Bafilipi 1:20 - Setswana 1970

²⁰ ka fa tebelelong e e bogale ya me ke a solofela gore, ga ke ne ke tlhajwa ke ditlhong, mme le jaanong Keresete o tla godisiwa ka mmele wa me jaaka ka gale, ke le pelo e e phuthologileng, le fa e ka nna ka botshelo gongwe ka loso.

Lefoko: La Botshelo Kgolagano e Ntsha

²⁰ Gonne ke tshela mo tebelelong ya tlhwaafalo le tsholofelo ya gore ga ke kitla ke dira sepe se se tlaa dirang gore ke itlhabelwe ke ditlhong mme ke tlaa nna ke ipaakanyeditse go bua kaga Keresete ka bopelokgale fa ke santse ke tsweletse mo ditekong tse kwano; fela jaaka ke ne ke ntse mo lobakeng lo lo fetileng; mme ke tlaa aga ke tlotlega mo go Keresete, e ka ne e le ka botshelo kgotsa ka loso.

Bibela ea Boitsépho 1890 (Sechuana Tlhaping - Moffatt Bible)

²⁰ Kaha tlologeleloñ e e thata le culuhelo ea me, ha ki si kitla ki tlabisioa litloñ mo go sepe, mi ka bopelukhale yotle yaka gale, gontse yalo le yana Keresete o tla gorisioa mo meleñ oa me, leha e le ka botselo, leha e le ka loshu.

BAEBELE e e Boitshepo

²⁰ Ka fa tebelelong ya me e e thata, le tsholofelo ya gore, ga nketla ke tlhabisiwa ditlhong ke sepe, fa e se gore, jaaka gale, le gompieno, Keresete o tlaa godisiwa mo mmeleng wa me, le fa e ka ne e le ka botshelo, le fa e ka ne e le ka loso.

Bafilipi 1:20 Iomraidhean Croise

Lipesalema 119:116

Ntshegetsa ka fa tsholofetsong ya gago gore ke phele; se ntlhabise ditlhong ka ntlha ya tsholofelo ya me.

Lipesalema 119:80

A pelo ya me e nne mo melaong ya gago, e itekanetse, gore ke se ka ka tlhajwa ke ditlhong.

Lipesalema 25:2

Modimo wa me, ke a go ikanya. A ke se tlhajwe ke ditlhong, a baba ba me ba se ntudueletse.

Lipesalema 62:5

Ba akantse fela go mo diga mo bogolong jwa gagwe; ba natefelwa ke maaka; ka molomo ba a tshegofatsa, mme mo teng ga bona gona ba hutsa. Sela.

Liane 10:28

Tsholofelo ya basiami e isa mo boitumelong; tse baikepi ba di letileng di a nyelela.

Liane 23:18

Gonne fa ò e boloka, tswelelopele e tla nna teng; mme tsholofelo ya gago ga e kitla e nyelela.

Yesaye 45:17

Iseraele o pholosiwa ke Morena. Ke pholoso e e sa khutleng. Ga lo nke lo tlhajwa ke ditlhong, le e seng go kgobiwa ka gale le ka bosakhutleng.

Yesaye 50:7

Morena Modimo o ntse a nthusa; ke ka moo ke sa tlhajweng ke ditlhong; ke ka moo ke dirileng sefatlhego sa me jaaka legakwa, ka itse gore kgala ga e na go nkama.

Yesaye 54:4

Se boife, gonne ga o nke o tlhajwa ke ditlhong; se tlhajwe ke kgala, gonne ga o nke o tlhonya. Gonne o tla lebala ditlhong tsa bošwa jwa gago, o sa tlhole o gakologelwa kgobo ya botlholagadi jwa gago.

Johane 21:19

O ne a bua jalo go supa gore o tla galaletsa Modimo ka loso lo lo ntseng jang. Ya re a sena go bua jalo, a mo raya a re: “Ntshale morago!”

Ditiro 20:24

Mme ga ke re sepe ka tsona, le bophelo jwa me ga ke bo kaye se segolo, fa nka swetsa fela tshiano ya me ka boitumelo, e bong tirelo e ke e amogetseng mo go Morena Jesu ya go supa Efangele ya bopelotlhomogi jwa Modimo.

Ditiro 21:13

Foo Paulo a araba a re: “Lo dirang ka go lela, lo mphatlola pelo? Kana ke iketleeditse go swela leina la Morena Jesu kwa Jerusalema, e seng go golegwa fela.”

Ditiro 4:31

Ya re ba sena go rapela, felo fa ba phuthegetseng teng ga reketla, botlhe ba tlala Mowa o o boitshepo, ba be ba bua Lefoko la Modimo ka bopelokgale.

Baroma 12:1

Jaanong, ba ga etsho, ke a lo kgothatsa, ka re na le kutlwelo-botlhoko ya Modimo, gore lo neele Modimo mebele ya lona go nna setlhabelo se se tshelang, se se boitshepo, se se o kgatlhang; ke yona tirelo-Modimo ya lona e e lebanyeng.

