Basiamisi 16:10 - Setswana 1970

¹⁰ Ke fa Delila a raya Simesone a re: “Bona, o ntsieditse, o mpoleletse maaka! Jaanong a ko o ntshebele gore o ka golegwa ka eng?”

Bibela ea Boitsépho 1890 (Sechuana Tlhaping - Moffatt Bible)

¹⁰ Mi Delile a raea Samesone, Bona, u ’ncotlile, u buile le ’na ka maka: a ko u ’mpulelele yana se u ka golegoañ ka shona.

BAEBELE e e Boitshepo

¹⁰ Delila a raya Samesone a re: “Bona, o ntshotlile, o mpoleletse maaka; ke a go rapela, mpolelela se o ka golegwang ka sone.”

Basiamisi 16:10 Iomraidhean Croise

Nehemie 6:4

Ba boelela gane, ba roma motho kwa go nna ka mokgwa oo, ka nna ka ba fetola fela jalo.

Liane 24:28

Se pateletse mongwe-ka-wena ka bomo! A ò tshwanetse go timetsa batho ka molomo wa gago?

Esekiele 33:31

Jaanong ba phuthegela kwa go wena jaaka morafe, ba nna fatshe fa pele ga gago jaaka morafe wa me, ba utlwa mafoko a gago, mme ga ba a ke ba a dirafatsa; gonne ba bua maikano a lorato ka melomo ya bone, mme dipelo tsa bone di latetse kgwebo ya bone ya tshiamololo.

Luke 22:48

Ke fa Jesu a mo raya a re: “Jutase, a o tshwarisa Morwa-Motho ka katlo?”

Basiamisi 16:11

A mo araba a re: “Fa ba ka mpofa ka megala e mešwa e go iseng go dirwe tiro epe ka yona, ke tla nna bokoa, ke tshwana le batho botlhe.”

Basiamisi 16:13

Ke fa Delila a raya Simesone a re: “Go fitlha jaanong o ntsieditse, o mpoleletse maaka. Mpolelele tlhe gore o ka golegwa ka eng?” A mo araba a re: “Fa o ka loga makaodi a supa a tlhogo ya me mmogo le ditlhale tse di logwang, wa a kokotela ka lomapo mo loboteng, foo ke tla nna bokoa, ke tshwana le batho botlhe.”

Basiamisi 16:7

Simesone a mo raya a re: “Fa ba ka mpofa ka mesifa e supa e mešwa e e iseng e omelele, ke tla nna bokoa, ke tshwana le batho botlhe.”

Basiamisi 16:9

Jaanong ya re ba ntse ba mo laletse mo ntlwaneng, a mo raya a re: “Simesone, Bafelesita ba a go wela!” Ke fa a kgaola mesifa jaaka go kgaolwa megala ya lelodi, fa e utlwa molelo. Mme sephiri sa thata ya gagwe sa se ka sa itsiwe.