Basiamisi 16:12 - Setswana 1970

¹² Delila a tsaya megala a mešwa, a mo golega ka yona. A ba a mo raya a re: “Simesone, Bafelesita ba a go wela!” Ba ntse ba mo laletse mo ntlwaneng. Mme a di kgaola jaaka ditlhale, a bofologa mabogo.

Bibela ea Boitsépho 1890 (Sechuana Tlhaping - Moffatt Bible)

¹² Ereha gona Delile o tsaeañ linti tse rinca, a mo golega ka cona, mi a mo raea, Samesona, Bafiliseta ba go uena. Mi balaleri ba le ba nntse mo tluñ ea kua teñ. Mi a li khaola mo mabogoñ a gague yaka tlale.

BAEBELE e e Boitshepo

¹² Jalo Delila a tsaya megala e meša e e logilweng, a mo golega ka yone, a mo raya a re: “Samesone, Bafilisitia ba a go wela.” Balaledi ba bo ba le mo ntlwaneng e e kwa teng. Mme a e kgaola mo mabogong a gagwe jaaka tlhale.

Basiamisi 16:12 Iomraidhean Croise

Ditiro 21:33

Foo molaodi-wa-sekete a atamela, a mo tshwara, a laola gore a golegwe ka dikeetane di le pedi; a ba a botsa gore ke mang, le gore o dirile eng.

Basiamisi 15:14

Ya re a fitlha kwa Legi, Bafelesita ba mo kgatlhantsha, ba ntse ba thela lešalaba. Mme Mowa wa Morena wa tsena mo go ene; dithapo tse di neng di le mo mabogong a gagwe tsa nna jaaka ditlhale tse di fisitsweng ke molelo; dikgole tse a golegilweng ka tsona tsa kumagana, a bofologa mabogo.

Basiamisi 16:11

A mo araba a re: “Fa ba ka mpofa ka megala e mešwa e go iseng go dirwe tiro epe ka yona, ke tla nna bokoa, ke tshwana le batho botlhe.”

Basiamisi 16:13

Ke fa Delila a raya Simesone a re: “Go fitlha jaanong o ntsieditse, o mpoleletse maaka. Mpolelele tlhe gore o ka golegwa ka eng?” A mo araba a re: “Fa o ka loga makaodi a supa a tlhogo ya me mmogo le ditlhale tse di logwang, wa a kokotela ka lomapo mo loboteng, foo ke tla nna bokoa, ke tshwana le batho botlhe.”