Basiamisi 16:5 - Setswana 1970

⁵ Dikgosana tsa Bafelesita tsa tla kwa go ene, tsa mo raya tsa re: “Mo tlakise gore o lemoge kwa thata e kgolo ya gagwe e tswang teng le ka fa re ka mo kgonang ka teng gore re tle re mo golege, re mo fenye. Foo mongwe le mongwe wa rona o tla go naya diselefera di le 1 100.”

Bibela ea Boitsépho 1890 (Sechuana Tlhaping - Moffatt Bible)

⁵ Mi khosana tsa Bafiliseta tsa tla go ena, tsa mo raea, Mo olobele, mi u bone nonoho e kholu ea gague e go eñ, le kaha re ka mo nonohelañ ka gona, go mo golega le go mo katisa: mi moñue le moñue oa rona o tla gu naea liselevera li uan thousanda le uan hundereda.

BAEBELE e e Boitshepo

⁵ Barena ba Bafilisitia ba ya kwa go ene mosadi, ba mo raya ba re: “Mo hepise o tle o bone kwa thata e kgolo ya gagwe e nnang gone, le ka fa re ka mo fenyang ka gone, gore re mo golege, re mo utlwise botlhoko; mongwe le mongwe wa rona o tlaa go naya dipapetlana tsa selefera di le 1 100.”

Basiamisi 16:5 Iomraidhean Croise

Genese 33:16

Foo Esau a wela tsela ka letsatsi leo, a boela kwa Seire.

Mike 7:3

Diatla tsa bone di maatlametlo go dira bosula. Se kgosana e se lopang moatlhodi o se bua ka ntlha ya tuelo. Fa motho yo mogolo a bolela se mowa wa gagwe o se eletsang, baatlhodi ba se dirafatsa ka go sokamisa mafoko.

Mataio 26:15

a re: “Lo tla mpha eng, fa nka mo lo tshwarisa?” Ba mo lekanyetsa diselefera di le 30.

Yehoshue 13:3

go tloga kwa nokeng ya Sigore e e fa thoko ga Egepeto go ya kwa nageng ya Ekerone kwa bokone e e balelwang Bakanana e bong naga ya dikgosi tse tlhano tsa Bafelesita ya Gasa le ya Ašetote le ya Ašekalone le ya Gathe le ya Ekerone, le dinaga tsa Baawi

Basiamisi 14:15

Ya re ka letsatsi la bone ba raya mosadi wa ga Simesone ba re: “Kgona monna wa gago gore a re lepololele nyepo eo, e se re gongwe ra go fisa le ntlo ya ga rraago. A lo re laleditse go tla go re humanegisa gongwe nnyaya?”

Basiamisi 16:4

Morago ga moo a rata mosadi mo molapong wa Soreke; leina la gagwe e ne e le Delila.

Basiamisi 16:6

Ke fa Delila a mo raya a re: “A ko o mpolele gore thata ya gago e kgolo ka eng? O ka golegwa ka eng go go fenya?”

Basiamisi 17:2

Ene a raya mmaagwe a re: “Mma, diselefera di le 1 100 tse di utswilweng mo go wena, bona, diselefera tseo di mo go nna. Ke nna ke di tsereng. Kana o hutsitse khutso ka ntlha ya tsona; le gona o e buile mo ditsebeng tsa me.” Ke fa mmaagwe a re: “A morwaake a tshegofadiwe ke Morena!”

Basiamisi 3:3

Ke dikgosi tse tlhano tsa Bafelesita le Bakanana le Basitone le Bahewi botlhe ba ba neng ba agile kwa dithabeng tsa Lebanone go tswa thabeng ya Baale-Heremone go ya go fitlha kwa Hamathe.

1 Samuele 29:6

Ke fa Agiše a bitsa Dafita, a mo raya a re: “Ka bophelo jwa Morena! Ruri, o tlhamaletse, le go bolola ga gago le go tsena ga gago le nna mo mophatong go siame mo matlhong a me. Gonne ga ka bona bosula bope mo go wena go tloga letsatsing le o tlileng go nna ka lone go fitlha letsatsing leno, mme ga o a siama mo matlhong a dikgosana.