Bafilipi 3:3 - Setswana 1970

³ Gonne ba ba rupileng tota ke rona ba re direlang Modimo ka Mowa, re ipoka ka Keresete Jesu, re sa ikanye nama,

Lefoko: La Botshelo Kgolagano e Ntsha

³ Gonne ga se go segwa ga mebele ya rona mo go reirang bana ba Modimo; ke go mo obamela ka mewa ya rona. E ke yone “thupiso” ya boammaaruri. Rona Bakeresete re galalela mo go se Keresete Jesu a se re diretseng ebile re lemoga gore ga re kake ra ithusa go ipoloka.

Bibela ea Boitsépho 1890 (Sechuana Tlhaping - Moffatt Bible)

³ Gone boguera ki rona ba re rihelañ Morimo mo moeeñ, le go belahala mo go Keresete Yesu, mi ga re na boikanyo mo nameñ.

BAEBELE e e Boitshepo

³ Gonne bogwera ke rona ba re obamang ka Mowa wa Modimo, re ipelafatsa ka Keresete Jesu, re bile re se na boikanyo bope mo nameng.

Bafilipi 3:3 Iomraidhean Croise

Lipesalema 105:3

Belafalang ka leina la gagwe le le boitshepo; a go itumele dipelo tsa ba ba batlang Morena!

Yesaye 45:25

Losika lotlhe lwa Iseraele lo tla siamisiwa mo Moreneng, lo ipoka ka ene.

Yeremie 4:4

Rupelang Morena, lo tlose bosarupang jwa dipelo tsa lona, banna ba Juta le baagi ba Jerusalema; e se re gongwe bogale jwa me jwa bolola, jwa tuka jaaka molelo ka ntlha ya bosula jwa ditiro tsa lona, go se yo o o timang.”

Yeremie 9:26

e leng Baegepeto le Bajuta le Baetomo le Baamone le Bamoabe le botlhe ba ba sekotsweng ditlhogo ba ba agileng mo sekakeng. Gonne ditšhaba tsotlhe tseo le Baiseraele botlhe ba na le dipelo tse di sa rupang.”

Malakie 1:11

Gonne go tswa kwa botlhabong jwa letsatsi go fitlha kwa bophirimong jwa lone, leina la me le legolo mo ditšhabeng; mo felong gongwe le gongwe maswalo a fisediwa leina la me le tshupelo e e itshekileng; gonne leina la me le legolo mo ditšhabeng,” go bua Morena wa masomosomo.

Baroma 1:9

kana Modimo o ke o direlang ka mowa wa me ka go rera Efangele ya Morwaa-ona, ke mosupi wa me wa gore ga ke khutle go lo gopola.

Baroma 15:17

Ke ka moo ke nang le go ka ipoka mo go Keresete Jesu ka ntlha ya go direla Modimo.

Baroma 7:6

Mme jaanong re golotswe mo molaong, ka re sule ntlheng ya sona se se neng se re tshwere; ke ka moo re leng badiredi ka fa bošweng jwa mowa, e seng ka fa mokgweng wa bogologolo wa ditlhaka tsa molao.

Baroma 8:15

Kana ga lo a amogela mowa wa botlhanka wa gore lo boe lo boife; mme lo amogetse mowa wa bongwana o re bitsang ka ona re re: “Abba, Rara!”

Baroma 8:39

gongwe bogodimo gongwe boteng, le fa e ka nna sebopiwa se sele, ga di kgone go ka re kgaoganya le lorato lwa Modimo lo lo mo go Keresete Jesu, Morena wa rona.

Baroma 9:6

Fela ga se go re, Lefoko la Modimo le nyeletse; gonne ga se go re, ba ba duleng mo go Iseraele ke Baiseraele botlhe.

2 Bakorinta 11:18

E re ka ba bantsi ba ipoka ka fa nameng, le nna ke tla ipoka.

Bagalatia 5:25

Fa re phela ka Mowa, a re tsamaeng ka Mowa le gona.

Bagalatia 6:16

A jaanong botlhe ba ba tla phelang ka fa kaelong eo, kagiso le kutlwelo-botlhoko di nne mo go bone ba e leng bone Baiseraele ba Modimo.

Baefeso 6:18

lo ntse lo rapela ka gale ka Mowa ka merapelo yotlhe le ka mekokotlelo, mme lo nne lo thantse ka ntlha ya moo ka tlhomamo yotlhe, lo rapelele baitshepi botlhe;

Deuteronome 10:16

Jaanong he rupisang boheitane jwa dipelo tsa lona, lo se tlhole lo gagamatsa dithamo tsa lona.

Deuteronome 30:6

Foo Morena, Modimo wa gago, o tla go rupisa pelo le bana ba gago gore o tle o rate Morena, Modimo wa gago, ka pelo yotlhe le ka mowa otlhe gore o tle o tshele.

Bafilipi 1:1

Nna Paulo le Timotheo, batlhanka ba ga Keresete Jesu, re kwalela botlhe ba e leng baitshepi ka Keresete Jesu ba kwa Filipi mmogo le balebeledi le badiredi:

Bafilipi 3:12

Ga se go re ke setse ke tshwere, gongwe ke setse ke le botlalo; mme ke ntse ke bo tabogela gore motlhamongwe ke bo tshware, ka le nna ke tshwerwe ke Keresete Jesu.

Bafilipi 3:14

Ke sianela bokhutlong jwa tshiano, ke tabogela sekgele sa pitso ya legodimo ya Modimo mo go Keresete Jesu.

Bakolosa 2:11

Le gona lo rupile mo go ene ka thupiso e e sa dirweng ka diatla, ka go apola mmele wa nama e e boleo, ka thupiso ya ga Keresete,

Juda 1:20

Mme lona, baratwi, ikageng mo tumelong ya lona e e boitshepotshepo, lo rapele ka Mowa o o Boitshepo,