Bafilipi 3:8 - Setswana 1970

⁸ Ruri ke kaya dilo tsotlhe tshenyegelo ka ntlha ya kitso e kgolo ya go itse Keresete Jesu Morena wa me yo ke latlhileng dilo tsotlhe tseo ka ntlha ya gagwe; ke bile ke di kaya matlakala gore ke hume Keresete,

Lefoko: La Botshelo Kgolagano e Ntsha

⁸ Ee, sengwe le sengwe ga se na mosola fa se tshwantshanngwa le poelo e e senang theko ya go itse Morena wa me Jesu Keresete. Ke beetse tsotlhe fa thoko, ke di bona e se sepe, gore ke tle ke nne le Keresete,

Bibela ea Boitsépho 1890 (Sechuana Tlhaping - Moffatt Bible)

⁸ E, amarure, ki kaea lilo cotle tatlego ka ntla ea bonatla yoa kico ea ga Keresete Yesu Morena oa me, eo ki latlegecoeñ ki lilo cotle tse, ka ntla ea gague, mi li ki kaea yaka mabebe, gore ki thope Keresete,

BAEBELE e e Boitshepo

⁸ Ee, ruri, ke kaya dilo tsotlhe di ntatlhegetse ka ntlha ya molemo o mogolo wa go itse Keresete Jesu Morena wa me; yo ke latlhegetsweng ke dilo tsotlhe ka ntlha ya gagwe, mme ke di kaya malele fela, gore ke tle ke bone Keresete.

Bafilipi 3:8 Iomraidhean Croise

1 Likhosi 14:10

Bona, ke gona ka moo ke tla tlisetsang lelapa la ga Jerobeame tatlhego; ke tla nyeletsa botlhe ba batonanyana ba losika lwa ga Jerobeame mo Iseraele, ke sa rekegele ope. Ke tla olola ba lapa la ga Jerobeame jaaka go olelwa mantle go tsamaya ba be ba felela.

2 Likhosi 9:37

Mme setoto sa ga Isebele se tla nna mo nageng mo tshimong ya Iserele go nna letshotelo, mo ba tla palelwang ke go re: Isebele ke yo.’ ”

Yobe 20:7

o tla nyelelela ruri jaaka mantle a gagwe; ba ba kileng ba mmona ba tla re: ‘O fa kae?’

Lipesalema 126:6

Ba a tle ba ye ba gase peo ba ntse ba lela, mme ba boe ka tuduetso ba tshotse dingata tsa bona.

Lipesalema 73:25

Ke na le mang kwa legodimong, fa e se wena? Fa ke na nao, ga ke kgatlhwe ke sepe mo lefatsheng.

Yesaye 53:11

O tla bona tseo, a kgora ka ntlha ya tapisego ya mowa wa gagwe. “Motlhanka wa me yo o siameng o tla siamisa ba bantsi ka kitso ya go mo itse, mme melato ya bone ene o tla e rwala.

Malakie 2:3

“Bonang, ke tla lo ntsha mo tirong, ke mathela moswang mo difatlhegong tsa lona, e bong moswang wa meletlo ya lona, mme ba tla lo latlhela kwa go ona.

Lipalo 14:30

Ruri, ga lo kitla lo tsena mo lefatsheng le ke le tsholeleditseng letsogo la me, ka ikana go lo agisa mo go lone, fa e se Kalebe morwa Jefune le Jošua morwa Nune.

Luke 1:43

Seo se ntswela kae, fa mma Morena wa me a ka tla kwano go nna?

Luke 11:20

Mme fa ke kgarameletsa medemone ntle ka monwana wa Modimo, gona puso ya Modimo e fitlhile mo go lona.

Johane 14:20

Tsatsing leo lo tla lemoga gore ke mo go Rre, le lona lo mo go nna, le nna ke mo go lona.

Johane 14:7

Fa lo ka bo lo nkitse, lo ka bo lo itse le ene Rre. Mme go tloga jaanong lo a mo itse, lo bile lo mmonye.”

Johane 16:3

Ee, dilo tse ba tla di dira, ka gonne ga ba itse Rara le e seng nna.

Johane 17:3

Mme botshelo jo bo sa khutleng ke fa ba go itse o le Modimo wa boammaaruri o le wesi, le Jesu Keresete yo ò mo romileng.

Johane 17:8

Gonne ke ba neile mafoko a o a nneileng, mme ba a amogetse, ba bile ba itse ruri gore ke tswa go wena, ba dumetse gore o nthomile.

Johane 20:13

Bao ba mo raya ba re: “Mosadi, o lelelang?” A ba fetola a re: “Ke ka gonne ba tlositse Morena wa me, mme ga ke itse gore ba mmeile kae.”

Johane 20:28

Thomase a mo araba a re: “Morena wa me le Modimo wa me!”

Ditiro 20:24

Mme ga ke re sepe ka tsona, le bophelo jwa me ga ke bo kaye se segolo, fa nka swetsa fela tshiano ya me ka boitumelo, e bong tirelo e ke e amogetseng mo go Morena Jesu ya go supa Efangele ya bopelotlhomogi jwa Modimo.

