Bafilipi 1:21 - Setswana 1970

²¹ Gonne mo go nna go phela ke Keresete, go swa ke letlotlo.

Lefoko: La Botshelo Kgolagano e Ntsha

²¹ Gonne mo go nna, go tshela go raya dipako tsa ga Keresete, mme go swa, go siame bogolo!

Bibela ea Boitsépho 1890 (Sechuana Tlhaping - Moffatt Bible)

²¹ Gone kaga me, go tsela ki Keresete, le go shua ki phenyo.

BAEBELE e e Boitshepo

²¹ Gonne mo go nna, go tshela ke Keresete, mme go swa ke poelo.

Bafilipi 1:21 Iomraidhean Croise

1 Bakorinta 1:30

Mme ke ka ona, fa lona lo le mo go Keresete Jesu, yo Modimo o mo re diretseng botlhale le tshiamo le boitshepiso le kgololo,

1 Bakorinta 3:22

le fa e le Paulo gongwe Apolo gongwe Kefa gongwe lefatshe gongwe bophelo gongwe loso gongwe tsa kajeno gongwe tse di tlang, tsotlhe ke tsa lona;

2 Bakorinta 5:1

Gonne re itse gore fa ntlo ya rona ya lefatshe ya motlaagana e thujwa, re na le kago e e tswang mo Modimong, e bong ntlo e e sa khutleng kwa magodimong e e sa dirwang ka diatla.

2 Bakorinta 5:6

Ka moo re na le bopelokgale ka metlha yotlhe, re itse gore fa re sa ntse re agile mo mmeleng, re kgakala le legae Moreneng;

2 Bakorinta 5:8

Mme re pelokgale, re bile re eletsa bogolo go huduga mo mmeleng le go goroga go nna le Morena.

Bagalatia 2:20

Ke a tshela, mme ga e tlhole e le nna, ke Keresete yo o tshelang mo go nna, mme se ke se tshelang jaanong mo nameng ke se tshela ka go dumela mo go Morwa Modimo yo o nthatileng, a ba a ineela losong ka ntlha ya me.

Bagalatia 6:14

Mme a go nne kgakala le nna go ipoka, fa e se fela ka sefapaano sa Morena wa rona Jesu Keresete, se lefatshe le mpapoletsweng ka sona, le nna ke bapoletswe lefatshe ka sona.

Bafilipi 1:20

ka fa tebelelong e e bogale ya me ke a solofela gore, ga ke ne ke tlhajwa ke ditlhong, mme le jaanong Keresete o tla godisiwa ka mmele wa me jaaka ka gale, ke le pelo e e phuthologileng, le fa e ka nna ka botshelo gongwe ka loso.

Bafilipi 1:22

Mme e re ka go phela mo nameng e le sona se se ungwisang tiro ya me, ruri ga ke itse se nka se itlhophelang.

Bafilipi 1:23

Ke akabadiwa ke dilo tse pedi tse: Ke na le keletso ya go huduga le go nna le Keresete; kana moo go gaisa tsotlhe;

Bafilipi 2:21

ka gore botlhe ba ipatlela tsa bone, e seng tsa ga Keresete Jesu.

Bakolosa 3:4

E tla re Keresete yo e leng botshelo jwa rona a bonala, foo le lona lo bonale nae mo kgalalelong.

Tshenolo 14:13

Ke fa ke utlwa lentswe le tswa kwa legodimong le re: “Kwala o re: Go sego baswi ba ba swelang mo Moreneng go tloga jaanong.” Mowa o a re: “Ee, ba tla bona boikhutso morago ga matsapa a bone; ka gonne ditiro tsa bone di ba setse morago.”