Baroma 5:5

mme tsholofelo ga e tlhabise ditlhong; gonne lorato lwa Modimo lo tshetswe mo dipelong tsa rona ka Mowa o o Boitshepo o re o neilweng.

Baroma 6:13

Gape se neeleng boleo ditokololo tsa lona go nna didiri tsa tshiamololo, mme ineeleng Modimo jaaka ba ba tswang mo losong, ba phela, le ditokololo tsa lona di neeleng Modimo go nna didiri tsa tshiamo;

Baroma 6:19

Ke bua ka fa mokgweng wa batho ka ntlha ya bokoa jwa nama ya lona; a e re jaaka lo ne lo neetse ditokololo tsa lona go nna badiredi ba maswe le ba boitaolo jo bo isang boitaolong, jaanong neelang ditokololo tsa lona jalo go nna badiredi ba tshiamo e e isang boitshepisong.

Baroma 8:19

Kana tsotlhe tsa tlholego di lebeletse ponatshego ya bana ba Modimo ka tlhologelelo e kgolo.

Baroma 9:33

jaaka go kwadilwe ga twe: “Bonang, ke baya lentswe la kgopo mo Sione, lefika la kgopiso; mongwe le mongwe yo o dumelang mo go ene ga a nke a tlhajwa ke ditlhong.”

1 Bakorinta 15:31

Ba ga etsho, ka poko e ke nang nayo mo go Keresete Jesu, Morena wa rona, ka ntlha ya lona, ka re: Ke swa ka letsatsi le letsatsi!

1 Bakorinta 6:20

Lo rekilwe ka tlhwatlhwa e kgolo; galaletsang he Modimo ka mebele ya lona e e leng ya Modimo!

1 Bakorinta 7:34

Mosadi ga a tshwane le lekgarebe; yo o sa nyalwang o tlhokomela tsa Morena, gore a nne boitshepo ka fa mmeleng le ka fa moweng; mme yo o nyetsweng ene o tlhokomela tsa lefatshe ka fa a ka kgatlhang monna ka teng.

2 Bakorinta 10:8

Gonne le fa nka ipoka go feta moo ka ntlha ya thata ya rona e Morena o e re neileng go lo aga, e seng go lo rutla, ga nka ke ka tlhajwa ke ditlhong.

2 Bakorinta 3:12

E re ka jaanong re na le tsholofelo e e ntseng jalo, re dirisa bopelokgale jo bogolo,

2 Bakorinta 4:10

re tsamaya re ntse re apere go swa ga Jesu mo mebeleng gore le go tshela ga Jesu go bonale mo mebeleng ya rona;

2 Bakorinta 5:15

Mme ene o swetse botlhe gore ba ba phelang ba se tlhole ba iphelela, mme ba phelele ene yo o ba swetseng, a ba a tsoga ka ntlha ya bone.

2 Bakorinta 7:14

Fa nkile ka lo boka fa pele ga gagwe, ga ke a ka ka tlhajwa ke ditlhong; mme poko ya rona fa pele ga Tito ya bonala e le boammaaruri, jaaka re buile dilo tsotlhe mo go lona ka boammaaruri.

2 Bakorinta 7:4

Ke lo phuthologetse pelo thata, ke na le tlotlego e kgolo ka ntlha ya lona, ke tletse kgomotso, ke na le letlotlo la boitumelo mo tlalelong yotlhe ya rona;

Bafilipi 1:14

mme bontsi jwa bakaulengwe ba tlala boikanyo mo Moreneng ka kgolego ya ka, ba be ba beta pelo bogolo go pele go bolela Lefoko la Modimo, ba sa boife sepe.

Bafilipi 2:17

Mme le fa madi a me a ka tshololwa jaaka tshupelo ya noo ke ntse ke supele Modimo tumelo ya lona le go e o isetsa, ke tla nna ke itumela, ke be ke itumela le lona lotlhe.

Bakolosa 1:24

Jaanong ke itumela mo dipogong tse ke di lo bogelang, ke tlatsa ka nama ya me dipitlagano tsa ga Keresete fa di tlhaelang teng, ke direla mmele wa gagwe o e leng phuthego

1 Batedaloni 5:23

Mme a Modimo wa kagiso ka osi o lo itshepise gotlhe; a mewa ya lona le maphelo a lona le mebele ya lona di bolokwe, e nne tse di itekanetseng, di se na molato mo go tleng ga Morena wa rona Jesu Keresete.

1 Petero 4:16

Mme fa a bogisiwa, ka a le Mokeresete, a a se ka a tlhajwa ke ditlhong ka ntlha ya leina leo, mme a a galaletse Modimo ka lone.

1 Yohane 2:28

Mme jaanong, banaka, nnang mo go ene gore e re fa a bonatsega, re nne le phuthologo, mme re se ka ra tlhajwa ke ditlhong fa pele ga gagwe, mogang a tlang.