Baroma 8:18

Gonne ke kaya gore dipogo tsa sebaka seno ga se tsa sepe, fa di bapisiwa le kgalalelo e re tla e senolelwang.

Baroma 8:39

gongwe bogodimo gongwe boteng, le fa e ka nna sebopiwa se sele, ga di kgone go ka re kgaoganya le lorato lwa Modimo lo lo mo go Keresete Jesu, Morena wa rona.

1 Bakorinta 2:2

Gonne ke ne ke sa ikaelela go lo itsise sepe fa e se Jesu Keresete fela, ene yo o bapotsweng.

1 Bakorinta 9:10

A kampo ga o bue jalo gagolo ka ntlha ya rona? Kana go kwadilwe ka ntlha ya rona ga twe: “Molemi o tshwanetse go lema ka tsholofelo, le yo o phothang a phothe ka tsholofelo ya go bona kabelo.”

2 Bakorinta 4:4

e bong bone ba ba sa dumeleng, ba modimo wa lefatshe leno o foufaditseng maikutlo a bone, gore lesedi la Efangele ya kgalalelo ya ga Keresete, yo e leng setshwano sa Modimo, le se ka la ba bonegela.

2 Bakorinta 4:6

gonne Modimo o o rileng: “A lesedi le phatsime mo lefifing!” ke ona o o sedifaditseng dipelo tsa rona, e le go bonesiwa go ka lemoga kgalalelo ya Modimo mo sefatlhegong sa ga Jesu Keresete.

Bagalatia 1:16

ya re go o kgatlha go ntshenolela Morwaa-ona gore ke tle ke rere Efangele ya gagwe mo baheitaneng, ka akofa, ka se ka ka gakololana le nama le madi;

Baefeso 4:13

go fitlhelela re be re fitlhe rotlhe mo bongwengfela jwa tumelo le jwa go itse Morwa Modimo le go nna monna yo o tletseng go fitlha selekanyong sa bogolo jo bo tletseng jwa ga Keresete

Bafilipi 1:1

Nna Paulo le Timotheo, batlhanka ba ga Keresete Jesu, re kwalela botlhe ba e leng baitshepi ka Keresete Jesu ba kwa Filipi mmogo le balebeledi le badiredi:

Bafilipi 3:10

ya go itse ene le thata ya tsogo ya gagwe le go kopana nae mo dipogong tsa gagwe ka go dirwa yo o tshwanang le loso lwa gagwe,

Bafilipi 3:12

Ga se go re ke setse ke tshwere, gongwe ke setse ke le botlalo; mme ke ntse ke bo tabogela gore motlhamongwe ke bo tshware, ka le nna ke tshwerwe ke Keresete Jesu.

Bafilipi 3:7

Mme tse e neng e le khumo mo go nna ke di kaile tshenyegelo ka ntlha ya ga Keresete.

2 Timoteo 4:6

Nna ke setse ke tla dirwa setlhabelo, nako ya me ya go swa e fitlhile.

Bahebera 3:14

Gonne re diregile ba ba nang le seabe mo go Keresete, fa re tshegeditse boikanyo jwa ntlha ka tlhomamo go ya bokhutlong.

1 Petero 2:7

Ke la botlhokwa mo go lona ba lo dumelang; mme mo go ba ba sa dumeleng: “Lentswe le baagi ba le latlhileng le dirilwe letlapa la sekhutlo,”

2 Petero 1:2

A bopelotlhomogi le kagiso di lo ntsifalele ka go itse Modimo le Jesu, Morena wa rona!

2 Petero 1:3

Kana ke thata ya gagwe ya bodimo e e re abetseng dilo tsotlhe tse di re direlang bophelo le poifo-Modimo, ka go itse ene yo o re biditseng ka kgalalelo ya gagwe le ka maatlametlo a gagwe.

2 Petero 1:8

Gonne fa dilo tse, di le teng mo go lona, mme di ntse di ata, di tlosa botshwakga le botlhoka-leungo ntlheng ya go itse Morena wa rona Jesu Keresete.

2 Petero 3:18

Mme golang mo bopelotlhomoging le mo kitsong ya Morena wa rona Jesu Keresete Morepholosi. A kgalalelo e nne ya gagwe jaanong le go ya letsatsing la bosakhutleng!

1 Yohane 1:3

Se re se bonyeng, ra se utlwa, le lona re a se lo rerela gore le lona lo nne le kopano le rona; mme kana kabelano ya rona ke ya go kopana le Rara le Jesu Keresete Morwawe.

1 Yohane 2:19

Ba dule mo go rona, mme e ne e se ba rona; gonne fa e ka bo e ne e le ba rona, ba ka bo ba sa na le rona. Mme go tshwanetse ga bonala, fa e se ba rona botlhe.

1 Yohane 5:20

Re bile re itse gore Morwa Modimo o tsile, a re naya tlhaloganyo ya gore re itse ene yo e leng boammaaruri. Mme re mo go ene yo e leng boammaaruri, mo go Morwaa-ona, Jesu Keresete. Yoo ke ene Modimo wa boammaaruri le bophelo jo bo sa khutleng.