o tshegofatsa ke go re o kgala Morena.

Ekesodo 20:7

“O se ka wa bolela leina la Morena, Modimo wa gago, mo go sa tshwanelang; gonne yo o bolelang leina la gagwe mo go sa tshwanelang, Morena ga a kitla a mo lesa a sa mo otle.

Liane 28:24

Yo o thukhuthang rraagwe gongwe mmaagwe, mme a re: “Ga se boleo!” ke ene molekane wa mosenyi.

Yeremie 48:10

Go hutsitswe yo o dirang tiro ya Morena ka botlapa. Go hutsitswe yo o thibelang tšhaka ya gagwe go tsholola madi.

Mataio 26:74

Ke fa a simolola go rogaka le go ikana a re: “Ga ke itse motho yoo.” Mme mokoko wa akofa wa lela.

Baroma 9:3

Kana ke ne ke eletsa gore e kete nka bo ke hutsitswe ka nosi le go kgaolwa mo go Keresete mo boemong jwa ba ga etsho, ba e leng ba losika lwa me ka fa nameng.

1 Bakorinta 16:22

Fa mongwe a sa rate Morena, a a hutsege! Marana tha!

Deuteronome 27:16

“ ‘Go hutsitswe yo o nyatsang rraagwe gongwe mmaagwe.’ Mme a morafe otlhe o re: ‘A go nne jalo!’

2 Yohane 1:11

Gonne yo o mo dumedisang o tlhakanela ditiro tse di bosula tsa gagwe nae.

Basiamisi 17:1

Go ne go le monna kwa dithabeng tsa Eferaime yo leina la gagwe e leng Miga.

Basiamisi 17:3

A busetsa mmaagwe diselefera di le 1 100 jalo, mme mmaagwe a re: “Diselefera tseo ke di tlhaoletse Morena, ke di ntsha ka ntlha ya ga morwaake go dira modimo wa seseto le o o bopilweng. Mme jaanong ke rata go di go busetsa.”

Basiamisi 5:23

Hutsang motse wa Merose, go bua Moengele wa Morena; hutsang lo hutse baagi ba ona, ka ba se ka ba tla go thusa Morena, go thusa Morena mo gare ga bagale.

Ruthe 3:10

Boase a re: “O tshegofadiwe ke Morena, morwadiaka. Lorato lo lwa gago lo gaisa lwa pele, ka o se ka wa latela makau, le fa e le a a humanegileng gongwe a a humileng.

1 Samuele 14:24

Mme banna ba Iseraele ba lapile ka letsatsi leo, Saule a ikanisa banna a re: “Go hutsitswe monna yo o ka jang dijo pele ga mantsiboa, ke ise ke ipusolosetse mo babeng ba me.” Ka moo banna botlhe ba se ka ba ja dijo.

1 Samuele 14:28

Mme mongwe wa banna a mo raya a re: “Rraago o ikanisitse banna maikano a a reng: ‘Go hutsitswe monna yo o jang dijo kajeno.’ Ke ka mo banna ba feletsweng ke thata.”

1 Samuele 15:13

Jaanong ya re Samuele a fitlha kwa go Saule, Saule a mo raya a re: “A Morena a go tshegofatse! Ke dirafaditse lefoko la Morena.”

1 Samuele 23:21

Ke fa Saule a re: “A Morena a lo tshegofatse, gonne lo ntlhomogetse pelo.

1 Samuele 26:19

Jaanong he, a kgosi morena wa me e ke e reetse mafoko a motlhanka wa yona: Fa Morena a go tlhotlheletsa gore o lwe le nna, a a utlwisiwe monko wa tshupelo! Mme fa e le batho, a ba hutsege fa pele ga Morena! Gonne ba nteleka kajeno, ba ntlhokisa legae mo nageng ya Morena ba re: ‘Yaa o direle medimo e sele.’